Barjokit 19:21 - Yennu Gbouŋ Mɔɔr

²¹ Niib saa fit lor baa loon biaŋinba kur, ŋaan Yennu loomme saa tun.

Barjokit 19:21 ပူးပေါင်းရင်းမြစ်များ

Pinpiik 50:20

I din lor lorbiite n paak, ŋaan ki Yennu ŋmantir ki teen bonŋann, a lin te ki man tinn nichiɔŋ, binba be bi manfoor ni dinna daar nba na, kimaan linba tun na paak.

2 Samuel 17:14

Ki Absalom nan Israel niib na kur yet a, “Husai kpaanii nae ŋan ki gar Ahitofel yar,” kimaan Yennu-e din te ki bi yêt Ahitofel kpaanii na, a lin biir Absalom.

Estaa 9:25

Ŋaan ki Estaa saan kpanbar boor, ki u saa turɔ yiikoo gbant, ki te ki bi jɔnn Hamann, nan waa din lor biaŋinba ki jiin Juu teeb po na. Bi din jɔnn ŋɔɔ nan u bonjai nae dachaata paak.

JOB labaar 23:13

Yennu ki ban lebitir. Sɔɔ kaa ki saa fit kɔn nanɔ, koo ki gɔɔr waa loon wun tun linba.

Yaŋ 21:11

Bi lorin bonbiir u paak, a bin biirɔ, ŋaan bi kan tɔɔrii.

Yaŋ 83:4

ki yeen leeb a, “Ii saana man ki tin boont digbann na, ti daa te ki Israel sann ji puuri.”

Barjokit 12:2

Yennu par peen niŋamm paake, ŋaan biir damm nba lorin bonbiir na.

Barjokit 16:1

Ti saa fit lor ti lora, ŋaan Yennu-e dia mɔbonjoontik.

Barjokit 16:9

A saa fit lor lora, ŋaan Yennu-e tee a ŋmakit-tɔɔ.

Barjokit 19:22

Li tee feie nan fi-i tee jawudaanɔ; nandamme sɔ fai damm.

Barjokit 21:1

Yennu ŋmakitir kpanbar dudukit nan waa te kpenu puub biaŋinba nae.

Barjokit 21:30

Nisaarik yanfoon nan bannu nan ninyentir kur, ŋaan li kan fit sommɔ, li-i tee ki Yennu ki taa u po.

Banntɔɔ 7:29

Linba kur ki n tumii ki lae na: Yennu nant ki ti ŋane, ŋaan timme tun ki kpet.

Aisaya 14:24

Yabint Yennu por mɔpor a, “Linba ki n lor na saa tuma. Maa dukii maa n tun linba na saa tuma.

Aisaya 46:10

Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.

Jeremaya 44:29

Min Yennu saa turi nyinn nan n saa dat i tuba nna, ki maa pak nan n saa baar nan biiru i paak na saa teen mɔnii.

Esekiel 20:32

Bi dukii nan bi sii fit be nan digbanlia nba be biaŋinba, ki jiantir pata nba ki bi jii daat nan tana ki nann na, ŋaan ŋann kan ban teeni.

Daniel 4:35

U gorii nisaarii tingbouŋ na paak, ki bi ki tee siar u boor; li malakanba nba be Yendɔuŋ ni, nan niib nba be tingbouŋ na ni, bi kur gur u lɔŋ nie. Sɔɔ kaa ki saa fit gɔɔr Yennu waa loon wun tun linba, koo ki bia yetɔ a bee ki u tun linba na.

Efesus teeb 1:11

Yennu tuun siar kur u dudukit nan u lora nie, ki gannit a tii tee u niib, nan u bibikit nba tee biaŋinba pinpiik niwa na.

1 Piita 2:8

Li bia sɔb a: “Tann maŋe ki niib saa gbiat, tanpiiuk maŋe saa te ki niib n baa.” Baa ki sak Yennu mɔmaan paake ki bi gbiatir, nan waa din sennib biaŋinba na.

Juud 1:4

kimaan nisiab nba ki tiin Yennu na kɔɔ i sinsuuk ni woonin nie, ki lebit ŋɔɔ Yennu ninbatinu labaar na, a bii tuun bi gbanant loonbiit; ki ki saak Yiisa Masia mɔbi; ŋɔɔ kuukɔɔe tee ti Yudaanɔ nan ti Yomdaanɔ. Biitdamm maŋ tubdatu poŋ sɔb Yennu gbouŋ ni, ki li yukira.