Barjokit 29:14 - Yennu Gbouŋ Mɔɔr

¹⁴ Kpanbar nba bu barmɔnii buut ki teen nandamm, u saa dia doo na ki yukir bonchiann.

Barjokit 29:14 ပူးပေါင်းရင်းမြစ်များ

Yaŋ 89:2

N saa wann nan a lomm see-e kenken yoo kur, ki bia wann nan a barmɔnii binbeŋ be-e fanu nan sanpagbouŋ na.

Barjokit 16:12

Kpanbara ki saak toonbiit, kimaan barmɔndianu teen doo paŋ.

Barjokit 20:28

Kpanbar nba saa dia u niib nan lomm nan barmɔnpaku ki lukitin kaa biaŋinba na, nnae ki u naan saa wei.

Barjokit 25:5

Nyint nibiit na bat boor, ki barmɔnpaku sii be u doo dianu ni.

Barjokit 28:16

Doo diarɔɔ nba ki mɔk dudukŋant sii tuun tonu toonae, ŋaan wunba ki loon fobit nan ŋmabir saa dia doo ki lin yukir.

Barjokit 29:4

Bat baka-i be barmɔnpaku ni yoo nba, doo na tuu mɔk paŋe, ŋaan u baka-i be likirii ni yoo nba, doo tuu biire.

Aisaya 1:17

ŋaan tumii toonŋana tumu. Ii tuun ŋant, ki somm binba be mukisuk ni, ki tur kpeebii bi mɔnii, ki bia kɔn pakɔi paak.”

Aisaya 11:4

U saa bu tarii buut fanu, ki kɔn talas damm paak. U tuu saa tur mɔbe ki bin dat niib tuba, ki nibiit na saa kpo.

Jeremaya 22:16

U din bu tatimm buut fanu, ki bont kur saan fanu ki turɔ. Yentinu nba want biaŋinbae na.

Jeremaya 5:28

ki di gboot, ki gbeŋit. Bi toonbiit ki mɔk paak; bi ki sommit kpeebii ki bi laat mɔnii bi buut ni, bi ki taant tatimm ki bi gaan bi mɔnii.

Daniel 4:27

Li paak, chanbaa, yabit a mɔŋ paak ki gaar n kpaanii na; nyikin toonbiit tumu, kii tuun linba ŋan, kii mɔk ninbatinu nan tatimm. Fi-i tuun nna, a saa biar be a yamanie.”