Esra 3:11 - Yennu Gbouŋ Mɔɔr

¹¹ ki bi ŋamii yiin donta yanii a, “Yennu ŋan, ki u lomm nan Israel teeb kaa gbennu,” ki sɔɔ kur hoot nan u paŋ kur ki dontir Yennu, kimaan bi piin Yenjiantu ŋasaakak na fiakira.

Esra 3:11 ပူးပေါင်းရင်းမြစ်များ

1 Barkperii 16:34

Turin Yennu niipoouk, kimaan u ŋan; ki u lomm kaa gbennu.

1 Barkperii 16:41

Bi din be nan Hemann nan Jedutunn nan leeb nba ki bi din gannib, a bii yiin donta yaŋ kii teen Yennu nae, kimaan u lomm kaa gbennu.

2 Barkperii 5:13

Ki naatunpebira nan yanyinna kur taan yomm ki yiin kunkɔyenn ki dontir, ki bia teen Yennu niipoouk. Bi din peeb naatuna nan duunii nan bonmumɔɔt nba kur be, ki leeb waa ki yiin ki dont bi kunkɔra ki piak Yennu, ki yeen a, “Pakin Yennu man, kimaan u ŋan, ki u lomm kaa gbennu.” Tɔn, ki sanpagbouŋ gbee Yenjiantu ŋasaakak na ni.

2 Barkperii 7:3

Israel teeb nba din la ki muu nyii sanpaapo, nan yentsaakar na ki li be ŋasaakak na yur paak yoo nba, ki bi baa fabin sakii paak, ki jiantir Yennu, ki teenɔ niipoouk, u ŋant nan u lomm nba kaa gbennu na paak.

Nehemaya 12:24

Hasabia nan Serebia, nan Jesua nan Binui nan Kadmiel-e din tee saakab nba bɔkit Liifai teeb na koonn koonn. Koonn munlee din tuu lakin, ki koonyenn yiin ki dontir Yennu, ki leeb na gaan ki teenɔ niipoouk nan kpanbar Defid, wunba tee Yennu nirɔ na nba wann biaŋinba na.

Nehemaya 12:40

Ki koonn munlee nba teen Yennu niipoouk na baar Yenjiantu ŋasaakak na boor. Tɔɔndamm na bɔkir din be n boor,

Yaŋ 100:5

Yennu ŋan, ki u lomm kaa gbennu, ki u barmɔnii binbeŋ be yaayoo nan yaayoo.

Yaŋ 103:17

Ŋaan binba teen Yennu baakir na, Yennu lomm yɔɔ be namme; ki u lomm be maarpaanu nba baat yoo kur paak,

Yaŋ 106:1

Pakin Yennu man. Ii tur Yennu niipoouk, kimaan u ŋan, ki u lomm kaa gbennu.

Yaŋ 107:1

“Turin Yennu niipoouk, kimaan u ŋan, ki u lomm kaa gbennu.”

Yaŋ 118:1

Turin Yennu niipoouk, kimaan u ŋan, ki u lomm kaa gbennu.

Yaŋ 131:1

Yennu, n nyik n japaat, ki bia nyik n parbifaant nawa. N baka kaa bargbeŋa ni, koo maan nba paar ki turimi.

Yaŋ 135:3

Pakin Yennu man, kimaan u ŋan, ii yin yanii ki pak u sann, kimaan u ŋan.

Yaŋ 47:1

Digbana niib kur n poi niipoouk nan parpeenn, kii bia kii dont Yennu nan kunkɔpaara.

Yaŋ 47:5

Yennu do u naangbant paak. Waa do na ki niib tantir ki peeb naatuna nan parpeenn.

Nyinu 15:21

Ki Miriam yiin ki teemm a: “Yinin yaŋ ki tur Yennu, kimaan u nyann nyannjaann ki lu taanii nan taanjakira mɔkgbeŋir niwa.”

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 6:3

Ki bi yeen bi leeb a: “Kasii, kasii, kasii. Yabint Yennu tee kasiie. U baakir gbee durinyawa.”

Jeremaya 33:11

fuut nba tee parmaasir nan parpeenn yar, ki poochianu jaamm kpinkpammuk fuur sii fu. I sii gbia niib yiin yanii, yoo nba ki bi baat nan niipoturu piinii a bin turin jiantu ŋasaakak ni na, ki bi sii yiin a, ‘Turin Yabint Yennu niipoouk, kimaan u ŋan, ki u lomm kaa gbennu.’ N saa te ki tiŋ na n mɔkit nan laa din tee na. Min Yennu-e pak na.”

Hagai 2:3

“Sɔɔ be i sinsuuk ni na ki saa fit tiar Yenjiantu ŋasaakak na ŋant nba din teewa-a? Ki li maanumm tee nlee i boor mɔtana na? Li ji kii naan siar nan waama.

Sekaria 4:7

Bonjarkara nba gbeŋ nan jɔfɔkit na, ŋaan li kur saa mirinte a tɔɔnn. A saa ŋamm maa jiantu ŋasaakak na, ki fi-i taŋi paan tanjoontik na yoo nba, niib na saa yikin a, ‘Li fan, li fan.’ ”

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Barŋanii nba ki LUK din sɔb nae na 1:50

U bia mɔk ninbatinu nan nigbouŋ kur nba tiinɔ.

Joosua 6:10

Ki Joosua pak nan niib na, a bi daa hooti ki bia daa piak, ki tan tuu yoo nba ki u saa chabib yaak ki bin ji hoot.

Joosua 6:16

Lintu nba saa pukin munlore na ni, ki mannteeb yaa bin pebir naatuna na, ki Joosua chab u jab na yaak a bii hoot, ki yetib a, “Yennu jii doo na ki teen i nuu niwa.

Joosua 6:5

Li poor po bin pebir ki lin wei. Yi-i gbat nna yoo nba, ki i jab na kur n yikin nan kunkɔpaara, ki doo na joonjot na saa baa. Ki i jab na kur n kɔɔ doo na ni.”