Barjokit 15:32 - Yennu Gbouŋ Mɔɔr

³² Fi-i yêt tumiiu, a teen a mɔŋe daŋ. Fi-i sak ŋmakitu, a saa la yan bonchiann.

Barjokit 15:32 ပူးပေါင်းရင်းမြစ်များ

Yaŋ 50:17

I ki sak nan min ŋmakiti, ki yêt n sennu.

Barjokit 1:7

See ki a sint tin Yennu jaŋmaanii, ki wun tura yanfoon. Jatite ki baakit yanfoon, ki bia yêen tumiiu.

Barjokit 10:17

Niib nba gaan kpaanii na sii mɔk manfoor, ŋaan binba ki saak nan bi biira na be daŋ ni.

Barjokit 13:18

Daanɔ nba ki loon tumiiu sii be namu nan fei nie, ŋaan wunba gbiintir ŋmakita laat baakire.

Barjokit 15:14

Yandamme loon tumiiu; ŋaan bonliinii na ŋarin, bi numm gboo jatii nba ki bi mɔk nae.

Barjokit 15:21

Niib nba tee bonliinii na mɔk parpeenne nan bi jatii toona nba ki bi tuun, ŋaan subindamm ŋarin tuun linba tooke.

Barjokit 15:31

Fi-i gbiin yoo nba ki bi ŋmakitira, fine mɔk yan.

Barjokit 15:33

Fi-i baakit Yennu, li tee li yur po tumiiue. See ki a sikin a mɔŋ sinsinn ki lian fit la jirima.

Barjokit 15:5

Li tee jatiie nan fan yêt linba ki a baa wanna na, li ŋan ki a gaar a baa ŋmakita.

Barjokit 17:16

Fi-i kɔɔn jatuk sakur, li kan sommɔ, kimaan u ki mɔk yanfoomi.

Barjokit 18:15

Subindamm nunii mɔne, ki bi teen siir yoo kur nan bin tumii.

Barjokit 19:20

Li-i tee ki a gbiint kpaanii ki sak tumiiu, a tan sii mɔk yan dasiar.

Barjokit 29:1

Bi-i kpaana yoo kur ki a tee tubkpaasuk, dasiar a tan saa kɔɔ biiru nie, ki gbar nyinu.

Banntɔɔ 7:5

Li ŋan ki yandamme n yakii nana, ki chee niliinii-i piak kii dontira.

Aisaya 1:5

Bee ki i tukin tee mɔyêtuk dammi? I loon yin la tubdatu bonchianne-e? Israel teeb, i yura poŋ gbee nan fiate, ki i para nan i yan ji kaa laafia.

Aisaya 3:9

Bi ningorsime saa pak biirib. Bi tuun biit paanu nie, nan Sodom teeb nba din tun na. Bi boonta. Ŋamme lon bi tiɔŋ biiru.

Jeremaya 5:3

Yennu, a ninbina ki gorii ki loon mamɔmm kaa-a? A faabe, ŋaan ki li ki toŋib. A butibe, ŋaan ki bi yêt ŋmakitir. Bi chee bi parae, ki li wakii gar tann, ki yêt bin nyik bi toonbiit.

Sennu 21:18

“Li-i tee ki jɔɔ mɔk bonjak ki u tee tubkangbatir, ki bia mɔk mɔyêtuk, ki bi-i lekii dat u tubir gbaa, ŋaan ki u ki saak u damm mɔb,

Sennu 21:20

ki yetib a, ‘Ti bik na tee tubkangbatire, ki bia mɔk mɔyêtuk, ki ki saak ti mɔbi, ki biir likirii, ki bia tee danyuuruk.’

Hiibru teeb 12:15

Ii chek man ki tan daa kɔŋit Yennu ninbatinu na. I sɔɔ daa mɔk tonu u par ni, ki li tonu na n baar nan parbiir leeb paak, ki biir niburchiɔŋu.

Jeems 1:22

Ŋaan ii tuun biaŋinba ki maan maŋ wann na; li-i tee ki i gbat maan maŋ, ŋaan ki ki tuun biaŋinba ki li wann na, i kpann i mɔŋe.

Fiitu 3:19

Binba kur ki n loonib na, n kpaamme ki daar bi tuba. Li paak, nyikin man i toonbiit ki daa jerimi.