Barjokit 15:2 - Yennu Gbouŋ Mɔɔr

² Yandaanɔ-i pak yoo nba, bannu tuu chat nakine, ŋaan jatuk ŋarin tuu fu fuute.

Barjokit 15:2 ပူးပေါင်းရင်းမြစ်များ

Yaŋ 45:1

Mɔbonŋanae gbee n yur, ki n yin yaŋ na ki tur kpanbar, ki li tee nan sɔbtɔŋanɔ sɔbinii na. Ki n lamm teen siir nan lin yin.

Yaŋ 59:7

Gbiintir sukit nan mabiit nba nyi bi mɔi ni. Ki bi jerima tee nan jukbanjai na ki nyi bi mɔi ni, ki bi dukii nan sɔɔ ki gbia baa yeen linba na.

Barjokit 12:23

Niib nba sub ki want baa mi linba, ŋaan jatit ŋarin tuu mɔɔnt bi jatiie.

Barjokit 13:16

Yandamm tuu dukinewa ki tun, ŋaan binba tee jatit na ŋarin mɔɔntir bi jatiie.

Barjokit 15:23

Fi-i pak mɔbonn nba took yoo nba jaŋ, li tuu mɔk parpeenn.

Barjokit 15:28

Niŋamm tuu dukinewa ki fit tur gatu. Nibiit tuu tur bi gatue yiama, ŋaan li baat nan daamiie.

Barjokit 15:7

Yandamme baat nan bannu, ŋaan jatit ŋarin ki baat nan siar.

Barjokit 16:23

Binba tee yandamm tuu dukinewa, ki tan pak, ki linba ki bi yet na ji tuu dat niib dudukit ki saan nann bi boore.

Barjokit 5:2

Ŋanne ki a saa bann faa sii be fanu biaŋinba, ki a mɔmaan sii want faa mɔk bannu biaŋinba.

Banntɔɔ 10:14

Jatuk kpan piak yoo kure. Sɔɔ ki mi linba saa wei poor, sɔɔ bia ki mi linba saa baar ti kuun poor po.

Banntɔɔ 5:3

Li-i tee ki a be daamii ni, a sii damii li damiite. Li-i tee ki a mantik piak maan, a tan saa mann pak jat maama.

Aisaya 50:4

Yabint Yennu wannin maa saa pak linbawa, ki n saa fit kɔɔn binba chɔk na paŋ. Sanyiɔk kur, u te ki n numm mɔne nan man gbiint linba ki u saa wannin.