Efesus teeb 4:30 - Yennu Gbouŋ Mɔɔr

³⁰ I daa tuun linba saa te ki Yennu Seyeeŋ n la parbiiri. Ŋɔɔe tee Yennu dɔk nba want nan Daar baate ki Yennu tan saa turi yent-n-mɔŋ setik nan mɔnii.

Yennu Gbounpaauŋ Mɔɔr

³⁰ I daa te ki Seyeeŋ nba tee Yennu yent dɔk i paak na-n la parbiiri. Ŋɔɔe tee dɔk nba want nan Daar baat na ki Yennu tan sa turi yentinmɔŋ nan barmɔnii.

Efesus teeb 4:30 ပူးပေါင်းရင်းမြစ်များ

Pinpiik 6:3

Ki Yennu yet a, “N foon kii be nirɔ ni yoo kuri, n kan sak ki nirɔ-ii be mɔkmɔk nan mɔkmɔki, kimaan u kpan tee nisaarike, u bina sii tee kobik nan piinlee-e.”

Pinpiik 6:6

ki li biir u par, ki u mɔ kɔɔ nan waa nan nisaarik tingbouŋ na ni na.

Yaŋ 78:40

Bi din tuu baar nan kpikpiruko ki biirɔ yoo kur kunkoouk na paak, ki teenɔ parbiir, muuk na ni.

Yaŋ 95:10

N wutoor din doo bi paak bina piinna, ki n yet a, ‘Niib na mantik teen tubkangbata damma, bi yêt bin sak n sennue.’

Aisaya 43:24

I ki daa bonnunubit ki turin, i bia ki maan n par nan i bonkobit kpapana, ŋaan jinnin i biit jik-kpiata, ki te ki n bak nan biit nba ki i tun na.

Aisaya 63:10

ŋaan ki bi yêtɔ, ki te ki u kasii Seek na la parbiir. Ŋanne ki Yennu kpant bi dataak ki kɔn namm.

Aisaya 7:13

Li yoo na ki Aisaya jiin a, “Kpanbar Defid yaaboona, gbiintir man. Li ki ŋan ki a te ki nisaarii n di sukuru ki miat. A saa bia te ki Yennu n di sukuru ki miata-a?

Esekiel 16:43

A tamm maa din dia-a biaŋinba, yoo nba ki a din tee bik nawa. A dont n wutoor nan toonbiit nba ki a tuun na, ŋanne teen ki n te ki a pa toona maŋ kur paak. Bee teen ki a tuun bonchonchonn toona ki pukii toonbileet nba ki a tuun na paaki? Min Yabint Yennu-e pak na.”

Hosea 13:14

N kan tinn niib na ki bi daa saa kpeentiŋi, koo ki fatib kuun paŋ ni. Kuun, baat nan a yiaryoonn na. Kpeentiŋ, baat nan a biiru na. N ji kii mɔk ninbatinu nan niib na.

Barŋanii nba ki MAK din sɔb nae na 3:5

Ki u gotib ki lint nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant, ki li la laafia.

Barŋanii nba ki LUK din sɔb nae na 21:28

Ki linba na nba-i taŋi piin teenu, yii mɔk parcheenn, kimaan i tinnu yoo pera.”

Jɔɔnn 3:33

Ki wunba gaar u maan maŋ, li want nan ŋɔɔe sak nan Yennu maan tee barmɔnii.

Toona 7:51

Ki Stiifenn lek bia piak ki saa a, “I mantik tee nigbaba hei, ki i dudukit bia fɔk nan Yennu bonchiann, ki i ki sak yin gbiint Yennu maan. I kpan mun kɔn nan Yennu Seyeeŋ nan i yeejamm nba din tun biaŋinba nae.

Rom Teeb 8:11

Ki ŋɔɔ Yennu nba fiin Masia kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia saa tur i gbanant manfopaann, u Seyeeŋ nba be i ni na paak.

Rom Teeb 8:23

Li ki tee linba ki Yennu nan na kuukɔɔ kaa kurii, ŋaan timm nba mɔk Yennu Seyeeŋ nba tee sinsinn piinii na mun kuriie ti para ni, ki guu yoo nba ki Yennu tan saa nyinn ki wann yeenin ni a ti tee u waase, ki te ki ti gbanant n nyi daabisin ni na.

1 Korint teeb 1:30

Ŋɔɔ Yennu-e taan timm nan Yiisa Masia ki u tee ti yan. U paake ki Yennu nyinnit daabisin ni, ki yet a ti tee niŋamm u boor, ki ji tee u niib.

1 Korint teeb 15:54

Li paak, linba na kur-i tan teen, li yoo na linba sɔb Yennu gbouŋ ni na saa gbee, a “U nyann kuun gbenna.” Li bia sɔb a: “Kuun, a nyannu na be lia? Kuun, a tonu na be lia?”

1 Tesalonika teeb 5:19

I daa gɔi Yennu Seyeeŋ nba loon biaŋinba;

Hiibru teeb 10:29

Li paak, nirɔ nba fiak Yennu Bija maŋ ki ki baakit sɔn nba ŋamm Yennu mɔlor ki nyinnɔ u biit ni na, ki sukii burchinseyeeŋ na, bikint li yɔɔ nba tan saa jaŋ nan tubdatu nba.

Hiibru teeb 3:10

Ŋanne din te ki n donn wutoor niib maŋ paak ki yet a, Bi para ni, bi yêtima, ki ki waa n sɔnii.

Hiibru teeb 3:17

Ki lamme biak ki Yennu wutoor din doo bi paak ki saa jaŋ bina piinna na? Li ki tee binba din tun toonbiit, ki tan kpo muuk ni na kaa-a?

Barbuura 10:16

Ki bi lu tingbana nba kur ki bi jiantir na, ŋaan jiant Yennu. Li din daamii Yennu nan Israel teeb nba be parbiir ni na.