Esra 1:3 - Yennu Gbouŋ Mɔɔr

³ Yennu-ii be nan yimm nba tee u niib na kura. Ii saan Jerusalem ki ŋamm maa jiantu ŋasaakak ki tur Israel teeb Yennu na, ŋɔɔe tee Yennu nba ki bi sii jiantirɔ Jerusalem.

Esra 1:3 ပူးပေါင်းရင်းမြစ်များ

1 Kpanbara 18:39

Niib na nba la linba na yoo nba, ki bi baa fabin tiŋ ni ŋaan yikin a, “Yennu-e set tee Yennu, Yennu kɔɔe tee Yennu.”

1 Kpanbara 8:23

ŋaan miar Yennu a, “Israel teeb Yomdaanɔ Yennu, yensau ji kaa sanpaapo koo tingbouŋ na ni, ki tee nan fin na. A dia a mɔlor nan a niib, ki bia wantib a lomm, yoo nba ki bi sak a mɔb nan bi para kura.

1 Barkperii 28:20

Kpanbar Defid din ŋamm yet u bija Solomonn a, “Ii wakii ki chee a par. Piint toonn na kii tuun, ki daa te sɔɔ gɔi-ani, ki ti Yomdaanɔ Yennu nba ki n jiantirɔ na sii be nana. U kan nyikaani, ŋaan u sii be nana nan faa tan saa gbenn jiantu ŋasaakak na paak toona.

Esra 1:4

Li-i tee ki u niib nba be tiŋ na ni na sɔɔ loon sommir a wun ŋmat u niib boorie, u leeb n turɔ sommir maŋ. Bin turɔ salimmɔna nan salimpeena nan bonlia nan bonkobit nba saa jii u jika, ki bia turɔ piinii nba ki u saa tur Yennu, jiantu ŋasaakak nba be Jerusalem na ni.”

Esra 4:3

Ki Serubabel nan Joosua nan naakuut yudamm na yetib a, “Ti ki loon ki yin sommit ki tin maa jiantu ŋasaakak na ki tur ti Yomdaanɔ Yennu. Ti saa maa ti tiɔŋo nan Peesia kpanbar Sairus nba daan turit yiikoo biaŋinba na.”

Esra 5:13

Tɔn, Sairus nba din tee Babilonn kpanbar na naan dinu sinsinn binn nie ki u tur yiikoo a bin ŋamm maa Yenjiantu ŋasaakak na.

Esra 5:3

Li taakpaak ni ki Tatenai, wunba din tee yent nba be Yufrates mɔkir yonbaa po na yudaanɔ, nan Setar-Bosenai nan bi yudaanleeb na baar Jerusalem ki tan boi a, “Ŋmee turi yiikoo a yin maa Yenjiantu ŋasaakak na ki ŋammiri?”

Esra 6:7

I daa lebir li maanu ni. Ŋaant ki Juda yent ni yudaanɔ, nan Juuteeb tɔɔndamm na n ŋamm maa Yenjiantu ŋasaakak maŋ, laa din be siaminba na.

Yaŋ 132:13

Yennu-e gann Sayɔnn doo; u loon wun teenir u ŋaake,

Yaŋ 83:18

Ŋaant ki bin bann nan fine tee Yennu, ki tee yabint daanɔ, tingbouŋ na kur po.

Aisaya 37:16

“Yabint Yomdaanɔ, timm Israel teeb Yennu nba kar a naan binbintir paak, bona nba mɔk kpinkpant na paapo, fin kɔɔe tee Yennu, ki dia durinya na naan gbant kur. Fine nan tingbouŋ nan sanpaak.

Aisaya 44:28

Ki n pak kpanbar Sairus a, ‘Fine saa dia n niib ki turin; ki a saa tun linba ki n loon. A saa tur mɔb ki bin ŋamm maa Jerusalem ki bir jiantu ŋasaakak na fiakir.’ ”

Aisaya 45:5

“Mine tee Yennu, ki yensau ji kaa ki pukin n po. Faa lek ki min na, ŋaan n saa tura paŋ nba ki a loon.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Daniel 2:47

Ki kpanbar na yet a, “A Yennu nae tee Yennu nba gbeŋ ki gar yennii kur, ki tee kpanbara Yomdaanɔ, ŋɔɔe bia fiitir woonin ni maan. Faa fit wann woonin ni maan na paake te ki n bannir.”

Daniel 6:26

N senn sennu nan wunba kur be n naan yent ni, wun tin jaŋmaanii ki bia baakit Daniel Yennu na. U tee Yennu nba foe, ki be mɔkmɔk nan mɔkmɔk. U naangbouŋ kan ban biiri, ki u yiikoo kaa gbennu.

Matiu 28:20

ki wannib ki bin sak linba ki n wanni na kur. Ŋaan ii tian man nan n sii be i boor yoo kura mɔkmɔk nan durinya gbennu.”

Toona 10:36

I mi nan Yennu din tur Israel teeb u maan nba want barŋanii na po, a Yiisa Masia nie ki timm nan Yennu maŋ nan leeb; ŋɔɔ Yiisa Masia-e tee ti kur Yomdaanɔ.

Sennu 32:31

Bi datai na mi nan bi mɔŋ yennii na ki mɔk paŋi, ki ki tee yenjaana nan Israel teeb Yennu na.

Joosua 1:9

Tiat nan n daan beta a ii mɔk paŋ nan parcheenn. A daa tiin jaŋmaanii koo ki ŋaan tama, kimaan min a Yomdaanɔ Yennu be nana siaminba kur ki a saa saan.”