Barjokit 12:4 - Yennu Gbouŋ Mɔɔr

⁴ Poo nba mɔk binbenŋaŋe tee u sɔrɔ parbifaant nan kpinkpammuk; ŋaan poo nba dint u sɔrɔ fei tee nan dindiik nae u sɔrɔ kpaba ni.

Barjokit 12:4 ပူးပေါင်းရင်းမြစ်များ

Barjokit 11:22

Poo-i fan ŋaan ki mɔk dudukŋant, u tee nan baa tuu jii salinbaