Barjokit 13:25 - Yennu Gbouŋ Mɔɔr

²⁵ Popeenn damm mɔke ki di yoo kur, ŋaan toonbiit damm ŋarin be kome yoo kur.

Barjokit 13:25 ပူးပေါင်းရင်းမြစ်များ

Yaŋ 103:5

U gbeen n binbeŋ nan bonŋanae, li paak ki n tee nipaaŋ ki bia mɔk paŋ nan baakir nba mɔk paŋ biaŋinba na.

Yaŋ 132:15

N saa sat piisin Sayɔnn doo paak, ki turɔ linba kur ki u loon; n saa gboon u nandamm nan jeet.

Yaŋ 34:10

Yanbɔra saa fit kɔŋ jeet, ki kon n soorib, ŋaan binba saak Yennu maan ki kɔŋit bonŋana.

Yaŋ 37:16

Niŋanɔ mɔkint-i waar, ŋaan li chee nɔɔnbiit damm kur mɔkint nba yab.

Yaŋ 37:3

Teent Yennu yada kii tuun linba ŋan, ki li saa te ki a be tiŋ na paak nan laafia.

Barjokit 10:3

Yennu kan ŋaan ki kom n soor binba tee niŋamm na, ŋaan u saa te ki binba tee toonbiit damm na n kɔŋ baa loon linba.

Barjokit 13:18

Daanɔ nba ki loon tumiiu sii be namu nan fei nie, ŋaan wunba gbiintir ŋmakita laat baakire.

Barjokit 24:34

ŋaan faa foi yoo nba nae ki namu saa baar leka, nan nanyukɔ nba tuu lek a wun jan biaŋinba na.

Barjokit 6:11

Ŋaan waa daa dɔɔ gɔɔnt na, namu saa pikinɔ nan fat-tɔɔ nae.

Barŋanii nba ki LUK din sɔb nae na 15:14

Waa saa be doo na ni, ki u teen yana yana ki biir u likirii kur. Likirii na nba gbenn yoo nba, ki kon baa tiŋ maŋ ni bonchiann, ki gbatɔ hei.

Sennu 28:48

Li paak, i saa tun tur i datai nba ki Yennu jikiti ki teemm nae. Ki i saa kɔŋ bont kur; kon saa soori, ki nyunnyukuru sii mɔki, ki i bia saa somm yann ki kan yoo siari. Yennu saa te ki bi diini nan yaa tan saa boont.

Sennu 32:24

Ki kon nan gbanantouŋ nan yiarbiit saa kpib. N saa tun bonkob-susoot ki bin lekib, nan waatont ki bin juntib.

2 Tesalonika teeb 3:10

Taa din be i boor na, ti din tuu yɔɔ beeri a “Wunba kur ki saak toontumu, li yɔɔ ki ŋan nan wun di.”

1 Timoti 4:8

Fi-i tumii a gbanant biaŋinba ki li sii kakii, li mɔk nyɔɔta, ŋaan yentinu binbeŋ tumiiu mantik mɔk nyɔɔt. Kimaan li mɔk nyɔɔt ki turit tingbouŋ na ni mɔtana, nan Yendɔuŋ ni, yoo nba baat na.

Hiibru teeb 13:5

Ii nyinn i niɔŋ liklomm ni, ŋaan te ki i numm n gboo yaa mɔk linba; kimaan Yennu yet a, “N kan mi ki nyikani, n bia kan mi ki ŋaanani.”