Fabinii 3:56 - Yennu Gbouŋ Mɔɔr

⁵⁶ Yoo nba ki n tan barima, maa fan gbiint n mɔnii na, ki a gbat,

Fabinii 3:56 ပူးပေါင်းရင်းမြစ်များ

2 Barkperii 33:13

Waa miar Yennu yoo nba, ki Yennu got u ninbaatir ki turɔ gatu, ki te ki u ŋmat jen Jerusalem, ki ŋamm dia u niib. Linba na te ki Manase bann nan Yennu-e tee Yomdaanɔ.

2 Barkperii 33:19

Kpanbar na Yenmiaru, nan biaŋinba ki Yennu turɔ gatu, nan u toonbiit nba ki u tun ŋaan tan lebit na, nan nɔɔntont toona nba ki u tun, nan tingbanjiantboa nba ki u maa, nan chicherpook Asera ninnant nba ki u ŋamm, nan tingbana 1nba ki u jiantir, li kur sɔb Yennu sɔkiniinba barkperii gbouŋ ni.

JOB labaar 34:28

Bi mukis nandamm, ki bi fabin ki teen Yennu, ki u gbia bi fabinii nba loon sommir na.

Yaŋ 3:4

N yi Yennu-e ki loon sommir, ki u be u kasii kunkonn paak, ŋaan teenin gatu.

Yaŋ 34:6

Ki fara damm fabin ki turɔ, ki u turib gatu ki nyinnib bi wahala kur ni.

Yaŋ 5:2

gbiintir n mɔnii ki sommin, fin nba tee n Yennu nan n kpanbar. N meia, Yennu.

Yaŋ 5:3

Fine gbia n kunkɔr sanyiɔk ni, ki yondoor ki n tuu fabin nana, ŋaan ji guu a gatu.

Yaŋ 55:1

Yennu, gbiintir n miaru; a daa lekin a numm n fabinii na paaki.

Yaŋ 55:18

Maa tookit tɔb nba na, u saa te man jen nan laafia, datai bonchiann nba lek kɔn nanin na.

Yaŋ 55:2

Gbiintir, ki turin gatu; n dudukit bak nan daamiiwa.

Yaŋ 66:19

Ŋaan barmɔnii, Yennu gbat ki turima, ki gbiint n miaruwa.

Aisaya 38:5

a wun ŋmat Hesekia boor ki saa pakɔ a, “Min Yennu nba tee a yeeja Defid Yomdaanɔ na gbat a miaru nawa, ki bia la a ninnyuut nawa. N saa te ki a manfoor n pukin bina piik nan ŋanŋmu.

Daniel 9:17

Yennu, gbiintir n miaru nan fabinii na. Ŋammit maa jiantu ŋasaakak nba ki bi bet na. Ŋammitir ki lin te sɔɔ kur n bann nan fine tee Yennu.

Rom Teeb 8:26

Nnae mun ki Yennu Seyeeŋ na baar a wun sommit ti bakint ni, kimaan ti ki mi biaŋinba ki ti sii mei Yennu. Ŋɔɔ Yennu Seyeeŋ mɔŋe mei Yennu ki teent ki te ki ti kurii ki mei ti para ni, ki mɔbona kan fit wann li paaki.