Barjokit 6:12 - Yennu Gbouŋ Mɔɔr

¹² Niib nba ki mɔk nyɔɔt, ki bia tee toonbiit damm nae lin ki faa fai.

Barjokit 6:12 ပူးပေါင်းရင်းမြစ်များ

Yaŋ 10:3

Biit daanɔ want u mɔŋe, u yanbɔnlor na ni; bonlonbiiuk daanɔ poor Yennu mɔporae ki yêenɔ.

Yaŋ 10:7

U mɔmaan tee mɔtont nan faak nan jaŋmaankɔɔntuk kɔɔe. U kakii nan naŋ nan biit maan paku halii.

Yaŋ 101:3

n kan sak kii be binbenbiiki. N ki loon binba ki saak Yennu mɔb na benu; n ki mɔk siara kpiir nammi.

Yaŋ 36:3

Ki u mɔmaan tee nɔɔnbiit, ki gbee nan kpinkpannii, ki u ki fit tuun siar ki li tee subinii ki bia ŋani.

Yaŋ 59:7

Gbiintir sukit nan mabiit nba nyi bi mɔi ni. Ki bi jerima tee nan jukbanjai na ki nyi bi mɔi ni, ki bi dukii nan sɔɔ ki gbia baa yeen linba na.

Barjokit 10:32

Niŋamm mi bonŋann paku, ŋaan toonbiit damm na ŋarin piak linba teen daŋe yoo kur.

Barjokit 11:6

Binbenŋansin tint binba tee barmɔnpakira, ŋaan binba ki piak barmɔnii na, bi mɔŋ ninfɔkime tuu soorib nan baruk na.

Barjokit 16:27

Toonbiit damme loon sɔnii a bin biir leeb, bi mɔbona tee nan muyeruk nae.

Barjokit 16:30

Niib nba laa mɔmiin ki nyiitir nyana a paak, ki dia serimii ki tee nyina na, a gotib fanu, bi lor bonbisiara.

Barjokit 17:4

Binba tee toonbiit damm gbiin toonbiit mɔbonae, ki binba mun tee faak damm gbiin faak maan.

Barjokit 2:12

ki gɔɔra, ki a kan tun linba tee kpetiri. Bi saa bɔkita nan niib nba ki bi mɔbona baat nan daŋ;

Barjokit 3:32

kimaan Yennu ki loon binba tuun biit na, ŋaan want binba tee yentinna na u lora.

Barjokit 4:24

A daa piak linba ki tee barmɔnii. A daa dia faak nan kpinkpannii mɔbona.

Barjokit 6:14

ki lorin bonbiir bi para ni yoo kur, ki baat nan daamii lokir kur po.

Barjokit 8:13

Fi-i baakit Yennu, li tee fii nan toonbiite. N ki loon karinbaanii nan dont-n-mɔŋ nan toonbiit sɔnii, nan faak mɔbona.

Jeremaya 24:2

Sinsinn kpanchibuk na din gbee nan kinkana nba ŋan, ki tee linba dɔŋ mɔnne, ŋaan chibleeuk na din be nan kinkana nba tee bonbiite ki poŋ kan fit di.

Matiu 12:34

Yimm waalabirii booru na, yaa tee nifobiit biaŋinba na, nlee ki barŋanii saa nyi i mɔi ni? Kimaan linba ki nisaarik dukii u par ni, ŋanne bia nyi u mɔb ni.

Toona 20:30

Yoo bia baat ki siab tan saa nyi i mɔŋ sinsuuk ni, ki fa fai ki jiin Yennu barmɔnii wannu na po, ki kpann Yiisaweira, ki tunii bi yan ki te ki bi waab.

1 Timoti 5:13

Linba pukin, bi bia ki loon toona, ŋaan lin lɔɔn ŋei ki tumii sanjaauŋ, nan niib barii ni kɔɔnu, ki lin piak linba ki ŋan nan bii piaki.

Jeems 1:21

Li paak, n naa waas, ii nyik i yanbɔmm nan biit kur nba be i para ni na, ŋaan sikin i mɔŋ Yennu tɔɔnn, ki gaar u maan nba ki u kɔɔnt i para ni na, kimaan maan maŋe mɔk paŋ nba saa tinni.

Jeems 3:6

Jerinn tee nan muu nae; li tee ti gbanant bɔkire ki mɔk biitbooru booru, ki saa fit biir ti gbanant kur, ki bia di nisaarik binbeŋ nan muu na; li muu nyii Sintaanii boore.

1 Samuel 17:28

Yoo nba ki Defid yɔɔrkper Eliab gbat ki Defid piak nan jab na, ki u wutoor doo Defid paak, ki u yet a, “A tuun bee nna na? Ŋmee gorii a pei nba be kunkoouk paak na? A tee dont-n-mɔŋ daanɔe, ki bia mɔk buksin. Li paak ki a baar a tan barii tɔb na.”