Daniel 9:21 - Yennu Gbouŋ Mɔɔr

²¹ Maa mei Yennu yoo nba nae ki n la Gabriel, wunba ki n lau yirintu nba gar ni na, ki u yukir baar maa see siaminba na. Li din tee daajoouk maruŋ yooe.

Daniel 9:21 ပူးပေါင်းရင်းမြစ်များ

1 Kpanbara 18:29

Bi din yikin sanpaapo nnae nan yenlekir, ŋaan bi din ki la gatu, siar din ki teen nan waama.

1 Kpanbara 18:36

Ki yenlekir maruŋ yoo baar, ki Elaija saan binbintir na boor ki miar a, “Yennu, fin nba tee Abraham nan Aisak nan Jakɔb Yennu, want a mɔŋ mɔtana nan a set tee Israel teeb Yennu-e, ki n tee a toontunnɔ, ki fine yetin a man tun linba na kur.

Yaŋ 103:20

Yimm malakanba nba mɔk paŋ nan yabint na, ii dont Yennu man, yimm nba saak u sennii ki bia gbiin u maan na.

Yaŋ 104:4

A jii wouŋo ki teen a toomiinba, ki tuu yent sanyikintii, ki li tee a toontunna.

Yaŋ 141:2

Gaat n miaru ki lii tee nan bonnunubit na, ki maa donn n nii nba na-ii tee nan daajoouk maruŋ na.

Nyinu 29:39

A tuu kpi peyeuŋ sanyiɔk ni, ki tan kpi lɔɔ na daajoouk.

Aisaya 6:2

Ki bonfoa nba nyirii nan muu na see lintɔ, ki bonfoor kur mɔk kpinkpant ŋanloob-loob. Ki bonfoor kur jii kpinkpant ŋanlee ki dɔkin u numpo, ki jii kpinkpant ŋanlee ki dɔkin u gbanant, ŋaan dia kpinkpant ŋanlee nba biar na ki yuuk.

Esekiel 1:11

Ki bonfoor kur kpinkpant ŋanlee lee tant ki siit leeb nba kpiau na kpinkpant, ŋaan ki bi kpinkpant ŋanlee lee nba biar na, ki bi pɔbin bi gbanant paak.

Esekiel 1:14

Ki bonfoa na mɔŋ chari yian yian nan sanyikintii na.

Esekiel 14:14

ki li-i lekii bo tee jab bantaa nba na, Nowa nan Danel nan Job bo kɔɔ digbann maŋ ni, bi toonŋana bo saa tinn bi kuukɔɔ manfoae.”

Daniel 10:10

Ŋanne ki nuu soorin ki fiinin, ki n be n nii nan duna paak, ki bia daa jekir.

Daniel 10:16

Ki wunba pak nanin na tee nan nirɔ na, ki tant u nuu ki sii n mɔgbana. Ki n yetɔ a, “Chanbaa, yirintu na te ki n baŋ ki kan fit nyik jekiru.

Daniel 10:18

Ki u ŋamm siin, ki n ji la paŋ.

Daniel 8:16

Ki n gbat kunkɔr nyii Ulai mɔkir ni a, “Gabriel, want jɔɔ na yirintu nba ki u la na paak.”

Daniel 8:18

Waa piak yoo nbae, ki n fib, ŋaan ki u soor n nuu ki fiin sennin,

Matiu 27:46

Kut muntaa maŋ yooe, ki Yiisa yikin sanpaapowa a “Eli, Eli, lema sabaktani?” Li paak tee a “N Yennu, n Yennu, bee ki a nyikimi?”

Barŋanii nba ki LUK din sɔb nae na 1:19

Ki malaka maŋ jiinɔ a, “Mine tee Gabriel wunba be Yennu tɔɔnn na; ki u tumin a boor, a n tan pak nana ki wanna barŋanii na.

Barŋanii nba ki LUK din sɔb nae na 1:26

Tɔn, Elisabef poor sooru ŋmaarii ŋanloob nie, ki Yennu tun u malaka Gabriel a wun saan doo nba be Galilii yent ni, ki bi yi doo maŋ Nasaref na,

Toona 10:3

Li din tan tee yenlekire, ki u la Yennu malaka nan u ninbinn, yirintu ni, ki u kɔɔ ŋɔɔ Kɔnelius diiuk ni ki tan yiin a, “Kɔnelius.”

Toona 10:9

Laa yent sanyiɔk, ki bi saa, ki saa per Jɔpa; li yoo na ki Piita mun doo ditɔɔtuk paak yonsuuk ni, a wun miar Yennu.

Toona 12:7

Li taakpaak ni ki ti Yomdaanɔ malaka dɔkit, ki yentu yent dansarik diiuk na ni, ki u nik nik Piita bɔpiɔk ki muntɔ, ki yetɔ a, “Fiit yian yian.” Ki u fiir. Waa fiir yoo nba, ki jarit na pit u nii ni ki baa.

Toona 3:1

Dasiar yenlekir ki Piita nan Jɔɔnn tan saa Yenjiantu ŋasaakak ni Yenmiar-yoo.

Hiibru teeb 1:14

Li paak, malakanba tee bee? Bi kur tee sei nba jiantir Yennu-e, ki ŋɔɔ Yennu tuumm a bii sommit niib nba saa la tinnu na.

Hiibru teeb 1:7

Ŋaan malakanba na po ŋarin ŋɔɔ Yennu din yet a: “U te ki u malakanba tee sei, ki bia teemm ki bi tee mupeenu.”

Fiitu 9:17

Ki n yirintu maŋ ni ki n la taanii nan bi jakira na, ki bi tee nna: ki taanjakira na lia naagbankɔŋa nba dɔɔk bi parbia, ki li mɔn nan muu na, ki tee nan bonbɔnwuwura na, ki bia mɔn nan dukpan na; ki taanii na yura naan yanbɔra yura. Ki muu nan munyuut nan sarwuuta nyi bi mɔi ni.