Barjokit 19:12 - Yennu Gbouŋ Mɔɔr

¹² Bat wutoor-i doo, li tee nan yanbɔr nba tuu be-e nae, ŋaan ki u parmaasir tee nan sinsinn saak nba tuu baa na.

Barjokit 19:12 ပူးပေါင်းရင်းမြစ်များ

Pinpiik 27:28

Yennu saa sikin marin a tiŋ paak, ki a tiŋ saa kɔɔ koorin. Yennu saa tura dii nan tilɔɔna daan bonchiann.

2 Samuel 23:4

tee nan yonnu nba tuu nyikintir sanyiɔk ni, daar nba ki sanpagbant kaa nae, ki bia tee nan saak nba tuu baa gbenn, ki yonnu n nyi ki nyirikit mɔɔt nae.”

Estaa 1:12

Ŋaan toontunna na nba wann Fasti kpanbar na mɔbona yoo nba, ki u yêt baaru. Linba na din donn kpanbar na wutoor bonchiann.

Estaa 7:8

Waa kpan baa gbaan Estaa kok boor yoo nba, a wun boi ninbatinu po na, li yooe ki kpanbar na nyii nanyer po ki kɔɔ diiuk na ni. Kpanbar na nba la nna na, ki u tant sanpaapo a, “Jɔɔ na loon ki wun fat n ŋaapoo nae, n numm ni, n mɔŋ ŋaak na niŋi-i?” Kpanbar na ki yet gbenn kaawa, ki jatɔɔka na dɔkin Hamann numpo.

Yaŋ 133:3

Li tee nan Hermonn kunkonn paak marin nba saa baa Sayɔnn kunkona paak nae. Leŋe ki Yennu senn mɔsonn, u piisin po, ki li tee manfoor nba kaa gbennu.

Yaŋ 72:6

A te kpanbar na-ii tee nan saak nba tuu baa kpaant ni na, kii biaki tee nan samimmiiuk nba tuu baa tiŋ paak na.

Barjokit 20:2

Bat wutoor-i doo, li tee nan yanbɔr nba tuu be-e nae. Fi-i donn u wutoor, a saa kɔŋ a manfoora.

Barjokit 28:15

Nandamm ki mɔk sommir doo diarɔɔ nba ton boori, u benu tee daŋe ki turib nan yanbɔr koo naamumatuk na.

Banntɔɔ 8:4

Kpanbar tuun nan yiikooe, ki sɔɔ kan fit boiɔ a, “A tuun bee?”

Aisaya 18:4

Yennu pakin a, “N sii be yendɔuŋ ni, ki got sikin soon nna tingbouŋ na paak, nan marin nba tuu baa waruk daar soon nna, jejaan-yoo na, koo nan yonnu nba tuu nyi biaŋinba yonsuuk ni na.

Daniel 5:19

Waa din mantik tee kpanbar jaann na paake te ki digbana kur nan nibooru kur nan mabooru kur niib tiinɔ jaŋmaanii ki jekir. Ki li-i tee ki u loon wun kpi sɔɔ, u tuu kpiue. Ki li-i tee ki u loon wun tinn sɔɔ manfoor, u tuu tinne. U tuu fit baakit koo ki dint fei wunba kur ki u loon wun teenɔ nna.

Daniel 6:24

Ŋanne kpanbar na te ki bi soor jab nba kur bo pak ki biir Daniel na, nan bi poob nan bi waas, ki lub bootuk nba gbee nan yanbɔra na ni. Baa siik ki saa per tiŋ na, ki yanbɔra na tabintib ki kɔnn bi kpaba kur.

Hosea 14:5

N sii tee nan saak nba tuu baa tinkooŋ paak nae ki tur Israel teeb, ki bi saa yit nan tipuut nae, ki saa baa jiina fanu nan Lebanonn tiinii nba tee biaŋinba na.

Maika 5:7

Israel teeb nba tenn ki mɔk manfoor na, bi tan sii tee nan Yennu nba tuu te ki marin nan saak baa bonburkara paak nae, ki tur digbana bonchiann. Ki bi sii maa Yennu paak, ŋaan kii maa nisaarik paaki.

Sennu 33:28

Jakɔb maaru be parpeenn ni, ki be bi yamani tiŋ nba gbee nan jeet nan tilɔɔna daan na ni, siaminba ki marin nyi sanpaapo ki baa maant leŋ tiŋ na.