Barjokit 30:30 - Yennu Gbouŋ Mɔɔr

³⁰ Yanbɔra; bi mɔk paŋ ki gar bonkobit kur, ki ki tiin sɔɔ.

Barjokit 30:30 ပူးပေါင်းရင်းမြစ်များ

2 Samuel 1:23

“Sɔɔl nan Jonatann din ŋan, ki niib loomm. Baa be bi manfoor ni, ki bia tan kpenn, bi ki bɔkit leeb. Bi tuu kakii ki gar baakir, ki bia paar ki gar yanbɔrawa.

Barjokit 30:29

Bona ŋannae be ki bi ŋmaatir ŋan; ŋamme tee:

Barjokit 30:31

Bujak ŋmaatir nan kojot ŋmaatir nan kpanbara nba tuu somm bi niib tɔɔnn po na.

Esekiel 32:2

“Nisaarik, turin Ijipt kpanbar ninmɔnn kpaanii na. Betirɔ mɔmaan nba saa nyi n boor na a: A dukii nan a binbeŋ tee nan yanbɔr nba tuu be digbana ni nae, ŋaan a binbeŋ tee nan bantɔuŋ nba be nyun ni, ki tuu gbit nyun nan u taa biaŋinba na.

Maika 5:8

Ki Israel teeb nba tenn ki be digbangana ni na, tan sii tee nan yanbɔr nba tuu gɔrin ki loon jeet fɔɔr ni na, ki tuu tan dɔkit pei paak, ki baa bi paak, ki patib burii burii, ki bi ji ki mɔk dindann tinnu po nae.

Nikant 23:24

Israel teeb tee nan yanbɔr nba mɔk paŋ, ki ki foi see ki u tan pat pat, ki dii, ki bia nyuu linba kur ki u kpii na sɔn nae.”

Barbuura 14:18

Ki daaŋanlore daar na daajoouk, ki doo na ni niib ji baar Samsonn boor ki tan yetɔ a, “Bee man ki gar siati? Bee mɔk paŋ ki gar yanbɔri?” Ki Samsonn jiin a, “Li-i bonni kii tee ki i yɔkin ki ko nan n naabi kaa, i bo kan bann tianbukitkar na paaki.”