Daniel 7:28 - Yennu Gbouŋ Mɔɔr

²⁸ Yirintii maan maŋ kure na. Ki jaŋmaanii soor min Daniel, ki n numpo lebit, ŋaan ki n te maan maŋ kpakin n ni.

Daniel 7:28 ပူးပေါင်းရင်းမြစ်များ

Pinpiik 37:10

Ki u bia bet u baa damiit maŋ. Ki u baa yakii nanɔ a, “Damiboorbee na? A dukii nan a naa, nan a yɔɔrib, nan min tan saa baar ki gbaan ki tibin ki ti yugbia siit tiŋ a tɔɔnn amii?”

Pinpiik 37:11

Joosef ninjamm din mɔk funfunn nanɔ, ŋaan ki u baa ŋarin din dukiie ki jiin li po.

Daniel 10:16

Ki wunba pak nanin na tee nan nirɔ na, ki tant u nuu ki sii n mɔgbana. Ki n yetɔ a, “Chanbaa, yirintu na te ki n baŋ ki kan fit nyik jekiru.

Daniel 10:8

Ki n biar see n kuukɔɔ, ki gorii yaarlituk yirintu na, ki pansiak ki biar n ni, ki n numpo lebit ki penn.

Daniel 11:27

Ki kpanbara banlee na saa lakin kar di jeet, ŋaan bi dudukit sii tee bonbiire, ki bi saa faar faak ki tur leeb. Bi kan la baa loon linba, kimaan li yoo daa ki baari.

Daniel 12:13

“Fin Daniel, ii be fanu ki saa tuu yoo na joontu. Ki a saa kpo, ŋaan a tan saa fiir ki gaar a paauk, yoo na joontu ni.”

Daniel 12:9

Ki u jiin a, “Daniel, ii saa, kimaan mɔmaan na tee fan bekire, ki lii be bɔr ni, nan yoo na joontu.

Daniel 4:16

Li saa jii bina ŋanlore ki u kii mɔk nisaarik yan, ŋaan sii mɔk bonkobuk yame.

Daniel 4:19

Ki jijeet kɔɔ Daniel, wunba ki bi yiu Beltesasar na, ki u ki fit yet siar. Ki kpanbar na yetɔ a, “Beltesasar, a daa te damiit na, koo li paak mɔka jaŋmaanii.” Ki Beltesasar jiin a, “Chanbaa, n sunman damiit na, nan laa want linba, lii bonii gaa a datai paake, ŋaan bo daa tee fini.

Daniel 5:6

Ki jaŋmaanii soorɔ, ki u numpo lebit, ki u taa jekir.

Daniel 7:15

Yirintii nba ki n la na put n yan, ki daamiin.

Daniel 8:1

Belsasar naan bina ŋantaa nie ki min Daniel la yirintu taar munlee ni.

Daniel 8:17

Ki Gabriel baar set ki kpianin, ki jaŋmaanii soorin, ki n baa tiŋ ni. Ki u yetin a, “Nisaarik, bant yirintu na paak. Yirintu na jiin durinya na gbennu poe.”

Daniel 8:19

ŋaan yet a, “N loon ki man wanna Yennu wutoor nba saa tun linbae. Yirintu na saan gaan durinya na gbennu poe.

Daniel 8:27

Ŋanne ki min Daniel baŋ ki yiar daa waan, ki tan fiir ki ŋmat tuun kpanbar toonn na. Ŋaan ki yirintu na ŋmat n yan. N ki bann li paak nba tee.

Barŋanii nba ki MAK din sɔb nae na 9:15

Nibur maŋ nba la Yiisa yoo nba, ki li teemm bakitnauŋ, ki bi tin baar ki foontɔ.

Barŋanii nba ki LUK din sɔb nae na 2:19

Ŋaan Meeri din tian linba tun na kur, ki dukii li po u par ni bonchiann.

Barŋanii nba ki LUK din sɔb nae na 2:51

Ŋanne ki bi din ŋmat nan Yiisa ki sik Nasaref, ki u saak bi mɔb. Ki u naa tian linba tun na kur u par ni.

Barŋanii nba ki LUK din sɔb nae na 9:44

“Lootir i tuba man ki gbat linba ki n yaa n paki na fanu. Bi tan saa jii min nisaarik Bik ki kubin niib nuu ni.”