Estaa 9:25 - Yennu Gbouŋ Mɔɔr

²⁵ Ŋaan ki Estaa saan kpanbar boor, ki u saa turɔ yiikoo gbant, ki te ki bi jɔnn Hamann, nan waa din lor biaŋinba ki jiin Juu teeb po na. Bi din jɔnn ŋɔɔ nan u bonjai nae dachaata paak.

Estaa 9:25 ပူးပေါင်းရင်းမြစ်များ

1 Kpanbara 8:32

Yennu, faa be yendɔuŋ ni na, a gbiint ki bu ki tur a daaba. A dat wunba mɔk biit na tubir ki lin jaŋɔ, ŋaan nyik wunba mɔk mɔnii na.

Estaa 3:6

Waa ji din bann nan Mordekai tee Juu nirɔe na, u dukin a u kan kpi Mordekai kɔɔ kaa, ŋaan ji lor a wun kpi Juu teeb nba be Peesia yent ni na kur.

Estaa 7:10

Ŋanne ki bi jɔnn Hamann dachaatir nba ki u chaan ki guun Mordekai na paak. Tɔn, ki kpanbar na wutoor ji maak.

Estaa 7:4

Kimaan bi kɔi min nan n niib na, a bin kpit. Li-i bonni tee ki bi kɔit ki teent daabaie, n bo sii ŋmine ki kan daamiia ki jiin li po, ŋaan bi loon bin boontite fas fas.”

Estaa 7:5

Ŋanne ki Kpanbar Serses boi u ŋaapoo Estaa a, “Ŋmee saa tun toonbiit nba na booru? Li daanɔ be lia?”

Yaŋ 140:8

Yennu, a daa teen biitdamm na baa loon linba; a daa te ki bi laat nyannu bi lorbiit ni.

Yaŋ 140:9

A daa te ki n datai na laat nyannu; a te ki bi lorbiit nba ki bi lor n paak na n ŋmat baa bi paak.

Yaŋ 141:10

Ŋaant biit damm na n baa bi barit nba ki bi bar na ni, ŋaan ki min daa laat siara daŋi.

Yaŋ 7:16

Bi tubdatu nyi bi tiɔŋ toonbiit nie; bi danii nyi bi tiɔŋ kpikpiruk nie.

Yaŋ 7:17

N teen Yennu niipoouk, u ŋamm paak. N yiin yaŋ ki dont Yennu, wunba tee Yabint Daanɔ na.

Yaŋ 94:23

U saa dat bi tuba bi biit paak, ki biirib bi yanbɔmm paak. Ti Yomdaanɔ Yennu saa biiriba.

Barjokit 26:27

Niib nba pii bi leeb barit na, li tuu tan ŋmat soor ŋamme. Niib nba birintir tana a lin nyak leeb na, li tuu tan ŋmat nyak ŋamme.

Barjokit 5:22

Tondaanɔ toonbiit tee baruko. U mɔŋ toonbiite tuu ŋmat soorɔ nan laauŋ na.

Aisaya 22:25

Li-i tun nna yoo nba, dachaatir nba din chaan fanu na saa worike ki baa, ki linba bo jɔɔn li paak na kur joontui na.” Yennu-e pak na.

Obadia 1:15

“Daar nba ki min Yennu saa bu digbana kur buut na per na. Edom, faa tun linba, bi saa tun nnae ki jiina. A toona saa ŋmat a yur paake.

Matiu 21:44

Ŋaan wunba tan baa tann maŋ paak, u saa but bute, ŋaan tann maŋ-i baa wunba paak, bimm, see ki li nannɔ buk buk nan yon na.”

1 Samuel 25:39

Yoo nba ki Defid gbat nan Nabal kpowa na, ki u yet a, “Pakin Yennu man, wunba bu Nabal buut nan waa sukiin na paak, ki bia gɔɔrin ki n ki tun bonbiir na. Yennu-e te ki Nabal biit ŋmat u paak.” Ki Defid ji tun bet Abigail a wun sak kii tee u ŋaapoo.