Banntɔɔ 3:19 - Yennu Gbouŋ Mɔɔr

¹⁹ Li kur lek ŋaan joontu yennkɔɔe guu nisaarik nan bonkobuk kur. Nisaarik saa kpowa, ki bonkobuk mun bia saa kpowa. Bi kur tee bonfoae. Nisaarik ki gar bonkobuk kaa, kimaan bi kur manfoor ki mɔk nyɔɔti.

Banntɔɔ 3:19 ပူးပေါင်းရင်းမြစ်များ

2 Samuel 14:14

Ti kur saa kpowa. Ti tee nan nyun nba tuu yat tiŋ ni, ki ji kan fit wot nae. Yennu ki nyint niib nba ki u loon manfoori, ŋaan u tuu lon sɔniie, ki nirɔ nba ki bi berɔ na n jen.

Yaŋ 104:29

Li-i tee ki a lek a numm, jaŋmaanii tuu sooribe, ki fi-i jii be foon, bi tuu kpoe ki ŋmat sik tant nba ki bi bo nyii na ni.

Yaŋ 49:12

Nisaarik mɔkint kan fit nyinnɔ kuun ni, u bia lek saa kpoe nan bonkobuk nba kpenn na.

Yaŋ 49:13

Gotir linba tuun ki teen damm nba teen bi mɔŋ yada, nan bi leeb nba saak baa piak linba na.

Yaŋ 49:20

Nisaarik-i mɔk mɔkint ŋaan ki mɔk bannu, u bia lek saa kpoe nan bonkobuk nba kpenn na.

Banntɔɔ 1:14

N la linba kur tun tingbouŋ na paaka, li paak ki n yeen nan li kur ki mɔk nyɔsiati. Li tee nan faa sii waa beer wouŋ nae.

Banntɔɔ 1:17

Ki n bo dukii nan n saa tumiie ki la bannu nan jatii bɔkitu, ki bia la yanfoon nan waatuk bɔkitu, ŋaan tan la nan li tee nan faa sii waa beer wouŋ nae.

Banntɔɔ 2:14

Yandamm fit laat baa saa siaminba po, jatit ŋarin ki laat.” Ŋaan n mi nan ti joontu tan sii tee yomme.

Banntɔɔ 2:16

Sɔɔ ki tian yandamm po, ki sɔɔ mun bia ki tian jatit po. Daar baate ki bi tan saa tamm ti kura po. Ti kura saa kpo nnae, li yandamm nan jatit kurawa.

Banntɔɔ 7:2

Li ŋan ki fan saan siaminba ki bi mɔ kpemɔnii ki chee fan saan siaminba ki bi di jaamm, li ŋan nisaarii n tuu tiar bi mɔŋ nan kuun guu ti kurawa.

Banntɔɔ 9:12

A ki mi a ninbɔŋ yoo, a tee nan nɔɔnii nba ki bi tuu tan soorib tiɔk ni nae, ki bia tee nan janii nba ki bi tuu soorib janlaauŋ ni na. Ti tuu tan kɔɔ bonbiir nie, yoo nba ki ti ki daanir.

Banntɔɔ 9:2

Linba baat nimɔnɔ paak, ŋanne bia baat toonbiit daanɔ paak; linba baat niŋanɔ paak, ŋanne bia baat nibiiuk paak; linba baat yenjiant-teeb paak, ŋanne bia baat binba ki tee yenjiant-teeb paak; linba baat binba mann maruŋ paak, ŋanne bia baat binba ki mann maruŋ paak. Niŋanɔ ki gar yanbɔndaanɔ kaa; nirɔ nba sent mɔsona ki gar wunba ki senti; li ki mɔk bɔkitu.

Nikant 16:29

li-i tee ki niib na kpo Yenŋaak kuun ŋaan ki ki la Yennu tubdatu, ŋann li ki tee Yennu kaa tumin.