Barjokit 30:33 - Yennu Gbouŋ Mɔɔr

³³ Fi-i ŋak ŋak naabiin, a tuu la naabikpame; ki fi-i faa nirɔ miar, li tuu put sɔme, nnae mun, fi-i fiint niib wutoa, lin baar nan kɔnn.

Barjokit 30:33 ပူးပေါင်းရင်းမြစ်များ

Pinpiik 18:8

Baa teen jeet na ki gbenn, ki u jii naabikpan nan naabiin, ki pukin nant na po, ki tur jab maŋ. U tiɔŋo din jii jeet maŋ ki saan tiinii na maasu, ki saa turib ki bi di, ŋaan ki u see kpiab.

Barjokit 10:12

Naŋ baat nan daamiie, ŋaan ki lomm dɔkint biit kur.

Barjokit 15:18

Wutoa nba do yian yian baat nan mɔniɔko, ŋaan ki sukuru baat nan parmaasir.

Barjokit 16:28

Nitonte lin nan sanjaauŋ, ki baat nan daamii ki biir yɔɔs.

Barjokit 17:14

Mɔniɔk pinpiik tee nan mɔkir nba tuu piin patu nae; gɔɔt, a daa te ki li saa fɔkitiri.

Barjokit 26:21

Sankɔɔnae te ki daaŋ ni muu nyiin, ki daat te ki daaŋ ni muu di mupeenu, nnae mun ki binba loon kunkɔna te ki mɔniɔk be yoo kur.

Barjokit 28:25

Jawuuk baat nan daamiie, ŋaan fi-i teen Yennu yada, ŋanne mɔk nyɔɔt.

Barjokit 29:22

Niib nba mɔk wutobiite baat nan daamii nan kunkɔna bonchiann.

Barjokit 31:1

Mɔbonjaana nba ki kpanbar Lemuel naa din pak turɔe na a: