Esra 9:9 - Yennu Gbouŋ Mɔɔr

⁹ Ti tuu tee yommiie, ŋaan fine nyinnit yommisin ni. Fine te ki Peesia kpanbara tinit ninbaauk ki sak ki ti be ti manfoor ni, ki ŋamm maa a jiantu ŋasaakak nba tuu biar ki tee langbenn na, ki bia yaa tii be ti yamani, Juda nan Jerusalem na.

Esra 9:9 ပူးပေါင်းရင်းမြစ်များ

Esra 2:68

Niib na nba din nyii Babilonn ki baar Yenjiantu ŋasaakak nba be Jerusalem na yoo nba, ki naakuut na tɔɔndaansiab tur bi yanbɔɔpiinii a lin somm ki ŋamm maa ŋasaakak na, li langbenkper paak.

Esra 7:6

Esra din tee banntɔɔe, ki mi sennu nba ki Israel teeb Yomdaanɔ Yennu din tur Moses na bonchiann. Esra Yomdaanɔ Yennu din teen piisin u paak, ki kpanbar na teenɔ linba kur ki u boi li po. Kpanbar Artaserses naan dinu bina ŋanlore nie ki Esra din nyii Babilonn, ki soor sɔnu ki saa Jerusalem nan Israel teeb. Ki bi siab tee mannteeb nan Liifai teeb, nan jiantu ŋasaakak ni yanyinna, nan jiantu ŋasaakak guura, nan li toontunna.

Esra 7:8

Bi din nyii Babilonn sinsinn ŋmaarik na pinpiik daare, ki Yennu sommib, ki bi tan baar Jerusalem ŋmaarii ŋanŋmu pinpiindaar.

Esra 9:10

“Yennu, ti saa yet a bee nan linba kur tun ki gar na po? Ti bia ŋamm yêt a sennii

Nehemaya 2:17

Tɔn, ki n ji yetib a, “Gotir man taa be daamii nba ni na, kimaan Jerusalem ji tee langbente, ki li joona yeera. Ŋaant ki tin ŋamm maa doo maŋ joona ki nyi fei ni.”

Nehemaya 9:17

Bi din yêt mɔsakuwa, ki tamm linba kur ki a tun nawa, ki bia tamm bakitnauŋ toona nba ki a tun na. Bi karinbaanii paak, ki bi gann tɔɔndaanɔ a wun jiib ki ŋmat namm daabisin ni, Ijipt tiŋ ni, ŋaan a tee Yennu nba nyikin ki chabite, ki bia mɔk parmaasir nan lomm, ki a wutoor ki do yian, ki a ninbatinu yab, ki a ki nyɔr nyikibi.

Yaŋ 109:12

ki daa te sɔɔ man nanɔ, koo ki tin kpeebii nba ki u nyikib na ninbaauku.

Yaŋ 138:7

Daamii-i lintin yoo nba, a tuu fatime, a tuu biir n datawutodamm nae, ŋaan jii a paŋ ki tinnin.

Aisaya 14:3

Yennu saa tur Israel teeb na foon, ki bin nyi bi gbananyekitir nan bi fara dinu nba ki bi miamm ki bi tuun ninmɔnn toonn na ni.

Aisaya 5:2

Ŋanne ki u yɔbin kpaab na, ki bia gbab tana, ki bur daan tiinii nba ŋan bonchiann, ki maa difoouk a wuu guu tiinii na, ki gbiir bootuk a wuu tootir tilɔɔna na nyun, ki ji guu, a lɔɔna na n mɔnn, ŋaan ki lɔɔna na kur tee bonmiita.

Aisaya 5:5

“Maa saa tun linba ki tur n kpaab maŋ tee nnae: n saa bet gungouŋ nba lintir nae faba, ki yeer joonjouk nba guur na, ki te muuk ni bonkobit n kɔɔ ki ŋmamir, ki ŋmaatir.

Aisaya 61:4

Bi saa ŋamm maa doi nba dɔɔr langbent ki li yukir na.

Esekiel 11:16

“Ŋaan linba nae ki n loon fan wann Israel teeb nba kɔɔ Babilonn na. Li tee barmɔniie nan min Yabint Yennu-e ber nyinnib bi tiɔŋ doo ni, ki te ki bi saan kɔɔ digbangana ni. Mɔtana n sii be namm, siaminba kur ki bi be, ki lin te bin fit kii jiantirin.

Daniel 9:25

A diit bann na paak: laa nyii yoo nba ki sennu senn a bin ŋamm maa Jerusalem na, ki saa tuu Yennu niganntɔɔ nba tee tɔɔndaanɔ na baaru, bina ŋanlore taar munlore-e saa gar. Bi saa ŋamm maa Jerusalem nan li sɔnii nan joonpaara, ki gɔɔr doo na. Ki doo na sii be bina piinloob nan ŋanlee taar munlore, ŋaan li sii tee daamii yooe.

Hagai 1:9

“I tuu daan nan i saa jaan jeet bonchiann, ŋaan i tuu tan jaan waaminnae. I kun nan linba ki i jaan na yoo nba, n tuu pebir yatire. Bee ki n tuu tun nna? Kimaan n Ŋasaakak nba biar dɔɔ langbenn ŋaan ki i sɔɔ kur ninbinn mɔn u mɔŋ mɔŋ ŋaak toona paak na.

Sekaria 2:5

Yennu senn mɔsonn nan u mɔŋe sii tee muu joonn, ki lint doo na, ki guurir, kii sii be leŋ nan u yentsaakar.”