Fabinii 4:21 - Yennu Gbouŋ Mɔɔr

²¹ Ii laa man, yimm Edom teeb nan Us teeb. Ii mɔk parpeenn man, nan yaa daa mɔk yaak na. Biiru mun bia baatie, ki i mun bia tan sii daŋit ki be payana, ki di fei.

Fabinii 4:21 ပူးပေါင်းရင်းမြစ်များ

Pinpiik 36:28

Disann-e din tee naakuut na yeeja, ŋamme tee Us nan Arann.

2 Barkperii 28:19

Juda kpanbar Ahas nba din ton nan u niib, ki bia yêt Yennu sennii na paake ki Yennu te daamii baar Juda teeb paak.

JOB labaar 1:1

Jasɔɔe din be, ki bi yiu Job, ki u kɔɔ Us tiŋ ni, ki jiantir Yennu ki waau fanu, ki tee niŋanɔ, ki dia u mɔŋ fanu, ki ki tuun biit.

Yaŋ 137:7

Yennu, tiat Edom teeb nba din tun linba, daar nba ki ti datai nyann Jerusalem na. Tiat baa din yeen a, “Yeetir ki sikinir tiŋ ni.”

Banntɔɔ 11:9

Nipaauŋ, ii di manu i bisuk ni. Ii mɔk parpeenn, yaa daa paan na. Tumin linba ki i loon, ki maŋ i para, ŋaan ii tian man nan Yennu tan saa bu i buut linba kur ki i tun na paaka.

Jeremaya 49:12

“Li-i tee ki binba ki kpaa talas nan bin la tubdatu ji tan la tubdatu, i dukin tubdatu kan baar i paaki-i? Tubdatu saa baar i paaka.

Jeremaya 49:7

Yabint Yennu nba pak linbae na ki jiin Edom teeb po a: “Edom teeb yanfoon na ji kaae-e? Bi ŋmakit-teeb na ji ki fit wantib linba ki bi sii tuuni-i? Bi subinii na kur mir bote-e?

Esekiel 25:6

Maan nba nae ki Yabint Yennu yeen a, “Yimme poi niipoot ki mobit nan kpinkpammuk, ki yisin Israel tiŋ.

Esekiel 25:8

Ki Yabint Yennu ŋamm yet a, “Kimaan Moab teeb nba yeen a Juda teeb ki mɔk bɔkitu nan digbanlia na,

Esekiel 26:2

“Nisaarik, Taya doo niib na yiin yaniie ki kpamm, Jerusalem biiru paak. Bi hoote ki yeen a, ‘Jerusalem baawa. Li tuu tee digbanjaann nba tee kpinkpouŋ boore, mɔtana doo na baawa, ki ti saa gaar u setu.’

Amos 1:11

Yennu ŋamm yet a, “Edom teeb tun yanbɔmm, ki bia ŋamm tun yanbɔmma, li paak, n saa dat bi tubawa. Bi wei ber bi ninjamm Israel teeb na, ki ki timm ninbaauku. Bi wutoa ki mɔk gɔɔru, ki bi ki te ki li maaki.

Obadia 1:1

Mɔmaan nba nae ki Yabint Yennu yet Obadia ki jiin Edom tingbouŋ po. Ti gbat mɔmaan ki li nyii Yennu boor, u tun tontii digbana ni ki yet a, “Teent siir man ki tin saan faa Edom teeb tɔb.”

Maika 1:11

Yimm Safir teeb, bi saa soori ki saan nani digbangann, ki i saa somm payana, ki di fei. Binba kɔɔ Saanann doo ni na ki mɔk para nan bin nyi doo maŋ ni. Li-i tee ki i tan gbat Bef-esel teeb fabinii, yin bann nan gungurboor kaa leŋ.

Habakuk 2:16

Li paak, i mɔŋ tan saa di fei-e, li kii tee baakir kaa. I mɔŋ tan saa nyu ki lian nnae. Yennu-e saa te ki i nyu i mɔŋ nyubitik nba tee tubdatu, ki i baakir na saa tunn ki tee fei.

Fiitu 16:15

Tɔn, Yiisa yet a “Nnara, n baat nan nanyukɔ nba tuu baar biaŋinba nae. Parpeenn be daanɔ nba ki gɔɔnt, ki lia u tiat ki ki somm yanni, ki niib kan la u fei na paak.”