Fabinii 2:21 - Yennu Gbouŋ Mɔɔr

²¹ Nipaauŋ nan nikpera kur dɔɔ sɔnjot ni ki kpowa, ki datai jukbanjai na kpii naasimm nan sapaamm; ki a kpiib, ki ki mɔk ninbatinu namm, daar nba ki a wutoor doo na ni.

Fabinii 2:21 ပူးပေါင်းရင်းမြစ်များ

2 Barkperii 36:17

Li paak, Yennu din te Babilonn kpanbar lekib. Babilonn teeb din kpii Juda naasinpaauŋ, jiantu ŋasaakak na ni. U din ki mɔk ninbatinu nan bi sɔɔ, li nipaauŋ, koo nikpera, koo jɔɔ, koo poo, koo baatɔɔ, koo wunba mɔk laafia. Yennu din jii Juda teeb kur ki kubin Nebukanesar nuu ni.

Estaa 3:13

Ki toomii jii gbant na ki lin nann yent na kur po. Ki li dia sennu a bin jii dayenn kɔɔ nba tee Ada ŋmaarik dapiik nan ŋantaa daar na, ki kpi Juu teeb kur, li nipaauŋ nan nikpera, li poob nan waas. Bin kpib, ki ninbatinu daa be, ŋaan jii bi mɔkint kur.

Aisaya 27:11

Tiinii na yiinii koore ki kɔnn baa, ki poob tɔkii ki kuunt. Niib na nba ki bann siar na, Yennu nba tee bi nantɔɔ na kii mɔk ninmaanii, koo ki timm ninbaauku.

Jeremaya 11:22

Ŋanne ki Yabint Yennu yet a, “N saa dat bi tubira. Bi naasimm saa kpo tɔb nie, ki bi waas n kpo kon.

Jeremaya 13:14

Li poor po, n saa butib nan soa nba tuu lia leer na, saakab nan waas kur yomm. Ninbaauk koo ninkpabauŋ kan fit te man nyik bi kpinu.”

Jeremaya 18:21

Yennu, ŋaant bi waas n kpo kon, ŋaant ki bin kpo tɔbii ni, ŋaant ki bi poob n kɔŋ bi sɔrib nan bi waas, ŋaant yiarii n kpi jab na, ki naasimm na n kpo tɔbii ni.

Jeremaya 21:7

Ŋaan fin nan a saakab nan a niib nba saa nyi tɔb nan kon nan yiarii ni na, n saa te ki Nebukanesar nan u jab nba loon bin kpi-i na n soori. Nebukanesar saa kpi-i. U kan nyik i sɔɔ, koo ki tinɔ ninbaauk, koo ki mɔk ninkpabauŋ nanɔ. Min Yennu-e pak na.”

Jeremaya 4:31

N gbat mɔŋ, ki li tee nan poo nba tuu yaa wun mar na, ki gbat wuyikiŋ ki li naan nan poo nba tuu yaa wun mar u sapaanmar na. Jerusalem mɔ ki loon wamaasin wun foont, ki tantir u nuu ki yeen a, “N boonta. Bi baate a bin kpin.”

Jeremaya 51:22

ki kpii jab nan poob, ki kpii saakab nan waas, ki kpii bonjai nan bonpoi,

Jeremaya 6:11

Yennu, a wutoor nba doo bi paak biaŋinba, n wutoor mun doo nnae bi paak, ki n ji kan fit diari.” Ŋanne ki Yennu yetin a, “Kpaat n wutoor na ki mɔɔn waas paak, sɔnjot ni, nan naasimm tintaanu ni. Bi saa soor jab nan bi ŋaapoob ki yaat namm, ki bia saa yaat nan nikpera mɔŋ.

Jeremaya 9:20

Ki n yet a, “Yimm poob n gbiint ki tur Yennu; ki i baka-ii be u maan ni. Ii tumii i bonpoi kpemɔnii, ki wann i yɔɔsnba kuun yanii yinu.

Jeremaya 9:21

Kuun tɔkin ti takorbonae, ki kɔɔ ti diit ni, ki bia baar ti kpanbara ŋei ni, ki kpi waas sɔnjot ni, ki kpi naasimm dai ni.

Fabinii 1:15

“Yennu laa n kunkɔnkɔnwakita nba ki n mɔk nae; u te ki kunkɔnkɔnna baar kpii n naasinpaauŋ nawa. U mat n niib na ki li tee nan daan tilɔɔna nba ki bi ŋmaan ki nyint nyun nae.

