Barjokit 29:4 - Yennu Gbouŋ Mɔɔr

⁴ Bat baka-i be barmɔnpaku ni yoo nba, doo na tuu mɔk paŋe, ŋaan u baka-i be likirii ni yoo nba, doo tuu biire.

Barjokit 29:4 ပူးပေါင်းရင်းမြစ်များ

2 Samuel 8:15

Defid din dia Israel teeb kur, ki tuun linba ŋan ki bia took ki teen u niib yoo kur.

1 Kpanbara 2:12

Ki Solomonn gaar u baa naan na, ki u naan maŋ kpaat bonchiann.

2 Barkperii 9:8

Pakin dont a Yomdaanɔ Yennu, kimaan u wanna u par nba peen a paak biaŋinbawa, li paak, ki u nyinna ki a tee Israel teeb kpanbar. Waa loon u niib Israel teeb biaŋinba, ki loon bii yɔɔ kii be na paak, ki u teena bi kpanbar a fii dia popeensin nan barmɔnii.”

JOB labaar 11:6

U saa beta nan bonbɔrkara bonchiann be yanfoon ni; ki bonyena be ki mantik sumii ki gar nisaarik bannuwa. Yennu-e daar a tubir ki li ki jaŋ waa bo saa dat a tubir biaŋinba.

Yaŋ 89:14

Kasii nan barmɔnii binbeŋe tee a naangbouŋ fiakir, ki lomm nan barmɔnii binbeŋ be a tɔɔnn po.

Yaŋ 99:4

Kpanbar-saakar, a loon linba tee mamɔmme; a baar nan mamɔmme Israel teeb boor; a baar nan kasiie nan ŋant.

Barjokit 14:34

Popeensime te ki doo kpaatir; ŋaan yanbɔmm ŋarin dint doo feie.

Barjokit 16:10

Bat piak nan yiikojaanne, linba ki u piak ŋane yoo kur.

Barjokit 16:12

Kpanbara ki saak toonbiit, kimaan barmɔndianu teen doo paŋ.

Barjokit 20:8

Bat-i kar barbunu paak yoo nbaewa, ki u tuu bann linba tee toonbiit.

Barjokit 29:14

Kpanbar nba bu barmɔnii buut ki teen nandamm, u saa dia doo na ki yukir bonchiann.

Barjokit 8:15

Mine sommit kpanbara ki bi dia doi, ki te doi diateeb sent sennii nba ŋan.

Aisaya 49:8

Yennu yet u niib a, “Yoo-i baar nan man tinni, n saa sommi, ki saa gbat i mɔnii nba jiin sommir po na. N saa guuri ki nyinni, ki i paak, n saa lor mɔlor nan nibooru kur. N saa te ki yin ŋamm kar i tiŋ nba dɔɔ yann na ni.

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Daniel 11:20

“Ki kpanbar lɔɔ bia saa wei u poor po, ki saa tun toona saakɔɔ, ki u sii mian niib ki bi pa lampo, a lin te kpanbar na naan yent na-ii mɔk mɔkint. Ki li kan yukir, ki bi saa kpi kpanbar na, ŋaan li kii tee yeenin ni kaa, li bia kii tee tɔb ni.”

Maika 7:3

Ki bi kur mi toonbiit tumu fanu. Ki toona saakab nan barbuura boi ki gaan fobit piinii. Ki doo diara yeen baa loon biaŋinba, ki bi gaan bi maan.

1 Samuel 13:13

Ki Samuel yetɔ a, “A tun jatiiwa. A ki dia sennu nba ki a Yomdaanɔ Yennu tura na. Li-i bonni tee ki a mɔk mɔsaku, u bo saa te ki fin nan a maarue-ii dia Israel teeb mɔkmɔk nan mɔkmɔk.