Barjokit 14:19 - Yennu Gbouŋ Mɔɔr

¹⁹ Nibiit na tan saa gbaan niŋamm na tɔɔnn, ki sikin bi mɔŋ ŋaan miarib a bin timm ninbaauk.

Barjokit 14:19 ပူးပေါင်းရင်းမြစ်များ

Pinpiik 42:6

Ki Joosef tee Ijipt tingbouŋ yudaanɔ, ŋɔɔ maŋe bia din kɔi jeet ki teen tiŋ maŋ ni niib, nan binba nyi banfɔka. Ki Joosef ninjamm na baar ki tan gbaan u tɔɔnn, ki tibin bi yura tiŋ ni.

Pinpiik 43:28

Ki bi jiin a, “A daabir, wunba tee ti baa, bia daa be u manfoor ni, ki li manɔ.” Ki bi gbaan u tɔɔnn, ki turɔ baakir.

2 Kpanbara 3:12

Ki kpanbar Jehosafat gat a, “U tee Yennu sɔkiniie nan mɔnii.” Ŋanne ki kpanbara bantaa na saan Elaisa boor.

Yaŋ 49:14

Bi saa kpoe nan pei nba kpenn na, ki kuun sii tee bi kpaartɔɔ. Binba be kasii na saa nyannib, ki bi gbanant saa bat yian kpeentiŋ, siaminba fɔk nan bi ŋei.

Nyinu 11:8

Ki Moses pak joont a, “I saakab kur tan saa baar ki gbaan n tɔɔnn, ki barimin a n jii n niib kur kii nyi kii saa. Li poor poe ki n saa yaat saan.” Ŋanne ki Moses fiir nan wutochiɔŋ, ki nyii ŋaan nyik kpanbar na.

Nyinu 8:8

Ki kpanbar na yiin Moses nan Aarɔnn ki yetib a, “Miat Yennu ki wun boon pɔnta na, ki n saa chab niib na ki bin nyi, ki saan mann maruŋ ki tur Yennu.”

Barjokit 11:29

Binba baat nan daamii bi ŋaateeb paak tan kii mɔk siari. Niib nba tee jatit na sii tun tee daabae yandamm boor.

Barjokit 14:18

Binba ki mi siar na tuu la linba jaŋ namme bi jatii paak, ŋaan yandamm ŋarin tuu la nyɔɔt nba tee bannue.

Aisaya 60:14

Binba dinta biak na yaaboona tan saa baar ki gbaan a tɔɔnn ki tura baakir, ki binba yisima na kur tan saa gbaan ki jianta, ki saa yiina a, ‘Yennu doo,’ ki bia sii yiia ‘Sayɔnn nba tee Israel teeb kasii Yennu doo.’

Malakai 4:3

Mi-i tun linba na daar nba, i saa nyann tondamm nae, ki bi ji tee nan tanbiinii na, i taapant ni.

Toona 16:39

Li paak, ki bi baar Pɔɔl nan Sailas peŋ, ki tan teemm gafara, ŋaan nyinnib dansarik na ni, ki barimm a bin lek nyi bi doo ni.

Fiitu 3:9

Nnara, binba tee Sintaanii niib, fai damm nba yaa bi tee Juu teeb ŋaan ki ki tee na, n saa te ki bin baar ki baa fabin i tɔɔnn, ki bann nan n set looni.

1 Samuel 2:36

Ki a maaru ni, wunba tan saa tenn ki mɔk manfoor na, tan saa saan manntɔɔ maŋ boor, ki miar likirii nan jeet, ki tuu saa barin manntɔɔ na a wun te ki wun tun ki tur mannteleeb na ki fit la jeet ki di.”