Barjokit 3:24 - Yennu Gbouŋ Mɔɔr

²⁴ A kii tiin jaŋmaanii yoo nba ki a kɔɔ fan dɔɔri, a saa gɔɔn fanu ki lin tan yent.

Barjokit 3:24 ပူးပေါင်းရင်းမြစ်များ

2 Barkperii 20:30

Jehosafat ji din dia u yent na nan parmaasir, ki Yennu guu-u lokir kur po.

JOB labaar 11:19

Ki a tan kii tiin a datai jaŋmaanii; ki niib bonchiann tan saa boia sommir po.

Yaŋ 112:8

U ki be parbiir ni koo ki mɔk jaŋmaanii; ki li joontu, u mi nan u saa nyann u dataiwa.

Yaŋ 127:2

Nirɔ-i nyi sanyafaar ki tuun toonn nan u paŋ kur, ki jent kɔɔ daajobɔnbiir, a u poor n gboo paak, li kaa nyɔɔti, kimaan Yennu-e piin binba ki u loomm na bonloŋa, yoo nba ki bi dɔɔ gɔɔn ni.

Yaŋ 3:5

N tuu dɔɔ nyiɔk ki gɔɔnt, ŋaan ki Yennu guume.

Yaŋ 3:6

N ki jee n datai tusaa tusaa nba kook lintin na.

Yaŋ 4:8

Mi-i dɔɔr, n tuu gɔɔn n yamanie, kimaan fin Yennu kɔɔe guun ki dian fanu.

Yaŋ 91:5

A daa tiin nyiɔk ninbɔŋi, koo binba saa pikina yonnu ni,

Barjokit 1:33

Ŋaan daanɔ nba kur gbat n maan saa la fatu ki sii be u yamani, ki kii tiin jaŋmaanii.”

Barjokit 19:23

Sakin Yennu mɔb, ki a sii mɔk manfofoouk nan ningboor nan yamani benu.

Barjokit 6:22

A naa nan a baa wannu maŋ saa gar a tɔɔnn, fi-i somm yoo nba, ki guua nyiɔk, ki bia teena kpaanii yonnu ni.

Banntɔɔ 5:12

Toontunnɔ tuu saa la ki lin jaŋɔ, koo li kan jaŋɔ, ŋaan u tuu saa dɔɔr nyiɔk ki gɔɔn fanu. Mɔkitɔɔ lek mɔk bont kur, ŋaan u be yanputuk nie, ki ki gɔɔnti.

Aisaya 54:14

Mamɔmm nan binbenŋaŋ saa tura paŋ. A saa nyi biak nan jaŋmaanii ni.

Jeremaya 31:26

Ki nisaarii saa yet a, ‘N gɔɔn ki tan yerik, ki sɔɔ ki n mɔk paŋ.’

Esekiel 34:15

N tiɔŋo sii tee n pei kpaartɔɔ, ki n saa lon yiar ki turib, ki bin foi. Min Yabint Yennu-e pak na.

Esekiel 34:25

N sii mɔk mɔlor namm, linba sii guu bi manfoa. N saa boon bonkob-susoot nba be tiŋ na paake, ki lin te n pei n fit kii be bi yamani, tiŋ na ni, kii gɔɔnt fɔɔr ni.

Esekiel 34:27

Ki li tiinii saa lon lɔɔna, ki kpaant saa nan jeet, ki sɔɔ kur sii be u yamani, u tiɔŋ tiŋ ni. Li-i tee ki n cheer jaruk nba boob n niib, ki ŋaab yanni, ki te ki bi nyii damm nba teemm yommii na nuu ni, bi ji saa bann nan mine tee Yennu.

Liifai teeb 26:6

“N saa turi parmaasir i tiŋ ni, ki i sii fit dɔɔ gɔɔnt, ki kii tiin sɔɔ jaŋmaanii. N saa nyinn bonkob-susoot nba be tiŋ na ni, ki tɔbii ji sii kaa.

Toona 12:6

Tɔn, Herod din lor nan li-i yent sanyiɔk u saa nyinn Piita ki bu u buut, li daar nyiɔk maŋ ki Piita daa lor nan jarit ŋanlee, ki gɔɔnt guura banlee na sinsuuk ni, ki guura maŋ siab mun guu dansarik diiuk na tammɔi.