Fabinii 1:18

“Ŋaan Yennu-e mɔk mɔnii, kimaan n yêt u mɔba. Gbiintir man, niib nba be lokir kur po, gotir gbanantont nba ki n be li ni. Bi soor n naasinpaauŋ nan sapaamm ki teemm yommii ki yaat namm.

Fabinii 1:4

Ki bi sɔɔ ji ki baat Yenjiantu ŋasaakak na ni, ki jiantir Yennu, kasii daa na ni. Ki sapaamm nba tuu yiin leŋ na di fara, ki mannteeb na mun kurii ki duun. Ki doo na tammɔi be yann, ki Sayɔnn doo be nan gbananyekitir.

Fabinii 2:17

Yennu poŋ tun waa lor a wun tun linbawa. U biirite, ki ninbatinu kaa, nan waa din wannit sianyoo biaŋinba na. U te ki ti datai na la nyannu, ki te bi kpamm ti biiru na paak.

Fabinii 2:2

Yennu biir Juda digbanbis kur, ki ninbatinu kaa; ki bit joonpaara nba guu doi na, ki te digbann na nan li diara dii fei.

Fabinii 3:43

“A wei berite, ki kpiit, ki wutoor dɔɔk a ninbatinu na paak.

Esekiel 24:21

a man wann yimm Israel teeb maan na. I dont i mɔŋ, Jiantu Ŋasaakak nba wakii na paak. I mantik loon yii baat li boor kii bariir, ŋaan Yennu saa biirira, ki i nipaauŋ nba biar ki be Jerusalem na, bi saa kpib tɔb ni.

Esekiel 5:11

“Li paak, nan min nba tee Yennu nba fo na, yaa tun ki biir min Yennu ŋasaakak nan i toonbiit na, n saa chɔɔ lui, ki kii mɔk ninbatinu nani. Min Yabint Yennu mɔmaame na.

Esekiel 7:4

N kan nyiki, koo ki tini ninbaauku. N yaa maa n dat i tubae, toonbilankant nba ki i tun na paak, ki lin te yin bann nan mine tee Yennu.”

Esekiel 7:9

N kan nyiki, koo ki tini ninbaauk. N yaa man dat i tuba, toonbilankant nba ki i tun na paake, ki lin te yin bann nan mine tee Yennu, ki tee daanɔ nba dat i tuba.”

Esekiel 8:18

Li paak, bi saa la n wutoor nba tee. N saa dat bi tuba, ki kan tinib ninbaauk, ki bia saa yêt ki kan gbiint turib, yoo nba ki bi mein nan kunkɔpaarir na.”

Esekiel 9:10

Ŋaan n kan tinib ninbaauku. N saa teenib nan baa tun biaŋinba ki tur leeb nae.”

Amos 4:10

“Ki n te yiaryoonn soori, ki tee nan maa din te linba soor Ijipt teeb na, ki te ki bi kpii i naasimm tɔbii ni, ki jii i taanii ki yaat namm, ki te nikpeena nba be i kaaŋ ni na pɔɔk ki nubiri, ŋaan ki i lek ki jen min Yennu boori.

Amos 8:13

Ki daar maŋ ni, li naasinpaara nan sapaanfanii gbaa, nyunnyukuru saa te ki bin fib.

Sekaria 11:6

Yennu yet a, “N ji kan tin sɔɔ ninbaauk, tingbouŋ na ni. N mɔŋe saa jii niib na kur, ki teemm bi diara na yiikoo ni. Diara maŋ saa biir tingbouŋ na, ki n kan tinnir bi boori.”

Sennu 28:50

Ki bi baka kii be sɔɔ po, bi kii mɔk ninbatinu nan sɔɔ, laa tee bik koo nikperi.

Sennu 32:25

Ki tɔbii saa faa ki kpi niib, doi sɔnjot ni; ki jaŋmaanii saa soor niib, ŋei ni. Naasimm nan sapaamm saa kpo; li sanpantii koo nikpera gbaa kan tenni.

Joosua 6:21

Bi din jii bi jukiie ki kpii doo na niib kur, li jab nan poob, nan waas nan nikpera kur, ki bia kpii nei nan pei nan bonii.

1 Samuel 15:3

Ii saa ki lek Amalek teeb na, ki biir linba kur ki bi mɔk. I daa nyikitib. Ii kpi bi kur, li jab nan poob nan waas nan sanpantii, nan li nei nan pei nan laagumiinba nan bonii.”