Fabinii 5:14 - Yennu Gbouŋ Mɔɔr

¹⁴ Ki nikpera na ji ki kaar doo na tammɔkɔɔka boori; ki nipaauŋ na mun bia ji ki yiin yanii ki faa bonfifaati.

Fabinii 5:14 ပူးပေါင်းရင်းမြစ်များ

JOB labaar 30:1

Ŋaan mɔtana, jab nba ki n kperib na laame. Bi baanba mantik tuu ki mɔk nyɔɔt, li paake ki n tuu kan te bin somm n bɔi ki bin kpakir pei.

JOB labaar 30:31

Siaminba ki n tuu gbia jinjeruk nan kpinkpammuk na, mɔtana n ji gbia fabinii nan mɔniie leŋ.

Jeremaya 16:9

Gbiintir linba ki min Yabint Daanɔ Israel teeb Yennu yaa man pak. N saa te kpinkpammuk, nan parmaasir, nan poochianu jaamm parpeenn fuut na n ŋmin. Niib nba be nna sii be bi manfoor ni ki la linba na n tun.

Jeremaya 25:10

N saa te ki bi kpinkpammuk nan parpeenn fuut na n ŋmin, ki kpab nan bi poochiann jaamm parpeenn fuut na. Kpan ji sii kaa bi fita ni, ki jeet bia sii kaa.

Jeremaya 7:34

Tiŋ na tan sii dɔɔ yanne. N saa boon parmaasir fuut, nan poochiann jaamm parpeenn fuut, Juda doi ni nan Jerusalem sɔnjot niwa.

Fabinii 1:19

“Ki n tun yiin n yɔɔsnba, ŋaan ki bi yêt ki ki sommin. Ki mannteeb nan tɔɔndamm kpenn doo na sɔnjot ni, ki loon jeet a bin di ki foor bi mɔŋ.

Fabinii 1:4

Ki bi sɔɔ ji ki baat Yenjiantu ŋasaakak na ni, ki jiantir Yennu, kasii daa na ni. Ki sapaamm nba tuu yiin leŋ na di fara, ki mannteeb na mun kurii ki duun. Ki doo na tammɔi be yann, ki Sayɔnn doo be nan gbananyekitir.

Fabinii 2:10

Ki Jerusalem nikpera na kar tiŋ ni ki ŋmin soon nna, ki puk tanbiinii bi yura paak, ki bia lia bɔtoliant, ki sapaanbis na tibint bi yura nan fei.

Esekiel 26:13

Ki i ji kii mɔk linba paak ki i saa yin yanii koo ki faa kɔna,

Hosea 2:13

N saa dat u tubir, kimaan waa tamm n po, ŋaan jokin bonnunubit ki teen tingbann Baal, ki bia lia salima liant, ki lin waa u yɔɔsnba na. Min Yennu-e pak na.

Sennu 16:18

“Gant barbuura nan saakab ki bii be doi kur ni, doi nba ki i Yomdaanɔ Yennu jikit ki teeni na. Jab maŋ-ii bu niib buut fanu.

Fiitu 18:22

ki ji kan mi gbat ki bafaara faa biat, koo ki yan-yinna yiin yanii, koo ki yerpebira peeb yerii, koo ki kikapebira peeb kikai doo maŋ ni; ki toontunnɔ bia kan mi ki be leŋi, ki sɔɔ bia kan mi ki gbat naar fuut leŋi;