Banntɔɔ 9:11 - Yennu Gbouŋ Mɔɔr

¹¹ N la siare ki pukin; nantatinna nba tiin bonchiann ki be tingbouŋ na ni, bi ki patin tiin ki laat nyannu; ki pardamm mun ki kɔn ki laat nyannu yoo kuri. Yandamm ki patin laat daar diitiri; ki subindamm ki patin laat mɔkint. Ki binba mi ŋmakita ki patin laat yudantuku. Yubɔnn baat sɔɔ kur paak.

Banntɔɔ 9:11 ပူးပေါင်းရင်းမြစ်များ

2 Samuel 17:14

Ki Absalom nan Israel niib na kur yet a, “Husai kpaanii nae ŋan ki gar Ahitofel yar,” kimaan Yennu-e din te ki bi yêt Ahitofel kpaanii na, a lin biir Absalom.

2 Samuel 17:23

Ahitofel nba tan bann nan bi ki gaan u kpaanii yoo nba na, ki u jii u boŋ ki jak kun u doo ni, ki saa chakit ŋaak chakita, ŋaan jɔnn u mɔŋ ki kpo, ki bi piiu u baanba kaat ni.

2 Barkperii 20:15

Ki Jahasiel yet a, “Chanbaa kpanbar, nan yimm nba kur tee Juda teeb, nan Jerusalem teeb, Yennu yet nan i daa ŋaan tama, koo ki tiin kunkɔnkɔnna nba yab na jaŋmaanii nan yin tookibi. Tɔb na tee Yennu yare, li ki tee i yar kaa.

JOB labaar 34:29

Yennu-i kii lor wun tun siar faba, ŋaan sɔɔ kaa ki saa pak ki biirɔ. Li-i tee ki u lek u numm, nisaarii saa biar yanne.

Yaŋ 76:5

Ki bi jii kunkɔnkɔnna maŋ nba mɔk linba kur, ki bi ji biar gɔɔnt kuun gɔɔn, ki bi paŋ nan bi bannu kur teen yann.

Barjokit 1:5

Barjokit nba na gbaa saa fit pukin yandaanɔ bannu, ki mun bia ŋmakit banntɔɔ bannu,

Banntɔɔ 2:12

Li kur na lek, ŋaan kpanbar fit tuun toonn nba ki kpanbar kpera ban tume. Ŋanne ki n ji dukii ki jiin faa sii mɔk yan po, koo a baka nba sii kaa siar po, koo faa sii tee jatuk biaŋinba po.

Banntɔɔ 3:14

N mi nan bona kur nba ki Yennu tun na, li yɔɔ bee. A kan fit pukin siar li paaki, koo ki nyinn siar li ni. Yennu tuun linba na, a niibi baakitɔe.

Banntɔɔ 3:17

Ki n yet n mɔŋ a, “Yennu loon wun tan lakin bu niŋamm nan nibiit buut yomm, kimaan toona kur, nan marima kur, tan saa tun yoo nba ki u senne.”

Banntɔɔ 4:1

Ki n bia ŋamm got toonbiit kura nba tuun durinya na ni. Ki talas damm na yikin, ŋaan sɔɔ kaa ki saa sommib. Sɔɔ kaa ki saa fit sommibi, kimaan binba diimm na tee yiikoo damme.

Banntɔɔ 4:4

Ki n bia tumii ki bann linba paak teen, ki niib tuun toonpaara a bin mɔkit, kimaan bi mɔk funfunn nan bona nba ki bi leeb mɔk na. Ŋaan li ki mɔk nyɔsiati. Li tee nan faa sii waa beer wouŋ nae.

Banntɔɔ 7:13

Dukint linba ki Yennu tun po. Nlee ki nirɔ saa fit naat linba ki Yennu nan bonŋmarinni?

Banntɔɔ 9:2

Linba baat nimɔnɔ paak, ŋanne bia baat toonbiit daanɔ paak; linba baat niŋanɔ paak, ŋanne bia baat nibiiuk paak; linba baat yenjiant-teeb paak, ŋanne bia baat binba ki tee yenjiant-teeb paak; linba baat binba mann maruŋ paak, ŋanne bia baat binba ki mann maruŋ paak. Niŋanɔ ki gar yanbɔndaanɔ kaa; nirɔ nba sent mɔsona ki gar wunba ki senti; li ki mɔk bɔkitu.

Banntɔɔ 9:3

Joontu yennkɔɔe baat sɔɔ kur paak, linba na tee bonkpetir nba tuune tingbouŋ na ni. Nisaarii binbeŋ ni kur, bi dudukit gbee nan toonbiit nan waatuko, ki bi tuu tan kpire kpo.

Jeremaya 46:6

Binba chiar nan paŋ na, ŋaan bi kan paaki. Jab na kan boti. Gaŋ po ki kpian Yufrates mɔkire ki bi gbiatir baa.

Jeremaya 48:14

“Moab jab, bee ki i want nan i tee paarib, ki tee pardamm nba ki bi bikinii tɔb ni?

Jeremaya 9:23

Ki Yennu yet a, “Subindamm daa faa kpinkpant bi subinii paak, ki paŋ damm mun bia daa faa kpinkpant bi paŋ paak, ki mɔkita mun bia daa faa kpinkpant bi mɔkint paaki.

Daniel 4:35

U gorii nisaarii tingbouŋ na paak, ki bi ki tee siar u boor; li malakanba nba be Yendɔuŋ ni, nan niib nba be tingbouŋ na ni, bi kur gur u lɔŋ nie. Sɔɔ kaa ki saa fit gɔɔr Yennu waa loon wun tun linba, koo ki bia yetɔ a bee ki u tun linba na.

Sekaria 4:6

Ki malaka na betin a n yet Serubabel maan nba nyii Yennu boor na a, “Yabint Yennu yet a, li ki tee a paŋ, koo a yiikoo kaa, ŋaan n Seeke saa tura nyannu.

Malakai 3:18

N niib saa ŋamm la linba saa tun ki tur binba tee popeendamm nan tondamm, li bɔkitu nba tee biaŋinba, ki bia bann daanɔ nba tuun n toonn nan daanɔ nba ki tuun n toonn na bɔkitu.”

Efesus teeb 1:11

Yennu tuun siar kur u dudukit nan u lora nie, ki gannit a tii tee u niib, nan u bibikit nba tee biaŋinba pinpiik niwa na.

Sennu 8:17

Li paak, daa ban dukii nan i tiɔŋ paŋ nan yiikoo nie ki i mɔkiti.

Sennu 8:18

Ŋaan ii tiar nan i Yomdaanɔ Yennu-e teeni paŋ ki i mɔkitir. U tuun nna, kimaan u see fanu nan u mɔlor nba ki u din lor nan i yeejamm na.

1 Samuel 17:50

Tɔn, ki Defid ki mɔk jukbanjiaki, ŋaan nyann Goliaf, ki kpiiu nan naaluubuk tann.

1 Samuel 6:9

ŋaan kii gorii. Li-i tee ki li saa took Israel teeb doo Bef Semes-ie, li want nan Israel teeb Yennu-e te ki yiar kanbant soorit. Li-i munii tee ki li ki tɔkin li po, ŋɔɔ kaa tun yiar yoona na, ŋaan li kpan tan baae.”