Barjokit 18:10 - Yennu Gbouŋ Mɔɔr

¹⁰ Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Barjokit 18:10 ပူးပေါင်းရင်းမြစ်များ

Pinpiik 17:1

Abram nba din mɔk bina piinyia nan ŋanyia yoo nba, ki Yennu baar u boor ki tan yetɔ a, “Mine tee Yabint Yennu. Ii saak n mɔb, ki daa mɔk siara biiti.

Pinpiik 32:11

N meia nan a nyinnin n ninja Esɔɔ nuu ni. N tiin jaŋmaaniie nan u saa baar ki tan lekit ki biirit, ki kpab poob nan waas na kura.

2 Samuel 22:2

Yennu-e tee n guutɔɔ, ki tee n sommtɔɔ nan fat-tɔɔ.

2 Samuel 22:3

Yennu-e tee n guutɔɔ, u nie ki n la fatu; u guun nan naagbankɔŋir nae, u fiarin ki tintin. Ŋɔɔe tee n tinntɔɔ, u guun ki nyintin bonbiir ni.

2 Samuel 22:51

Yennu-e teen min kpanbar Defid nyannjaann, ki jikit u lomm nba kaa paak na, ki teen min nba ki u gannin na, nan n yaaboona, ki saa tuu yoo nba kaa paak.

Yaŋ 144:2

Ŋɔɔe tee n gaartɔɔ nan n guutɔɔ, ŋɔɔe tee n sindandiiuk nan n tinntɔɔ; n tinnu dindann be u nie, ŋɔɔe sikin digbana tiŋ ni ki turin.

Yaŋ 18:2

Yennu-e tee n guutɔɔ, ŋɔɔ tee n digbanpaarir, ki mi-i be u boor, n be n yamaniŋe. U guun nan naagbankɔŋir nae, ki kɔn n paak, ki dian fanu.

Yaŋ 20:2

ki tura sommir, ki lin nyi u ŋasaakak ni, Sayɔnn kunkonn na paak.

Yaŋ 27:1

Yennu-e tee n yentu ki bia tee n tinntɔɔ; n kan tin sɔɔ jaŋmaanii. Yennu-e guun ki nyintin bonbiir kur ni; n kii mɔk jaŋmaanii.

Yaŋ 91:14

Yennu yet a, “N saa tinn binba mɔk lomm nanin na, ki guur binba min ki n tee bi Yennu na.

Yaŋ 91:2

ŋɔɔe saa fit yet a, “Yennu, fine tee n guutɔɔ nan n fat-tɔɔ. Fine te n Yennu; ki n teena yada.”

Nyinu 6:3

N dɔkit Abraham paak, nan Aisak paak, nan Jakɔb paak, ki tee Yabint Yennu-e, ŋaan n ki wann n mɔŋ ki turib nan n kasii sann nba tee Yennu na.

Barjokit 14:26

Ki tin Yennu jaŋmaanii, ŋanne saa tur fin nan a ŋaateeb parmaasir nan yamani binbeŋ.

Barjokit 29:25

Li tee daŋe ki tura, li-i tee ki a fiin linba ki a leeb yeen ki jiin a po, ŋaan fi-i teen Yennu yada, see ki a la nyannu.

Aisaya 26:4

Teent i dindann Yennu ni yaayoo siiyoo, u sii guut yoo kur.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Jeremaya 23:6

Wu-u dii naan yoo nba, Juda niib sii be bi yamanie, ki Israel teeb be nan parmaasir. U sann sii tee, ‘Yennu-e tee ti binben-yeeŋ.’ ”

Habakuk 3:19

Yabint Yennu-e teenin paŋ. Ŋɔɔe te ki n somm fanu nan piarɔ nba tuu somm biaŋinba na, ki u guun fanu jɔfɔkit paak.

Matiu 1:23

“Sapaanmunn tan saa soor poor ki mar bonjak, ki bi saa purɔ Imanuel.” Li paak tee a “Yennu be nant.”

Fiitu 1:8

Ti Yomdaanɔ Yennu, wunba mɔk paŋ kur, ki din be, ki bia daa be, ki bia tan sii be mɔkmɔk nan mɔkmɔk na, ŋɔɔe yeen a “Mine tee bont kur pinpiik nan li joontu.”

1 Samuel 17:45

Ki Defid jiin a, “A tookitin nan takoobuko nan kpann nan kpanporuŋ, ŋaan min ŋarin tookita nan Yabint daanɔ sann nie, wunba tee Israel kunkɔnkɔnna Yennu nba ki a sarikitɔ na.

1 Samuel 30:6

Defid ji din be parbiir nie, kimaan u jab na para din biir nan baa kɔŋ bi bonjai nan bonpoi na, ki bi ji piak nan bin jaat Defid tana. Ki ti Yomdaanɔ Yennu chee Defid par.