Fabinii 2:10 - Yennu Gbouŋ Mɔɔr

¹⁰ Ki Jerusalem nikpera na kar tiŋ ni ki ŋmin soon nna, ki puk tanbiinii bi yura paak, ki bia lia bɔtoliant, ki sapaanbis na tibint bi yura nan fei.

Fabinii 2:10 ပူးပေါင်းရင်းမြစ်များ

2 Samuel 13:19

Tamar din puk tanpent u yur paak, ŋaan pat pat liant nba ki u lia na, ki yir nii ki mɔ saa.

Aisaya 15:3

Niib nba be sɔnii ni lia parbiir liante, ki binba be doo ni nan ŋei ni mɔ ki fabin.

Aisaya 3:24

Bi ji kii sɔ tulaarii, bi tuu sii nubir pɔie; bi kii boob gbanŋana, ŋaan bi sii boob ŋmipianae; bi kii mɔk yuŋanti, bi sii tee yupaaniie; bi kii gbab chinchenŋana, bi sii gbab kparchante; bi fant na saa kpant feie.

Aisaya 3:26

Doo na tammɔi saa mɔ ki fabin, ki doo na mɔŋ sii tee nan poo nba ki bi gbabitɔ, ki kaanɔ yann tiŋ ni nae.

Aisaya 36:22

Li poorpo ki Eliakim nan Sebna nan Joa pat bi liant nan parbiir, ŋaan saan ki saa wann Hesekia linba kur ki Asiria saakɔɔ na pak.

Aisaya 47:1

Yennu din yet a, “Babilonn, fiit a naan gbant paak, ki sik tiŋ ni, ki kar tanbiinii ni. Sianyoo, a din tee nan sapaanmunn nae, ki tee nan doo nba ki bi ki nyannir na, ŋaan a ji ki ban be a yamani, mɔtana a tee yommike.

Aisaya 47:5

Yennu bia din yet Babilonn a, “Ii kar bunbɔnn ni kii ŋmin. Bi ji kan yiina digbana poobati.

Jeremaya 8:14

Ki Yennu niib boi a, “Bee ki ti bia daa kari? Baat man ki tin chiar saan digbanpaara ni, ki saa kpo leŋ. Ti Yomdaanɔ Yennu-e chabit nan kuun, u turit lɔbiie a ti nyu, kimaan ti tun biirɔwa.

Fabinii 1:1

Jerusalem doo nba tuu gbee nan niib na ji dɔɔ yanne. Durinya na niib din baakitɔ, ki mɔtana ki u ji tee nan pakɔɔk na; u tuu tee digbanjaanne ki gar digbanlia, ŋaan ji biir ki butin.

Fabinii 1:4

Ki bi sɔɔ ji ki baat Yenjiantu ŋasaakak na ni, ki jiantir Yennu, kasii daa na ni. Ki sapaamm nba tuu yiin leŋ na di fara, ki mannteeb na mun kurii ki duun. Ki doo na tammɔi be yann, ki Sayɔnn doo be nan gbananyekitir.

Fabinii 3:28

Li-i tee ki ti di wahala, li ŋan ki tin kar soon nna nan sukuru.

Fabinii 4:16

Yennu ji ki fiin bi po, ŋɔɔe yatib u tiɔŋ, ki u baka ji kaa mannteeb nan tɔɔndamm na po.

Fabinii 4:5

Ki niib nba tuu di jeŋant na ji kpenn kon sɔnjot ni; binba tuu be bi yamani na ji ŋakitir ki kpaan jebura tanpena paak.

Fabinii 5:12

ki soor ti tɔɔndamm ki jɔnnib, ki ki teen nikpera na chɔruŋu,

Fabinii 5:14

Ki nikpera na ji ki kaar doo na tammɔkɔɔka boori; ki nipaauŋ na mun bia ji ki yiin yanii ki faa bonfifaati.

Esekiel 27:30

Ki bi kur mɔ fabin a po, ki pukin tanbiinii bi yura paak, ki dɔɔ birin tanpent ni.

Esekiel 27:31

A paake ki bi koor pit bi yura, ki lia bɔtoot, ki mɔ mɔnii nan parbiir.

Esekiel 7:18

Ki bi saa lia bɔtoliant ki wann bi parbiir nba tee, ki jaŋmaanii sii mɔkib. Bi saa koor bi yut, ki bi kur saa di fei.

Joel 1:8

Yimm niib na, ii bui man, nan sapaamɔ nba tuu bui fabin, jɔɔ nba ki u yaa wun kunɔ kuun biaŋinba na.

Amos 5:13

Li paak, yimm subindamm, ŋminin soon nna, kimaan yoo na tee yobiiuko.

Amos 8:13

Ki daar maŋ ni, li naasinpaara nan sapaanfanii gbaa, nyunnyukuru saa te ki bin fib.

Amos 8:3

Daar maŋ ni, yanii nba ki bi tuu yiin naan ŋaak ni na, li saa kpant kpemɔnii, ki nikpeena sii dɔɔ siar kur po, ki bi saa lub ŋminŋminn.”

Jona 3:6

Ninefe bat nba din gbat nna, u din fiir u naan binbintir paake, ki liat u naan liant, ŋaan lia bɔtoliant, ki puk tanpent.

Joosua 7:6

Li yoo na ki Joosua nan Israel tɔɔndamm na pat pat bi liant nan yanyêtuk, ki baa faab tiŋ ni Yennu mɔlor lakir na boor, ŋaan pukin bi yura tant, ki saa tuu daajoouk, ki li want bi para nba biir biaŋinba.

Fiitu 18:19

ki bi fini tant ki pukin bi yura, ki bui fabin ki yeen a, “Wuya, dogbeŋir nba ki niib mɔk ŋarint ki lin mɔkgbeŋa ni, ki kpentir, ki laat gor leŋ na, ki li kur biir yoo waaminna nɔɔk ni.”