Barjokit 15:19 - Yennu Gbouŋ Mɔɔr

¹⁹ Li-i tee ki a tiin gbannyakir, a sii tookit bonpaarae lokir kur po, ŋaan fi-i tee niŋanɔ a kan la daamii.

Barjokit 15:19 ပူးပေါင်းရင်းမြစ်များ

Yaŋ 25:12

Niib nba tiin Yennu, ŋamme saa tumii ki bann u sɔnii nba ki bi saa tɔkin,

Yaŋ 27:11

Yennu, wantin faa loon man tun linba tura, ki ŋmakitin ki man tɔkin sɔnŋanu, kimaan n mɔk datai bonchiann.

Yaŋ 5:8

Yennu, n datai yab bonchiann. Sommitin ki man tun a loomm. Ŋammit a sɔnu fanu ki man tɔkin.

Barjokit 11:5

Binbenŋansime saa tur niŋanɔ manfoor nba tee dafur, ŋaan toonbiit damme tuu baar nan bi mɔŋ baak.

Barjokit 15:18

Wutoa nba do yian yian baat nan mɔniɔko, ŋaan ki sukuru baat nan parmaasir.

Barjokit 15:20

Bik nba mɔk yan teen u baa parpeenne, ŋaan bik nba tee jatuk yisin u naae.

Barjokit 22:13

Gbannyakdamm tuu kar bi ŋei niŋe, ŋaan yeen a bi kan nyi nanyer po, ki yanbɔr n tan mann sooribi.

Barjokit 22:5

Fi-i loon a manfoor, fan lɔkit barit nba so biit damm na.

Barjokit 26:13

Bee ki gbannyakdaanɔ kan ban nyi ŋaak ni? U tiin bee? Yanbɔra-a?

Barjokit 3:6

Ii tian Yennu po linba ki a tuun kur ni, ki u saa wanna sɔnu nba ŋan.

Barjokit 6:6

Gbannyakdamm, ii got languur binbeŋ ki tumii yan.

Barjokit 8:9

Binba mɔk yanfoon na, li kur yeene ki turib; ki binba mɔk bannu na, siar ki dɔɔkibi.

Aisaya 30:21

Yi-i bot ki saan diitu po koo gaŋ po, i saa gbat u kunkɔr i poor po, ki li yeen a, “Sɔnue na. Ii waar.”

Aisaya 35:8

Sɔnjar sii be leŋ ki li sann tee, “Kasii Sɔnu.” Biit daanɔ kan ban tɔkin sɔnu maŋi, ki jatit kan turin binba tɔk sɔnu maŋi.

Aisaya 57:14

Ki Yennu ŋamm yet a, “Ŋaant ki n niib n ŋmat jen n boor. Bakint bonjarkar kur bi sɔnu ni, faan sɔnu ki teenir siir.