Efesus teeb 2:4 - Yennu Gbouŋ Mɔɔr

⁴ Ŋaan Yennu lomm nan u ninbatinu yab bonchiann ki kaa bikinu,

Yennu Gbounpaauŋ Mɔɔr

⁴ Ŋaan Yennu loomm nan u ninbatinu yab bonchiann ki kaa bikinu,

Efesus teeb 2:4 ပူးပေါင်းရင်းမြစ်များ

Nehemaya 9:17

Bi din yêt mɔsakuwa, ki tamm linba kur ki a tun nawa, ki bia tamm bakitnauŋ toona nba ki a tun na. Bi karinbaanii paak, ki bi gann tɔɔndaanɔ a wun jiib ki ŋmat namm daabisin ni, Ijipt tiŋ ni, ŋaan a tee Yennu nba nyikin ki chabite, ki bia mɔk parmaasir nan lomm, ki a wutoor ki do yian, ki a ninbatinu yab, ki a ki nyɔr nyikibi.

Yaŋ 145:8

Yennu mɔk lomm nan ninbatinu, u wutoor ki do yian, ki u lomm bia kaa gbennu.

Yaŋ 51:1

Yennu, tinimin ninbaauk, kimaan a lomm nba yɔɔ be na paak. A wuur n yanbɔmm nan biit kur, kimaan a ninbatinchiɔŋ na paak.

Yaŋ 86:15

Ŋaan fin n Yomdaanɔ, fine tee ninbatinu nan lomm Yennu, ki mɔk sukuru nan barmɔnii nan burchint.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Nyinu 33:19

Ki Yennu yet a, “N saa te ki n baakir ŋant na n gar a boor, ŋaan ki man wanna n sann. Min Yennu sii mɔk ninbatinu niib nba ki n gannib na paak,

Aisaya 63:7

N saa pak Yennu lomm nba ki gbent na poe. N dontirɔ nan waa tun linba kur ki turit. U teen piisin bonchiann timm Israel teeb paak, kimaan u ninkpabauŋ nan u lonchiɔŋ na paak.

Jeremaya 31:3

ki n nyii banfɔkira ki baar bi boor. Israel teeb, n yɔɔ loonie, ki tukin wanti n lomm nba kaa gbennu na.

Daniel 9:9

A mɔk ninbatinu nan nyikinchab, nan taa lek tun ki biira nawa.

Jona 4:2

U din yet a, “Yennu, maa daan daa be n doo ni na, n daan ki yet nan a tan saa tun nnae-e? Ŋanne teen ki n daan gbaa maa n chiar saan Speenn. N mi nan a tee Yennu nba mɔk lomm nan ninbatinue. Yoo kur a mɔk sukurue nan ŋamm, ki teen siir yoo saaka, a fin lebit a dudukit ki nyik niib tubdatu.

Barŋanii nba ki LUK din sɔb nae na 1:78

Barmɔniie, Yennu mɔk ninbatinu nan burchint, ki ti tinnu daar maŋ tan sii tee nan yondoor nae,

Rom Teeb 10:12

Bɔkitu kaa Juu teeb nan binba ki tee Juu teeb sinsuuk ni. Yennu kuukɔɔe tee ti kura Yomdaanɔ, ki binba kur meiɔ, u sommitib nan burchint.

Rom Teeb 2:4

Koo a yisin loonchiɔŋ nan sukuru bonchiann nba ki Yennu mɔk nant nae-e? A ki mi nan Yennu mɔk burchint nana a wun te ki a nyik a biit na ŋaan kii be fanue-e?

Rom Teeb 5:8

ŋaan Yennu wann nan u set loonit bonchiann, kimaan taa din tee biitdamm na ki Yiisa Masia gaar ti paak ki kpo.

Rom Teeb 9:23

ki u bia dɔŋ gann niib nba ki u tinib ninbaauk na, a wun donnib ki wann waa mɔk burchint bonchiann biaŋinba.

Efesus teeb 1:7

Kimaan Yennu nyik chab ti biit ki nyinnit daabisin ni, u Bilonkak maŋ sɔn paake.

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit, Yiisa Masia paak.

Efesus teeb 3:8

Yennu niib sinsuuk ni, mine tan joont ki ki tee siar, ŋaan Yennu tur mine yaak a man jii barŋanii nba wantit Masia nba sii teen binba ki tee Juu teeb na bonŋana bonchiann biaŋinba,

2 Tesalonika teeb 2:13

Ti naa waas, yimm nba ki ti Yomdaanɔ looni na, li kpaa talas ki tii piak Yennu yoo kur i paak, kimaan u din ganni pinpiik niewa a yin la tinnu. I din teen barŋanii nba tee barmɔnii na yada, ki u Seyeeŋ bia ŋammi ki teeni popeendamm, li paak ki i la tinnu na.

1 Timoti 1:14

Ki ti Yomdaanɔ Yiisa Masia tan tinin ninbaauk nba yab ki kaa bikinu, ki te ki n teenɔ yada ki loonɔ.

2 Timoti 1:9

Ŋɔɔ Yennu-e tinnit ki yiinit a tii tee popeendamm. Waa yiinit biaŋinba, li ki tee ti toonŋana paak kaa, ŋaan u mɔŋe din senn a u saa tint ninbaauk, Yiisa Masia paak. U din senn nnae yoo nba ki u daa ki nan durinya na.

1 Piita 1:3

Pakin Yennu nba tee ti Yomdaanɔ Yiisa Masia Baa na man, kimaan u tint ninbaauk bonchiann ki turit manfopaann Yiisa Masia kuun fiiru paak. Linba nae te ki ti mɔk dindann nan ti tan sii mɔk manfoor,