Barjokit 15:18 - Yennu Gbouŋ Mɔɔr

¹⁸ Wutoa nba do yian yian baat nan mɔniɔko, ŋaan ki sukuru baat nan parmaasir.

Barjokit 15:18 ပူးပေါင်းရင်းမြစ်များ

2 Samuel 19:43

Ki Israel jab na ŋamm yet Juda jab a, “Kpanbar Defid lek tee i nikpiimɔe, ŋaan ti kpiin nanɔ taar piik ki gari. Bee teen ki i ki goriit ki gbooti? I daa tammit nan timme tee binba bo sint yet nan ti jen nan kpanbar na.” Ŋanne Juda jab na ŋammit want nidantuk nan ninbinmɔnii, ki gaar Israel jab na.

Barjokit 10:12

Naŋ baat nan daamiie, ŋaan ki lomm dɔkint biit kur.

Barjokit 14:29

Fi-i be soon nna, fine mɔk yan, ŋaan a wutoor-i do yian yian, li want a jatii nba tee-e.

Barjokit 15:1

Soon nna gatu maakit wutoore, ŋaan ki kunkɔchiɔk dont wutoor.

Barjokit 15:19

Li-i tee ki a tiin gbannyakir, a sii tookit bonpaarae lokir kur po, ŋaan fi-i tee niŋanɔ a kan la daamii.

Barjokit 16:14

Daanɔ nba mɔk yan yiabe a bat par-ii peen, li-i tee bat wutoor doo, li ki gar sɔɔ n kpo.

Barjokit 16:28

Nitonte lin nan sanjaauŋ, ki baat nan daamii ki biir yɔɔs.

Barjokit 22:24

Niib nba tee wutobiit damm na, a daa sob yɔɔsi;

Barjokit 25:15

Sukurue maakit linba paar, li fit lebitir doo diara dudukit gbaa.

Barjokit 26:21

Sankɔɔnae te ki daaŋ ni muu nyiin, ki daat te ki daaŋ ni muu di mupeenu, nnae mun ki binba loon kunkɔna te ki mɔniɔk be yoo kur.

Barjokit 28:25

Jawuuk baat nan daamiie, ŋaan fi-i teen Yennu yada, ŋanne mɔk nyɔɔt.

Barjokit 29:22

Niib nba mɔk wutobiite baat nan daamii nan kunkɔna bonchiann.

Banntɔɔ 10:4

Li-i tee ki a tɔɔndaanɔ wutoor doo a paak, a daa nyikin toonn ni, fi-i biir ŋaan tee soon nna, a saa la nyikin chaba.

Matiu 5:9

“Binba tee sindantinna nan kunkɔnpat-teeb, parpeenn tee bi yare, kimaan ŋamme ki Yennu yib u waas.