Banntɔɔ 7:6 - Yennu Gbouŋ Mɔɔr

⁶ Jatit-i laa yoo nba, li tee nan kunkonii nba tuu put muu ni biaŋinba nae, ki li ki mɔk paaki.

Banntɔɔ 7:6 ပူးပေါင်းရင်းမြစ်များ

Yaŋ 118:12

Bi daan waame gbangban nan sai na, ŋaan ki n jii Yennu paŋ ki kpiib, ki bi boont nan muu nba tuu di naamɔɔr na.

Yaŋ 58:9

Bi tuu tan bant na, ki sɔɔ ki bi chɔɔb nan mɔɔt nawa; Yennu saa pebirib ki yaat namm nan u wutoor, baa lek be bi manfoor ni gbaa.

Barjokit 29:9

Yandaanɔ nan jatuk-u mɔk maan, jatuk na tuu kpan laae jatii, jatii, ki sukii sanpaapowa.

Banntɔɔ 2:2

N tan la nan laat tee jatiie, ki bia la nan manu dinu ki sommita siari.

Amos 8:10

N saa te ki i jaamm maruŋ na n kpant kuun maruŋ. N saa lebit i parpeenn yanii ki teen parbiir wuyikinii. N saa te ki yin koor i yut ŋaan lia bɔtoot liant, ki i sii tee nan bidaanɔ nba tuu bui ki fabin, u biyemmir kuun paak biaŋinba na. Yoo maŋ tan sii tone nan li joontu.

Barŋanii nba ki LUK din sɔb nae na 16:25

Ŋaan ki Abraham yetɔ a ‘N bik, tiat faa tuu be a manfoor ni na, a tuu mɔk bonŋanae, ŋaan Lasarus mun mɔk bonbiit. Mɔtana u be u yamanie nna na, ŋaan fine ji be biak ni na.

Barŋanii nba ki LUK din sɔb nae na 6:25

“Yimm nba gboo mɔtana, li sii bi i paak, kimaan kon tan saa gbatiwa. “Yimm nba laa mɔtana, li sii bi i paak, kimaan i tan sii fabin ki mɔ.