Daniel 11:30 - Yennu Gbouŋ Mɔɔr

³⁰ Rom teeb saa gbee ŋarint ki baar kɔn nanɔ, ki jaŋmaanii saa soorɔ. “Ki u saa donn wutoor, ki koor a wun biir Yennu niib Yenjiantii. U saa gaar niib nba yêt Yennu sennu na kpaaniie.

Daniel 11:30 ပူးပေါင်းရင်းမြစ်များ

Pinpiik 10:4

Jafann bonjai din tee Elisa, nan Speenn, nan Saiprus, nan Rodes.

1 Barkperii 1:7

Ki Jafann yaaboona tee Elisa nan Speenn nan Saiprus nan Rodes teeb.

Nehemaya 6:12

Maa dukin li po yoo nba, ki n bann nan Yennu kaa pak ki tur Semaya, ŋaan li tee Tobia nan Sanbalat-e kɔɔu a wun turin li kpaan booru.

Aisaya 23:1

Mɔmaan na jiin Taya doo poe. Ii kurii nan yanyêtuk, yimm nba nyii ki be mɔkgbeŋir paak, ŋarint ni na. I doo Taya biira. Li ŋei nan siaminba ki ŋarint see na tee langbente. Yoo nba ki i ŋarint na nyii Saiprus tiŋ ni ki jent nae ki i gbat maan na.

Aisaya 23:12

Sidonn doo, a parpeenn na gbenna, ki a niib ji di biak. Bi-i lekii chiar saan Saiprus ŋaan bi kii be bi yamani.

Jeremaya 2:10

Saant yonbaa po, ki baar kunkonn doo nba foo nyun ni, ki bi yi Saiprus na, ki tun sɔɔ yondo po, Kedar tiŋ ni. I saa la nan linba na booru daa ki ban tun kaawa,

Esekiel 27:6

Bi nyii nan tijakpera Basann doo ni, ki ŋamm ŋarinkandaat, ki nyii nan langbeŋ daat Saiprus doo ni, ki kpaa tiŋ po, ki faŋir nan loobnyana.

Daniel 11:28

Siria kpanbar sii ŋmat kun u doo ni nan tiat nba ki u fat na, ŋaan ki u lor tee wun gɔɔr Yennu niibe ki bi daa jiantir Yennu. U saa tun waa loon biaŋinba, ki ji kun u tiɔŋ doo ni.

Daniel 11:29

“Li poor po, u tan saa ŋamm lek Ijipt, ŋaan yoo nba na bona saa lebite, ki ji kii tee nan sinsinn na.

Daniel 7:25

Ki u saa pak biir Yabint Yennu, ŋaan te Yennu niib n di biak. U saa yabir a wun lebit Yenjiantu sennii nan li jaamm. Ki Yennu niib sii be u paŋ ni bina ŋantaa nan ŋmaarii ŋanloob.

Nikant 24:24

Fat-teeb saa nyi Kitim ki baar nan burgbeta; bi saa kɔn nyann Asiria nan Eber tinii, ŋaan bi mɔŋ tan saa boonte ki kpakin yann.”

Matiu 24:10

Li yoo maŋ, niib bonchiann tan saa yêt n weiu, ki fikisir leeb, ki bia nan leeb.

Fiitu 12:12

Li paak, yimm nba be Yendɔuŋ ni na, ii mɔk parpeenn maŋ. Ŋaan tingbouŋ na niib nan binba be mɔkgbeŋa ni na ŋarin, parbiir be bi paak, kimaan Sintaanii sik bi paak nan wutogbeŋire, waa mi nan u yoo ji ki yab na paak.”