Fabinii 2:9 - Yennu Gbouŋ Mɔɔr

⁹ Ki li gana na pii tangbiina ni, ki ganchaata na jint buri buri. Ki leŋ kpanbar nan li nijaana na ji tee yommii digbangann ni. Bi ji ki want Yennu sennii na, ki sɔkiniinba na ji ki laat yirintu ki li nyi Yennu boori.

Fabinii 2:9 ပူးပေါင်းရင်းမြစ်များ

2 Kpanbara 25:7

Sedekaya numm niŋe ki bi din kpii u bonjai. Li poorpo ki Nebukanesar te ki bi kpakir Sedekaya ninbina, ki baanɔ bant, ki saan nanɔ Babilonn.

2 Barkperii 15:3

Li din wei bonchiann ki Israel teeb ki waa barmɔnii Yennu, ki bia ki mɔk mannteeb nba sii wantib. Bi bia din ki mi Yennu sennu na.

Nehemaya 1:3

Ki bi betin nan binba daan tinn ki jen be bi dantiŋ ni na be mabir ni bonchiann, ki boorganu nba din kɔɔ ki kpiab na ki chɔrimmi. Bi bia din betin nan Jerusalem joona na yeer ki dɔɔ tiŋ nie, a ki li gana nba ki bi din joor muu na, bi ki ŋammir, laa nyii li yoowa.

Yaŋ 74:9

Ki ti ki la ti kasii bona, ki a sɔkiniinba sɔɔ ki biar, ki ti sɔɔ mun ki mi laa sii tee nna ki wei biaŋinba.

Aisaya 24:12

Doo na ji tee langbente, li gana biira.

Jeremaya 14:14

Ŋaan ki Yennu jiin a, “Sɔkiniinba na fae n sann ni; n ki tumm, koo ki turib mɔb, koo ki pakib siari. Baa laat linba ki piak na ki nyii n boor kaa, bi buntaa na tee bon-yana nba ki bi dukine.

Jeremaya 23:16

Ki Yabint Yennu pak tur Jerusalem teeb a, “I daa gbiin linba ki n sɔkiniinba mɔɔntir; bi kɔɔnti faak dindanne. Bi wanti linba ki bi dukine, ŋaan li ki tee linba ki n wannib kaa,

Jeremaya 39:2

Ki ŋmaarii ŋanna daa ŋanyia daar nba tee Sedekaya naan bina piik nan yenn ni na, ki bi yeer doo na joonjouk na.

Jeremaya 39:8

Ki sɔɔ ki Babilonia jab na joo naan ŋaak nan niib na ŋei muu, ki bia bet Jerusalem joonjota.

Jeremaya 51:30

Babilonn jab nyik kɔnna, ŋaan ji be bi ŋapaara nie. Bi para kpoe, ki bi ji tee nan poob na. Bi yeer doo na tammɔiwa, ki joo ŋei na muu.

Jeremaya 52:14

ki u jab na bet doo na joonjot kur.

Fabinii 1:3

Juda teeb na tee yommii nba ki mɔk sommire, ki bi ber nyinnib bi ŋei ni. Ki bi ji kɔɔ siab tinii ni, ki ki mɔk siaminba ki bi saa yet a li tee bi yari. Ki bi datai na lintib, ki bi ki mɔk sɔnu nba saa chiar paaki.

Fabinii 4:15

Ki niib na tantir a, “Seetir man. I biir i mɔŋa; i daa siitit.” Ki bi ji lin yirib, ki nyi digban-yenn ni ki saa leer po, ŋaan sɔɔ ki gaamm saauŋu.

Fabinii 4:20

Ki bi soor wunba ki ti manfoor dindann gaa u paak na, ŋɔɔe tee kpanbar nba ki Yennu gann, ki tee daanɔ nba ki ti teenɔ yada nan u saa guurit ki tin nyi binba saa lekit na nuu ni.

Esekiel 12:13

Ki n saa pii baruk ki soorɔ, ki ji jiiu ki saan nanɔ Babilonn doo ni. Leŋe ki u sa saa kpo, ŋaan kan la doo maŋ.

Esekiel 17:20

N saa pii baruko ki soorɔ, ki baar nanɔ Babilonn, ki dat u tubir, waa ki dia u mɔlor na paak.

Esekiel 7:26

Ki bonbiyenn sii baat, ki leer bia waa, ki lababiit sii baat yoo kur, ki i tan saa barin n sɔkiniinba, a bin wanni baa laat linba, ki mannteeb na tan kii mɔk linba ki bi saa wann niibi, ki saakab na mun tan kii mɔk kpaanii ki turi,

Hosea 11:6

Tɔbii saa faa bi doi ni, ki faa jint bi doi gana. Li saa biir n niib, kimaan bi tuun linba ki bi loone.

Hosea 3:4

Ki nna bannue ki Israel teeb sii be ki lin wei, ŋaan ki bi kii mɔk kpanbara koo tɔɔndammi, ki kii mann maruŋu, koo ki mɔk jiant-tana, ki kii mɔk manntɔɔ liatjabiki, koo ki mɔk pata, koo ninnansiar nba ki bi sii gorii ki buntiri.

Amos 1:5

N saa faa kɔnn kutlaana nba dia Damaskus tammɔkɔɔkir, ki nyinn niib nba kɔɔ Afenn baauk ni na, nan Bef Edenn doo diatɔɔ na. Ki bi saa soor Siria teeb ki teemm yommii, ki saan namm Kir tiŋ ni.”

Sennu 28:36

“Yennu saa jii yimm nan i kpanbar ki yaat saan nani tingaŋ ni, siaminba ki yimm koo i yeejamm ki ban kɔɔ. Leŋe ki i saa sii jiantir yennii nba ki bi jii daat nan tana ki namir na.

Sennu 28:63

Nan laa maŋ Yennu ki u te ki i mɔkit ki bia pɔt na, ŋaan li bia saa maŋɔ nnae ki u saa te yin boont. Ki u saa ŋabiri tiŋ nba ki i kɔɔ a yin kar na ni.

1 Samuel 28:6

Ki u boi Yennu waa saa teen biaŋinba, ŋaan Yennu ki turɔ gatu damiit ni, koo ki sɔkin ki tur sɔkiniinba ni, koo tana nba ki bi yir Yurim nan Tumim na ni.