Fabinii 1:21 - Yennu Gbouŋ Mɔɔr

²¹ “Gbiintir n kukura, sɔɔ ki be ki saa maan n pari. N datai na kpamme, kimaan faa te biiru baarin na paak. A tun linba ki a sat mɔb na, ki te n datai na n di biak nan maa dii biaŋinba na.

Fabinii 1:21 ပူးပေါင်းရင်းမြစ်များ

Yaŋ 35:15

Ŋaan daamii nba tan baarin yoo nba, ki bi kur mɔk parpeenn, ki taan leeb ki lintin, ki sarikitin, ki saamm boon, ki faan yoo kur,

Yaŋ 37:13

Yennu laa nɔɔnbiit damm nae, kimaan u mi nan bi boontu daar per na.

Yaŋ 38:16

N meia ki yet a, “A daa te ki n datai laan, laa biirin na paaki, koo ki bi dont bi mɔŋ maa baa na paaki.”

Aisaya 14:5

Yennu te ki kpanbar-tont na panii gbenna,

Aisaya 14:6

binba tuu jii wutoor ki mukis niib, ki bia mukis digbana nba ki bi nyannib na.

Jeremaya 30:16

Ŋaan mɔtana n saa biir binba kur biiri na, ki bi saa soor i datai kur ki teemm yommii. Binba dinti biak na kur mun saa di biak, ki binba fiar i bona na, siab mun saa fat bi yara.

Jeremaya 48:27

Moab, a tian faa din yisin Israel niib biaŋinba-a? A din diab ki li naan nan bi tɔk nanyuk tɔkue ki bi soorib na.

Jeremaya 50:11

Ki Yennu yet a, “Babilonn teeb, i fat n niib bona. I mɔk parpeenne ki kpamm, ki li naan naab nba tuu ŋmaan dii ki pinii na, koo ki mɔ nan taamm na,

Jeremaya 50:15

Ii yikin tɔb wuyikinii doo na kur po man. Mɔtana, Babilonn gaar butinna. Bi yeer u joonjot kur ki bet sikinir tiŋ niwa. N pa pann ki jiint Babilonn teebe na. Li paak, ii pa i pann ki jiimm, ki diab nan baa tuu dia leeb biaŋinba na.

Jeremaya 50:29

“Pakin tɔrbantɔɔra na ki bin lek Babilonn. A te ki wunba kur saa fit tɔ tɔrbann ki wun saan. Loont doo na ki daa te sɔɔ nyi. Ii pa linba ki bi tun, ki jiinib ki tumm nan baa teen leeb na, kimaan bi tun nan yuwannue ki tur min Israel teeb kasii Yennu.

Jeremaya 50:31

“Babilonn, a gbee nan yuwannue; li paak, min Yabint Yennu nba tee Yomdaanɔ na kɔn nanae. Yoo baar nan man dat a tubira.

Jeremaya 51:24

Ki Yennu yet a, “I saa la ki n pa jiin Babilonn nan li niib, biit nba kur ki bi tun tur Jerusalem na paak.

Jeremaya 51:49

Babilonn teebe baar nan durinya kur po niib kuun, ki mɔtana Babilonn saa baa, kimaan u te ki Israel teeb bonchiann kpo. Min Yennu-e pak na.”

Fabinii 1:16

“Li paake teen ki n ninbina luun ninnyuut yoo kur. Sɔɔ kaa ki saa fit maan n pari. Sɔɔ kaa ki saa fit chee n par. N datai nyannima; n niib na ji ki biar nan siari.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 1:22

“A pak biirib bi tonu na paak; a dat bi tuba nan faa dat n tubir n toonbiit paak biaŋinba na. N kurii nan ninbaatire, ki gbee nan parbiir.”

Fabinii 1:4

Ki bi sɔɔ ji ki baat Yenjiantu ŋasaakak na ni, ki jiantir Yennu, kasii daa na ni. Ki sapaamm nba tuu yiin leŋ na di fara, ki mannteeb na mun kurii ki duun. Ki doo na tammɔi be yann, ki Sayɔnn doo be nan gbananyekitir.

Fabinii 1:8

U baakir gbenne, ki u be payann, ki dii fei. U kuriie ki bɔrii u numpo, ki fei mɔkɔ. Ŋɔɔ Jerusalem kɔɔn u mɔŋ jakint nan toonbilankanta.

Fabinii 2:15

Ki niib nba gaar fin Jerusalem boor na yisima. Bi pakin yura, ki laa a biiru na paak, ki yeen a, “Digbanŋann nae na-a? Doo nba ki tingbouŋ na tuu dontir u mɔŋ li paak nae na-a?”

Fabinii 2:16

A datai na kur sarikita, ki goriia jia-a nan naŋ, ki mian bi mɔi ki yeen a, “Ti biirira, daar nba nae ki ti tuu guu.”

Esekiel 26:2

“Nisaarik, Taya doo niib na yiin yaniie ki kpamm, Jerusalem biiru paak. Bi hoote ki yeen a, ‘Jerusalem baawa. Li tuu tee digbanjaann nba tee kpinkpouŋ boore, mɔtana doo na baawa, ki ti saa gaar u setu.’

Joel 3:14

Niib tusbam-bamme be Buut Baauk na ni. Leŋe ki Yennu saa baar yiama ki bu buut.

Fiitu 18:6

Tɔn, bin mun tun ki jiinɔ nan waa tuu tuun biaŋinba na, ki pau u biit pann taar munlee, ki dat u tubir bonbiir, kimaan u te ki niib tun toonbiit bonchiann.