Fabinii 2:18 - Yennu Gbouŋ Mɔɔr

¹⁸ Jerusalem, a te ki a joona na n fabin ki tur Yennu. A te ki a ninnyuut-ii puub nan mɔkir na, yonnu nan nyiɔk. Ii mɔ nan ninbaatir, ki tan baŋ.

Fabinii 2:18 ပူးပေါင်းရင်းမြစ်များ

Yaŋ 119:136

N ninnyuut puub nan mɔkir nae, kimaan niib nba ki dia a sennu na paak.

Yaŋ 119:145

Yennu, n jii n par kur ki yia, turimin gatu, ki n saa sak a sennii.

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Jeremaya 14:17

Ki Yennu wannin a n pak tur niib na ki jiin n parbiir po ki yet a, “N ninnyuut-ii luun yonnu nan nyiɔk. N kan nyik mɔnii, kimaan n niib la daŋ bonchiann ki li gbatiba.

Jeremaya 4:31

N gbat mɔŋ, ki li tee nan poo nba tuu yaa wun mar na, ki gbat wuyikiŋ ki li naan nan poo nba tuu yaa wun mar u sapaanmar na. Jerusalem mɔ ki loon wamaasin wun foont, ki tantir u nuu ki yeen a, “N boonta. Bi baate a bin kpin.”

Jeremaya 9:1

N sunman ki n yur bo tee bunbunne, ki n ninbina tee ninnyuut nyuntonn, ki man bo bui n niib nba ki bi kpiib na paak, yonnu nan nyiɔk.

Fabinii 1:16

“Li paake teen ki n ninbina luun ninnyuut yoo kur. Sɔɔ kaa ki saa fit maan n pari. Sɔɔ kaa ki saa fit chee n par. N datai nyannima; n niib na ji ki biar nan siari.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 2:8

Yennu-e lor nan Sayɔnn joona na n baa; u bikin li yarimu ki sak nan li saa biir fas fas, ki li difoot nan joona na kur ji biar tee langbent.

Hosea 7:14

Bi ki mein nan bi para kuri, ŋaan baa birin tiŋ ni, ki hoot nan binba ki waan na nba tuun biaŋinba na. Ki li-i tee ki bi miarin jeet nan tilɔɔna daan yoo nba, bi tuu ŋma bi mɔŋe nan tingbann mannteeb nba tuu tee biaŋinba na. Bi tee tubkangbatae.

Habakuk 2:11

I ŋaadikpina tana na yikine, ki biiri, ki yɔkaa na mun bia mɔ li bannu.