Barjokit 31:9 - Yennu Gbouŋ Mɔɔr

⁹ Pakin sommib kii tee barbuurɔ nba tee popeenn daanɔ. Sommit nandamm nan talas damm na ki bin la bi mɔnii.”

Barjokit 31:9 ပူးပေါင်းရင်းမြစ်များ

2 Samuel 8:15

Defid din dia Israel teeb kur, ki tuun linba ŋan ki bia took ki teen u niib yoo kur.

JOB labaar 29:12

Nandamm na-i mɔ yoo nba, n tuu sommibe, ki bia sommit kpeebii nba ki mɔk sommteeb.

Yaŋ 82:3

Bumin barmɔnii buut ki somm nandamm nan kpeebii, pakin barmɔnii ki somm talas damm nan binba ki li diimm na.

Barjokit 16:12

Kpanbara ki saak toonbiit, kimaan barmɔndianu teen doo paŋ.

Barjokit 20:8

Bat-i kar barbunu paak yoo nbaewa, ki u tuu bann linba tee toonbiit.

Barjokit 29:7

Niŋanɔe mi linba tee nandamm mɔnii bont, ŋaan nitont na ŋarin ki banntir.

Aisaya 1:17

ŋaan tumii toonŋana tumu. Ii tuun ŋant, ki somm binba be mukisuk ni, ki tur kpeebii bi mɔnii, ki bia kɔn pakɔi paak.”

Aisaya 1:23

A tɔɔndamm tee kpikpiruk damme nan nanyukii yɔɔsnba; yoo kur bi gaan piiniie nan mɔnyat. Bi ki taant kpeebii po barbuboor, ki bia ki gbiintir ki sommit pakɔi, yoo nba ki bi baar nan maan.

Aisaya 11:4

U saa bu tarii buut fanu, ki kɔn talas damm paak. U tuu saa tur mɔbe ki bin dat niib tuba, ki nibiit na saa kpo.

Jeremaya 22:3

“Min Yennu senti nan yii tuun linba ŋan ki bia took. Ii nyinn wunba ki bi ŋmaabɔɔ na wunba ŋmaabɔɔ na nuu ni. I daa dia digbangann teeb diabiiki, ki bia daa dia kpeebii nan pakɔi diabiik. I bia daa kpi nikaati.

Jeremaya 23:5

Ki Yennu yet a, “Yoo baate ki n saa gann Defid yaaboonn nba tee kasii, ki dinnɔ naan. Kpanbar maŋ sii dia niib nan subiniie, ki tuun linba ŋan ki bia took, tiŋ na kur po.

Jeremaya 5:28

ki di gboot, ki gbeŋit. Bi toonbiit ki mɔk paak; bi ki sommit kpeebii ki bi laat mɔnii bi buut ni, bi ki taant tatimm ki bi gaan bi mɔnii.

Daniel 4:27

Li paak, chanbaa, yabit a mɔŋ paak ki gaar n kpaanii na; nyikin toonbiit tumu, kii tuun linba ŋan, kii mɔk ninbatinu nan tatimm. Fi-i tuun nna, a saa biar be a yamanie.”

Liifai teeb 19:15

“Ii piak barmɔnii i maan bunu ni; i daa mɔk ninfamm nan talas damm ŋaan sommit paaribi.

Sekaria 7:9

“Yoo nba din gar na, n din tur n niib sennu nba na a, ‘See ki i ŋaan niib laat bi mɔnii, ki parmaasir nan ninbatinu be i leeb paak.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Jɔɔnn 7:24

Daa gorii nirɔ nanyer po binbeŋ ki bu u buuti, ŋaan i tuu dukin fanuwa ki la li barmɔnii.”

Sennu 1:16

Ki n tur barbuura na yaak ki yaa, ‘Gbiintir man i ninjamm maan, kii bu bi barii fanu, sɔɔ kur nan u ninja nan boorganu nba be namm na.

Hiibru teeb 1:9

Faa loon ŋant ŋaan ki ki loon biit na paak te ki min Yennu ganna ki tura parpeenn bonchiann ki gar maa tur a yɔɔsnba biaŋinba.”

Fiitu 19:11

Li poorpo ki n la ki Yendɔuŋ loot, ki taanpeeŋ see leŋ, ki wunba jakɔ na sana tee Nimɔnɔ nan Barmɔndaanɔ; ki u bu buut nan li barmɔnii, ki bia tookit tɔbii nan barmɔnii.

1 Samuel 19:4

Ki Jonatann pak ki dont Defid, Sɔɔl numm ni, ki yet a, “Chanbaa, a daa biir a toontunnɔ Defid. U ki ban tun siar ki biirani. Waa tun linba kur, li tura sommire.

1 Samuel 20:32

Ki Jonatann boi u baa a, “Bee paake ki u saa kpo? U biir bee?”