Fabinii 2:4 - Yennu Gbouŋ Mɔɔr

⁴ U tɔ u peenii na ti paak, ki li tee nan u tee ti dataake na, ki kpii binba kur ki ti numm gboob ki bi tuu maant ti para na. Jerusalem na nie ki ti bann u wutoor nba do ti paak biaŋinba.

Fabinii 2:4 ပူးပေါင်းရင်းမြစ်များ

2 Barkperii 34:21

“Saant man ki boi Yennu ki turin, ki bia boi ki tur niib nba biar ki be Israel nan Juda tiŋ ni. Ii fiitir ki bann wannu nba be gbouŋ na ni. Yennu donn wutoor ti paak, kimaan ti yeejamm din ki mɔk mɔsaku nan u mɔmaan, ki ki tun nan biaŋinba ki gbouŋ na yet a bin tun na.”

2 Barkperii 34:25

Bi yêtima, ŋaan jikit bi piinii ki mann tingbana. Baa tun linba kur, ki li donn n wutoor. N wutoor doo ki lint Jerusalem-a, ki li kan maak yanni.

JOB labaar 19:11

Yennu donn wutoor nanin ki li saa yakira, ki dian nan n tee u dataake nan barmɔnii na.

JOB labaar 6:4

Yabint Yennu yekin peenii, ki li lɔbii na saat n gbanant kur powa. Yennu-e bir biiru na chinchuuntuk a lin biirin.

Yaŋ 37:14

Nɔɔnbiit damm saatir bi jukbanjai ki bia daar bi tɔrbana, a bin kpi talas damm nan nandamm biak ni, ki bia kpi binba tuun toonŋana na,

Yaŋ 7:13

U jikit u jatiat nba kpi kuun nae; u yekit u peenii nba mɔk muu nae.

Aisaya 42:25

Ŋanne te ki u wutoor gbatit, ki ti di tɔb wahala. U wutoor di Israel kur po nan muu nae, ŋaan ti din ki bann linba tuun ki tumii siar li ni.

Aisaya 63:10

ŋaan ki bi yêtɔ, ki te ki u kasii Seek na la parbiir. Ŋanne ki Yennu kpant bi dataak ki kɔn namm.

Aisaya 63:6

N wutoor nie ki n ŋmaa digbanmuna ki matib. N kpaar bi manfoor sɔme ki mɔɔn.”

Jeremaya 10:20

Ti ŋei kpant langbenta. Ki ŋmiit nba tuu diar na cheera. Ti waas kur yaata, ki sɔɔ ji kaa ki saa ŋamm maa ti ŋei maŋi, sɔɔ kaa ki saa lor ti mɔŋmii na.”

Jeremaya 21:5

N saa kɔn nana nan n paŋ nan wutoor kur.

Jeremaya 30:14

I yɔɔsnba kur tamm i powa, bi ji ki fiin i po. N leki nan n tee dataak nae. I tubdatu na paar, kimaan i biit na yab bonchiann, i nɔɔntont na paak niiwa.

Jeremaya 36:7

Li ki gar bin miar Yennu ŋaan nyik bi toonbiiti, kimaan Yennu wutoor doo niib na paak bonchiann.”

Jeremaya 4:4

Ii dia yimm nan min Yennu mɔsonn na man, ki jii i mɔŋ ki turin, yimm Juda nan Jerusalem teeb. Yi-i kii teen nna, n wutoor sii di nan muu nae, kimaan biit nba ki i tun na paak. Li sii die, ki sɔɔ kaa ki saa kpeen muu maŋi.”

Jeremaya 42:18

“Israel teeb Yomdaanɔ Yennu yeen a, ‘Biaŋinba ki n wutochiɔŋ kpaar mɔɔn Jerusalem teeb paak na, nnae ki n wutochiɔŋ maŋ saa mɔɔn i paak, li-i tee ki i saan Ijipt. Sɔɔ-i la linba ki n tun turi na, li sii mɔkɔ jaŋmaanii, ki niib sii dia-i diayoonn, ki dia i sann ki poor mɔi. I ji kan ban la nna na.’ ”

Jeremaya 7:20

Li paak, ki min Yabint Yennu saa mɔɔn n wutochiɔŋ na nna. N saa mɔɔnir nisaarii nan bonkobit nan tiinii nan jeet paak. N wutoor na sii tee nan muu nae, ki sɔɔ kan fit kpeeniri.

