Barjokit 6:16 - Yennu Gbouŋ Mɔɔr

^16-19 Bona ŋanlore nba nae ki Yennu ki loon, ki kan mi saki. Ŋanne tee: garuk ningorsin, nan jerinn nba mɔk faak, nan nii nba kpi niib nba ki mɔk biiti, nan par nba lorin bonbiir, nan taa nba somm yian yian ki tuun toonbiit, nan siaradaanɔ nba fa faak yoo kur, nan daanɔ nba mɔk tukina u leeb sinsuuk ni.

Barjokit 6:16 ပူးပေါင်းရင်းမြစ်များ

2 Kpanbara 21:16

Manase din kpii niib bonchiann, binba ki mɔk biit, ki Jerusalem sɔnii ji tan puub nan sɔn. U din tun nna ki pukin waa kɔɔn Juda teeb yenbis jiantu ni, ki te ki bi tun biir Yennu.

JOB labaar 5:19

Yoo kur u saa tinna ki nyinna daŋ ni.

Yaŋ 11:5

U bikii niŋamm nan biitdamm kure. U ki loon tubkangbata damm na.

Yaŋ 5:7

Ŋaan a yaa lonchiɔŋ paak ki n fit baat a boor. N fit jiantira, a kasii ŋasaakak ni, ki bia gbaant a tɔɔnn ki teena baakir.

Barjokit 11:1

Yennu ki loon niib nba dia faak bikina. U mɔk parpeenn nan barmɔnii bikinae.

Barjokit 11:20

Yennu ki loon niib nba mɔk toonbiit dudukit na, ŋaan u loon binba tuun toonŋanae.

Barjokit 12:22

Yennu ki loon faak damme, ŋaan ki u par mei binba gbeent bi mɔsona na paak.

Barjokit 17:15

Ki pak biir wunba ki tun biit, koo ki nyikin toonbiit damm yann, li kur ki ŋan Yennu boori.

Barjokit 20:10

Yennu ki loon niib nba dia faak jaŋa nan bikina na.

Barjokit 20:23

Yennu ki loon binba dia faak jaŋa nan bikina na.

Barjokit 21:4

Toonbiit damm karinbaanii nan bi dont-n-mɔŋe diab, linba na tee yanbɔmme.

Barjokit 3:32

kimaan Yennu ki loon binba tuun biit na, ŋaan want binba tee yentinna na u lora.

Barjokit 30:18

Bona ŋannae be, ki n ki bann li paak; ŋanne tee:

Barjokit 30:21

Bona ŋannae be, ki tingbouŋ mɔŋ ki sakiri:

Barjokit 30:24

Bona ŋannae be tingbouŋ na ni ki waar, ŋaan mantik sub; ŋamme tee:

Barjokit 30:29

Bona ŋannae be ki bi ŋmaatir ŋan; ŋamme tee:

Barjokit 6:15

Linba na paak, mukisuk saa baarib, ki bi kan la li yoo, ki saa la daŋ bonchiann nba saa kpib.

Barjokit 8:13

Fi-i baakit Yennu, li tee fii nan toonbiite. N ki loon karinbaanii nan dont-n-mɔŋ nan toonbiit sɔnii, nan faak mɔbona.

Jeremaya 26:15

Ŋaan li kpaa talas ki yii mi linba na: Li-i tee ki i kpiin, yimm nan doo na niib kur sii be nikaar kpinu biit ni, kimaan Yennu-e tumin a man turi kpaanii na.”

Amos 1:11

Yennu ŋamm yet a, “Edom teeb tun yanbɔmm, ki bia ŋamm tun yanbɔmma, li paak, n saa dat bi tubawa. Bi wei ber bi ninjamm Israel teeb na, ki ki timm ninbaauku. Bi wutoa ki mɔk gɔɔru, ki bi ki te ki li maaki.

Amos 1:3

Yennu din yet a, “Damaskus teeb tun yanbɔmm, ki bia ŋamm tun yanbɔmma, li paak, n saa dat bi tubawa. Bi dia Gilead teeb na ki ŋmaŋitib.

Amos 1:6

Yennu ŋamm yet a, “Gasa teeb tun yanbɔmm, ki bia ŋamm tun yanbɔmma, li paak, n saa dat bi tubawa. Bi soor digbanmunn ki kɔib nan daaba na ki tur Edom teeb.

Amos 1:9

Yennu ŋamm yet a, “Taya teeb tun yanbɔmm ki bia ŋamm tun yanbɔmma, li paak, n saa dat bi tubawa. Bi soor digbanmunn, ki teemm yommii ki saan namm Edom tiŋ ni, ki ki dia naasinyɔɔsir mɔlor nba ki bi din lor na.

Amos 2:1

Yennu ŋamm yet a, “Moab teeb tun yanbɔmm ki bia ŋamm tun yanbɔmma, li paak, n saa dat bi tubawa. Bi ki baakit Edom kpanbar kpaba na, ki joor muu, ki li kpant tanpent.

Amos 2:4

Yennu ŋamm yet a, “Juda teeb tun yanbɔmm ki bia ŋamm tun yanbɔmma, li paak, n saa dat bi tubawa. Bi yêt n wannuwa, ki bia ki dia n sennii na. Kpinkpannii yennii nba ki bi yeejamm din jiantir na kpanniba.

Amos 2:6

Yennu ŋamm yet a, “Israel teeb tun yanbɔmm ki bia ŋamm tun yanbɔmma, li paak, n saa dat bi tubawa. Bi kɔi niburchimm nba kan fit pa bi mɔŋ pana, nan talas damm nba kan fit pa bi mɔŋ taasaat paak nawa.

Sekaria 8:17

I daa lorin lora nba saa biir i leebi, ki bia daa poor faak mɔpora. N ki loon faak, nan buut nba ki took, nan kpikpiruku.”

Sennu 23:18

Ki likirii nba kur ki nirɔ kpaan sɔnbooru maŋ ni, i daa jikit ki baat nann i Yomdaanɔ Yennu ŋaak ni a yin gbeen i mɔsona nba ki i senn na. Yennu ki loon bonchonchonsin.

Sennu 24:4

u sinsinn jɔɔ na ji kan fit jiiu ki teenɔ u ŋaapoo, kimaan poo na mɔk jakint. Li-i tee ki u ŋamm kɔɔnɔ, li tee biite Yennu boor. I daa tuun na booru ki biir tiŋ nba ki i Yomdaanɔ Yennu jikit ki teeni ki li sii tee i faar na.

Sennu 25:16

Yennu ki loon damm nba ŋmaab.

Fiitu 21:27

Linba tee jakint, nan wunba tuun fei toonn, nan fai damm, kan kɔɔ doo maŋ ni, see binba sana sɔb Pegann na manfoor gbouŋ na ni kuukɔɔe saa kɔɔ doo maŋ ni.