Fabinii 1:16 - Yennu Gbouŋ Mɔɔr

¹⁶ “Li paake teen ki n ninbina luun ninnyuut yoo kur. Sɔɔ kaa ki saa fit maan n pari. Sɔɔ kaa ki saa fit chee n par. N datai nyannima; n niib na ji ki biar nan siari.

Fabinii 1:16 ပူးပေါင်းရင်းမြစ်များ

Yaŋ 106:42

Bi datai din dintib biak, ki bi jiantirib.

Yaŋ 119:136

N ninnyuut puub nan mɔkir nae, kimaan niib nba ki dia a sennu na paak.

Yaŋ 69:20

Sukit biir n pare, ki te ki n biar yann. Ki n kpaan wunba saa maan n par, ŋaan n ki la sɔɔ; ki kpaan wunba saa korimin, ki bia ki la sɔɔ.

Banntɔɔ 4:1

Ki n bia ŋamm got toonbiit kura nba tuun durinya na ni. Ki talas damm na yikin, ŋaan sɔɔ kaa ki saa sommib. Sɔɔ kaa ki saa fit sommibi, kimaan binba diimm na tee yiikoo damme.

Aisaya 54:11

Ki Yennu yet a, “Jerusalem, fin doo nba di biak ki kaa sommtɔɔ, ki sɔɔ kaa ki saa maan a par na, n saa ŋamm maa a fiakir nan tanbinyinyira nba ki li daauk paare.

Jeremaya 13:17

Li-i tee ki i kan gbiint, n saa bɔr buiwa, kimaan i yuwannu paak. N saa bui bonchiann, ki n ninnyuut tan sii puube, kimaan baa yaat nan Yennu niib ki teemm yommii na paak.

Jeremaya 14:17

Ki Yennu wannin a n pak tur niib na ki jiin n parbiir po ki yet a, “N ninnyuut-ii luun yonnu nan nyiɔk. N kan nyik mɔnii, kimaan n niib la daŋ bonchiann ki li gbatiba.

Jeremaya 15:5

Ki Yennu yet a, “Ŋmee saa tin yimm Jerusalem teeb ninbaauku? Ŋmee ki li saa daamii-ɔ i paaki? Ŋmee saa set ki boi i po?

Jeremaya 8:18

N parbiir na kaa gbennu, n par ni yiare.

Jeremaya 9:1

N sunman ki n yur bo tee bunbunne, ki n ninbina tee ninnyuut nyuntonn, ki man bo bui n niib nba ki bi kpiib na paak, yonnu nan nyiɔk.

Jeremaya 9:10

Ki n yet a, “N saa fabin kunkona paaka, ki mɔ mɔmaatuk paak, kimaan bi koora, ki sɔɔ ji ki gaar bi ni, sɔɔ ji ki gbia nei mɔnii, ki nɔɔnii nan muuk ni bonkobit chiar yaat.”

Jeremaya 9:21

Kuun tɔkin ti takorbonae, ki kɔɔ ti diit ni, ki bia baar ti kpanbara ŋei ni, ki kpi waas sɔnjot ni, ki kpi naasimm dai ni.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 1:9

U jakint toona na nyɔɔn paanu nie, ŋaan ki u baka kaa nan biiru nba saa baarɔ na po. U baak na yab, ki sɔɔ kaa ki saa fit maan u par. U datai na nyannɔwa, ki u bui fabin ki tur Yennu a wun tinɔ ninbaauk.

Fabinii 2:11

Ki n ninbina ji bak nan mɔnii; ki n kpak nyann. N ji bake nan ninbaatir, kimaan n niib nba kpo na paak. Ki waas nan sanpantii kpenn doo na sɔnjot ni.

Fabinii 2:18

Jerusalem, a te ki a joona na n fabin ki tur Yennu. A te ki a ninnyuut-ii puub nan mɔkir na, yonnu nan nyiɔk. Ii mɔ nan ninbaatir, ki tan baŋ.

Hosea 9:12

Ki i-i lekii mar waasi, ŋaan n saa jiibe ki yaat namm, ki kan nyik nan yenɔkɔɔwa ki u mɔk manfoori. Mi-i nyiki yoo nba, bonbilankante saa baari.”