Barjokit 4:18 - Yennu Gbouŋ Mɔɔr

¹⁸ Popeenn daanɔ sɔnu tee nan yonmɔnn donu nae, ki yentir nan daar nba tuu yent gbenn na.

Barjokit 4:18 ပူးပေါင်းရင်းမြစ်များ

2 Samuel 23:4

tee nan yonnu nba tuu nyikintir sanyiɔk ni, daar nba ki sanpagbant kaa nae, ki bia tee nan saak nba tuu baa gbenn, ki yonnu n nyi ki nyirikit mɔɔt nae.”

JOB labaar 11:17

A binbeŋ ni sii yeen ki gar yonnu nba tuu nyikintir yonsuuk ni nawa, ki a binbeŋ nba be bunbɔnn ni na tan saa yent nan sanyafaar nae,

JOB labaar 17:9

Binba dukii a bi be fanu na kpan set dukii nan bi mɔk mɔniie.

JOB labaar 23:10

Ŋaan Yennu mi taaŋmaatir nba kur ki n ŋmaa. Li-i tee ki u bikinin, u saa la nan n yeene.

Yaŋ 84:7

ki bi saa ki ŋammit laat paŋ tee-e nan baa tan saa baar Yennu boor, Sayɔnn kunkonn na paak.

Yaŋ 97:11

Yentu tuu yent kasii damm paake; ki parmaasir baat niŋamm paak.

Barjokit 13:9

Popeenn damm tee nan yentu nae ki nyiirii, ki toonbiit damm tee nan fitir nba tuu kpeent na.

Barjokit 15:24

Niib nba mɔk yan tɔk manfoor sɔnue, bi ki tɔkii kuun sɔnu.

Barjokit 2:20

Li paak, see ki a wei niŋamm binbeŋ, kii be binbeŋ nba tee yentinu benu.

Barjokit 2:9

Li-i tee ki a gbiint n maan, a saa bann linba took, nan linba tee barmɔnii, nan linba ŋan, ki a sii mi faa saa tun linba.

Aisaya 26:7

Yennu, a tuu ŋamm sɔnu nba ki niŋamm tɔkii nae fanu, sɔnu nba ki bi tɔkii naae mur-mur.

Daniel 12:3

Tɔɔndamm nba tee yandamm sii nyirii nan sanpagbouŋ na, ki binba mun tumii niib bonchiann a bii tuun linba ŋan na sii nyirii nan ŋmaabira na yoo saaka.”

Hosea 6:3

Ŋaant ti tumii ki bann Yennu. Laa tee barmɔnii nan yonnu saa do na, ki bia tee barmɔnii nan kpafusaak saa baa na, nnae mun li set tee barmɔnii nan Yennu saa dɔkit ti paak.”

Matiu 5:14

“Yimme tee tingbouŋ na yentu; doo nba ki bi maa ki senn kunkonn paak kan fit bɔri.

Matiu 5:16

Ii muni be nna; ŋaant ki i yentu n yent tur nisaarii, ki bii laat i toonŋana kii dont i Baa Yennu nba be sanpaapo na.

Matiu 5:45

Ŋanne saa te ki i set tee i Baa Yennu nba be sanpaapo na waas, kimaan ŋɔɔe te ki yonnu do nibiit nan niŋamm paak, ki bia te saak baa nibiit nan niŋamm doi ni.

Jɔɔnn 8:12

Ŋanne ki Yiisa bia pak nan niib Yenjiantu ŋasaakak ni a, “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba yentir u binbeŋ, ki u kii turin bunbɔnn ni.”

2 Korint teeb 3:18

Li paak, chinchenn maŋ ji ki dɔɔk ti numm po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boore.

Filipi teeb 2:15

ki lin te ki i daa mɔk biit, ŋaan kii tee popeenn damm, kii tee Yennu waas nba ki mɔk daŋ, kimaan i be niyoona nan biitdamm sinsuuk nie na. Li kpaa talas ki yii nyirii bi sinsuuk ni, nan ŋmaajara nba nyirii sanpaapo biaŋinba na,

2 Piita 1:19

Ŋanne mantik kat wannit nan Yennu sɔkiniinba nba din pak Yiisa labaar nba na tee barmɔniie. Li ŋan ki yin gbiint baa din yet linba na fanu. Bi mɔbona maŋ tee nan fitir nba teen yentu bunbɔnn ni biaŋinba nae, mɔkmɔk nan yoo nba ki Yiisa tan saa jen; ŋanne saa te ki i numm n yent fanu.

2 Piita 3:18

Ii ŋamm gaar ti Yomdaanɔ Yiisa Masia nba tee ti Tinntɔɔ na lomm nan ninkpabauŋ, kii tumii u mɔmaan na ki pukin. Ŋɔɔe yen dontir mɔkmɔk nan mɔkmɔk. Mamɔmm.

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.

Fiitu 22:5

Nyiɔk ji tan sii kaa, bi tan kii loon fitir koo yonnu yentu, kimaan ti Yomdaanɔ Yennu sii tee bi yentu. Ki bi saa di naan kii be mɔkmɔk nan mɔkmɔk.

Barbuura 5:31

“Yennu, ŋaant ki a datai kur n kpakin yann, ki ŋaan binba loona na, bii nyirii nan yonkpana na.” Li poor po parmaasir ji din be tiŋ na paak, bina piinna.