Banntɔɔ 3:20 - Yennu Gbouŋ Mɔɔr

²⁰ Bi kura siik bɔyenn kɔɔ nie, ki li tee tant ni. Bi kur nyii li nie; bi kur bia saa ŋmat li nie.

Banntɔɔ 3:20 ပူးပေါင်းရင်းမြစ်များ

Pinpiik 25:17

Ismael din dii bina kobik nan bina piintaa nan ŋanlore-e ki kpo.

Pinpiik 3:19

A tuu saa tume bonchiann ki nyi naauka ki tiŋ n fit nan jeet, nan faa tan saa ŋmat tant nba ki a nyii na ni. Tante ki n jii nama, a bia tan saa ŋmat kpant tant maŋe.”

JOB labaar 14:10

Ŋaan nisaarik tuu kpoe, ki u joontu kure na; ki wuu kpo, u ji be lee?

JOB labaar 14:14

Nirɔ-i kpo, u saa fit jen u manfoor niwa-a? Ŋaan min saa guur ki la yoo nba ŋane, ki guur nan daamii yoo na nba tan saa gbenn.

JOB labaar 17:13

Ki dindann nba ki n mɔk na tee kpeentiŋe, ki tee siaminba ki n saa dɔɔr gɔɔn, ki li tee bunbɔnn ni.

JOB labaar 30:24

Bee ki a lekin jabutiŋi? ki u tee daanɔ nba kan fit tun siar, see wun miar ninbatinu po.

JOB labaar 34:15

nisaarii kur saa lakin kpoe, ki ji ŋmat tant ni.

JOB labaar 7:9

Ki ti tee nan sanpagbouŋ nba tuu penn ki yant nae, ki nisaarik tuu kpo ki ji ki jenti, ki niib nba kur tuu miu na n ji tamm u po.

Yaŋ 103:14

U mi waa jii linba ki nant, u mi nan ti tee tante.

Yaŋ 104:29

Li-i tee ki a lek a numm, jaŋmaanii tuu sooribe, ki fi-i jii be foon, bi tuu kpoe ki ŋmat sik tant nba ki bi bo nyii na ni.

Yaŋ 49:14

Bi saa kpoe nan pei nba kpenn na, ki kuun sii tee bi kpaartɔɔ. Binba be kasii na saa nyannib, ki bi gbanant saa bat yian kpeentiŋ, siaminba fɔk nan bi ŋei.

Banntɔɔ 12:7

Ki ti gbanant tan saa ŋmat tanbiinii ni, tingbouŋ na paak, ki seek na saa ŋmat Yennu nba jiir ki turit na boor.

Banntɔɔ 3:21

Nlee ki nirɔ setik saa fit bann nan nisaarik nariŋ do paapoe, ŋaan ki bonkobuk nariŋ ŋmat siik tinpɔɔr ni?

Banntɔɔ 6:6

ki gar daanɔ nba ki di manu, wuu lekii dii bina tusaa ŋanlee. Bi kur lek tan saa saan bɔyennkɔɔ nie.

Banntɔɔ 7:2

Li ŋan ki fan saan siaminba ki bi mɔ kpemɔnii ki chee fan saan siaminba ki bi di jaamm, li ŋan nisaarii n tuu tiar bi mɔŋ nan kuun guu ti kurawa.

Banntɔɔ 9:10

Linba kur ki a tuun, a tun nan ninmɔnn, kimaan toonsiar tan sii kaa, koo bannu tan sii kaa, koo yanfoon tan sii kaa kpeentiŋ, siaminba ki a saa na.

Daniel 12:2

Ki bi bonchiann nba dɔŋ kpo na saa fiir kuun ni. Bi siab saa la manfoor nba kaa gbennu, ki bi siab mun tan saa di fei nba kaa gbennu.

Nikant 27:13

Ki li-i tee ki a la tiŋ maŋ, li poor po a saa kpo, nan a ninja Aarɔnn nba kpo nae,