Fabinii 1:18 - Yennu Gbouŋ Mɔɔr

¹⁸ “Ŋaan Yennu-e mɔk mɔnii, kimaan n yêt u mɔba. Gbiintir man, niib nba be lokir kur po, gotir gbanantont nba ki n be li ni. Bi soor n naasinpaauŋ nan sapaamm ki teemm yommii ki yaat namm.

Fabinii 1:18 ပူးပေါင်းရင်းမြစ်များ

1 Kpanbara 13:21

ki u yikin ki yet sɔkinii nba nyii Juda na a, “Yennu yet nan a ki sak u mɔbi, ki bia ki tun linba ki u senna na.

Esra 9:13

Linba kur lek teenit ki tee tubdatu, ti yanbɔmm nan bonkpeta na paak, ti mi nan fin nba tee ti Yennu nae dat ti tuba, ki li ki jaŋ faa bo saa dat ti tuba biaŋinba, ŋaan te ki ti mɔk manfoor.

Nehemaya 9:26

“Ŋaan a niib na din yêt a mɔbe, ki lin a poor. Bi din kpii a sɔkiniinba nba tuu teemm kpaanii na, binba beerib a bin ŋmat jen a boor na. A niib na tuu sukiiae yoo n tuu yoo.

Nehemaya 9:33

Faa dat ti tuba na, a tun fanuwa, nan taa lek tun yanbɔmm na, ŋaan fin ŋarin tuun ŋante.

Yaŋ 107:11

kimaan bi din yêt Yabint Yennu sennue, ki bia ki gaar u kpaanii.

Yaŋ 119:137

Yennu, a tee kasii daanɔe, ki a sennii ŋan.

Yaŋ 119:75

Yennu, n mi nan a sennii tee kasiie, ki a mɔk mɔnii nan faa dat n tubir na.

Yaŋ 145:17

Yennu toona kur ŋane, ki u bia mɔk ninbatinu, u toona kur ni.

Nyinu 9:27

Ki kpanbar na yiin Moses nan Aarɔnn, ki tan yetib a, “Mɔtana n tun biira, Yennu mɔk mɔnii, ki min nan n niib mɔk kaat.

Jeremaya 12:1

Yennu, min nan fin-i yaa ti bu, fine sii mɔk mɔnii. Ŋaan n saa boia buboit ki jiin barmɔnii maan powa. Bee teen ki yanbɔndamm mɔkitiri? Bee ki ŋmabir damm paakiti?

Jeremaya 32:23

Ŋaan baa kɔɔ tiŋ na ni ki yentir yoo nba, bi ji ki sak a mɔb koo ki wei a sennii. Bi ki tun linba ki a wannib a bin tun na. Ŋanne ki a baar nan biiru na bi paak.

Jeremaya 4:17

ki saa ŋaa loon Jerusalem nan jab nba tuu guu tiŋ na, kimaan u niib na yêt Yennu mɔba. Yennu-e pak na.

Jeremaya 49:12

“Li-i tee ki binba ki kpaa talas nan bin la tubdatu ji tan la tubdatu, i dukin tubdatu kan baar i paaki-i? Tubdatu saa baar i paaka.

Fabinii 1:12

Ki u yikin ki teen sɔngar teeb na kur a, “Gotirin man. Sɔɔ daa ki ban la gbanantont nan n yar na na, ki li tee gbanantont nba ki Yennu teenin, yoo nba ki u wutoor doo.

Fabinii 3:42

“Yennu, ti tun yanbɔmm ki biirawa, ki a ki nyik chabiti.

Fabinii 5:16

Taa tuu mɔk parbifaant linba paak na, li siar ji ki biari. Ti tun yanbɔmma, ki mɔtana ti ji be biiru nie.

Daniel 9:5

“Ti tun biira, ti tee tondamme, ti tun yanbɔmma. Ti yêt faa wannit linba a ti tuma, ki yêt tin tun linba ŋan.

Daniel 9:7

Fin Yennu-e tuun linba ŋan yoo kur, ŋaan timme yɔɔ tuun ki dint ti mɔŋ fei, timm nba be Juda nan Jerusalem, nan Israel niib nba kur ki a yatib digbana nba naak nan digbanbanfɔka na, kimaan bi din tun biit ki yêtawa.

Amos 8:13

Ki daar maŋ ni, li naasinpaara nan sapaanfanii gbaa, nyunnyukuru saa te ki bin fib.

Sefania 3:5

Ŋaan ki Yennu bia lek daa be doo maŋ ni, ki tuun linba took, ki ki tuun linba bi. Ki sanyiɔk kur, ki u teen u niib na bi mɔnii. Ŋaan ki leŋ niib nba ki tee popeendamm na tuun biit, ki ki tiin fei.

Sekaria 1:6

Ŋaan linba kur ki n din pak ki turib, ki li nyii n sɔkiniinba boor na, din teemm nan maa din yet a li saa tun biaŋinba nawa. Li paak, bi ji din lebit bi binbeŋe, ki yet a linba ki Yabint Yennu teemm na, li tee nan bi sɔnii nan bi toona nba tee biaŋinba nae, li jaŋibe. U tun nan waa daan yaa u saa tun nae.”

Rom Teeb 2:5

Ŋaan a par wakii, ki a lek ki sak nan fan nyik toonbiit tumu, li paak, a pukii a mɔŋ tubdatu nba ki a tan saa la, daar nba ki Yennu wutoor saa nyi paanu, ki u saa bu niib buut nan barmɔnii nae;

Rom Teeb 3:19

Tɔn, ti mi nan Yennu sennu-i yet linba, li yeen ki teen binba be li yiikoo nie, li paake ki niib kur sii muu bi mɔi, ki tingbouŋ na teeb kur be Yennu buut ni, ki u tɔɔnn, sɔɔ kaa ki mɔk mɔnii.

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

Barbuura 1:7

Ki Adoni-besek yet a, “Batnba piinlore tuu be n teebul lɔŋ ni, ki bi niibijaba nan taabijaba pota, ki bi tɔkii jebura; mɔtana Yennu jiintin linba ki n bo tun ki turib nae.” Ki bi din jiiu ki saan nanɔ Jerusalem, ki u saa kpo leŋ.

1 Samuel 15:23

Mɔyêtuk tee yanbɔmme ki naan soouk, ki gotkangboouk tee bonbiir nan patmannu na, kimaan faa yêt ki ki wei Yennu sennu na, u yêtawa, ki a ji kii tee kpanbar.”