Daniel 3:27 - Yennu Gbouŋ Mɔɔr

²⁷ Ki kpanbar na doo diara kur, nan toontunna yudamm, nan kunkɔnkɔnna saakab, nan kpanbar ŋaasaakaleeb nba be tikir lint jab bantaa na, ki la nan muu na ki sii bi gbananti, koo ki gabir bi yuti. Bi liant din ki dii muu, bi gbanant bia din ki nubir mudiina.

Daniel 3:27 ပူးပေါင်းရင်းမြစ်များ

1 Kpanbara 13:28

Yanbɔr na din ki ŋman Yennu sɔkinii na gbanant, koo ki soor boŋ na.

2 Kpanbara 19:19

Ti Yomdaanɔ Yennu, nyintit Asiria jab na nuu ni, ki tingbouŋ na ni digbana kur n bann nan fin Yennu kɔɔe tee Yennu.”

Yaŋ 83:18

Ŋaant ki bin bann nan fine tee Yennu, ki tee yabint daanɔ, tingbouŋ na kur po.

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 43:2

Yi-i sik nyun sunsuŋ ni, ŋaan n sii be nani. I daamii kan nyanni. Yi-i kɔɔ muu ni, ŋaan li kan di-i; ki bonpaarir nba baarii, ŋaan li kan teeni siari.

Daniel 3:21

Ŋanne ki bi soor jab bantaa na, ki bi lia bi liatfoot, ki yoo kurii, ki bia yir yufintii nan liant nba pukin, ki lorib ki lub muu maŋ ni.

Daniel 6:23

Ki kpanbar na par penn, ki u kpamm, ki tur mɔb a bin donn Daniel bootuk na ni. Ki bi dat donnɔ, ki la nan siar ki dammɔ nan waama, kimaan waa teen Yennu yada na paak.

Daniel 6:7

Timm nba kur tee saakab nan yent saakab nan kpaanteeb nan saakaleeb na kur sak nan fin kpanbar n senn sennu, ki lii see kenken. Sent nan laa nyii dinna ki saa tuu daa piintaa, sɔɔ daa jiantir yensau, koo ki miarɔ siar, ŋaan ki li ki tee fin kpanbari. Wunba kur biir sennu na, fan sikinɔ bootuk nba gbee nan yanbɔra na ni.

Matiu 10:30

Yimm ŋarin, Yennu mi i yut kann gbaa.

Toona 26:26

Chanbaa Agripa, n mɔk parcheenn ki saa pak tura, kimaan a mɔŋ mi linba na po, ki n bia teen yada nan barii nba jiin Yiisa po na ki bɔr a boori, kimaan linba din teen maŋ din ki woon kaa.

Toona 27:34

Li paak, n barimie ki i lek di jeet, kimaan li tee linba saa te ki i ŋamm la paŋe. I sɔɔ kan la daŋi.”

Hiibru teeb 11:34

ki siab mun kpeen muchiɔŋ, ki siab tin nyii jukbanjai kuun ni. Ki siab mun tee tariie ŋaan din tan kpant paarib, ki siab mun took tɔbii nan paŋ ki te ki boorganu lanjimanba chiar.