Fabinii 1:13

“Yennu te muu nyii sanpaapo, ki tee muu nba di n gbananbin ni. U piin baruko, ki tan soorin ki sikinin tiŋ ni, ki nyikin, ki n ji be nan gbanantont yoo kur.

Fabinii 2:5

Yennu biir Israel teeb nan u tee bi dataake na, ki te bi joonpaara nan nijaana ŋei kpant langbent, ki te parbiir nba kaa gbennu baar Juda teeb paak,

Fabinii 3:3

ki yɔɔ faan niikura, ki ninbaauk kaa,

Fabinii 4:1

Ti salinnyinyira na ji biire; ki Yenjiantu ŋasaakak na tana yat ki dɔɔ sɔnjot ni.

Fabinii 4:11

Yennu wutoor mantik doo Sayɔnn doo paake, ki u joor muu ki li dii boont.

Esekiel 13:13

“Joonn nae tee Jerusalem doo, ki min Yabint Yennu mantik donn wutoor u paak ki saa tun wonpaaruk, ki te saak n baa nan sakaana ki biir doo maŋ.

Esekiel 20:34

N saa wanni n paŋ nan n wutoor nba tee biaŋinba, yoo nba ki n taani ki nyii nani digbanbanfɔka nba ki n bo yat kɔɔni na, ki jen nani.

Esekiel 22:22

N saa nannib Jerusalem doo ni, nan baa tuu nann salimpeena muu ni biaŋinba nae, ki bi ji saa bann nan min Yennu-e donn wutoor ki dat bi tuba.”

Esekiel 24:25

Ki Yennu ŋamm yetin a, “Nisaarik, n saa nyinn Jiantu Ŋasaakak nba mɔk paŋ, ki bi mɔk dont-n-mɔŋ nann, ki kpamm li paak, ki baat li boor ki bariir yoo kur na bi ni, ki bia nyinn bi bonjai nan bonpoi na.

Esekiel 36:18

N din te ki Israel teeb na bann n wutoor nba tee, kimaan kuun nba ki bi kpi, nan pata nba ki bi mann tiŋ na ni, ki kɔɔntir jakint na paak.

Esekiel 5:13

“I saa la n wutoor nba saa do i paak biaŋinba, nan laa tan saa maŋin. Li-i tee linba na kur tumi, i saa bann nan min Yennu-e bo pak nani, kimaan n wutoor doo i mɔyêtuk na paak bonchiann.

Esekiel 6:12

Binba kɔɔ digbanbanfɔka na saa yiar ki kpo; ki binba kɔɔ ki naak na saa kpo tɔbii ni, ki binba biar ki mɔk manfoa na, kome saa kpib, ki bi saa bann n wutoor paŋ nba tee,

Esekiel 7:14

ki naatuna peb ki tee nyina, ki kunkɔntiat teen siir nan tɔb faanu. Ŋaan sɔɔ kaa ki saa nyi saan tɔbi, kimaan Yennu wutoor na saa baa sɔɔ kur paaka.

Liifai teeb 26:17

N saa lek n numm, ki lin te bin nyanni, ki binba ki loon i maan na, ŋamme sii dia-i ki ŋmaŋ. Ki i tan sii tiin, ŋaan ki sɔɔ ki waa beeri.

Nahum 1:2

Ti Yomdaanɔ Yennu tee funfunn daanɔe, binba yêen u mɔb, u daar bi tuba, u wutoor nie ki u pa jiintib.

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Sennu 32:22

N wutoor saa doe nan muyeruk na, ki di linba kur be tiŋ na paak. Li saa di ki baar tinpɔɔr ni, ki bia di kunkona nba fɔk fiaka.

1 Samuel 28:16

Ki Samuel yet a, “Bee teen ki a yiinin, ŋaan Yennu nyikawa, ki tee a dataake?