Barjokit 23:26 - Yennu Gbouŋ Mɔɔr

²⁶ N bija, gbiintir fanu, kii be nan maa be biaŋinba na.

Barjokit 23:26 ပူးပေါင်းရင်းမြစ်များ

Yaŋ 1:2

Bi parmaasir nyi baa saak Yennu sennu na niŋe, kimaan bi dukii sennu maŋ poe yoo kur.

Yaŋ 107:43

Binba mɔk subinii kur n dukin linba na po; bin dukin Yennu lonchiɔŋ nba kaa gbennu na po.

Yaŋ 119:2

Parpeenn be binba waa u sennu na paak, binba saak u mɔb nan bi para kur.

Yaŋ 119:24

A wannue teenin parpeenn, ki teenin kpaanii.

Barjokit 3:1

N bija, a daa tammit linba ki n wanna na. Yoo kur, ii tian linba ki n beta maa a tun na.

Barjokit 4:23

Ii mi faa dukii biaŋinba, kimaan a dudukite ŋmakitir a binbeŋ.

Barjokit 4:4

n baa din wantin. U din yet a, “Ii tian linba ki n wanna, ki daa ban tammiti. Teent nan maa yeena biaŋinba na, ki a sii mɔk manfoor.

Hosea 14:9

Niib nba tee yandamm na, ŋamme saa bann maan nba sɔb gbouŋ na ni paak, ki bia jiir teen bi para ni. Yennu sɔnii took, ki niib nba tee niŋamm waar, ŋaan toonbiit damm jarime ki baa tiŋ ni, kimaan bi yêt wannu nawa.

Barŋanii nba ki LUK din sɔb nae na 14:26

“Wunba loon wuu be nanin, see ki u loonin ki gar waa loon u baa, nan u naa, nan u poo, nan u waas, nan u yɔɔrib, nan u waarii, nan u mɔŋ manfoor biaŋinba na. Li-i kii tee nnai kaa, u kan fit teen n poorpoweitɔɔ.

2 Korint teeb 8:5

Bi din tur ki li gar taa poŋ din dukii baa saa tur biaŋinbawa. Sinsinn bi din jii bi mɔŋe ki tur ti Yomdaanɔ, ki lian fit jii bi mɔŋ ki turit, Yennu loomm ni.

Efesus teeb 3:17

N bia meiɔ a Masia n jii i para ki teen u binbeboor, i yada paak, ki meiɔ a wun te ki yin fit set chib, ki baa jiina ki fɔkin fiakir, ki lomm na-ii paar,

Sennu 6:5

Ii loonɔ nan a par kur, nan a seek kur, nan a paŋ kur.

2 Piita 1:19

Ŋanne mantik kat wannit nan Yennu sɔkiniinba nba din pak Yiisa labaar nba na tee barmɔniie. Li ŋan ki yin gbiint baa din yet linba na fanu. Bi mɔbona maŋ tee nan fitir nba teen yentu bunbɔnn ni biaŋinba nae, mɔkmɔk nan yoo nba ki Yiisa tan saa jen; ŋanne saa te ki i numm n yent fanu.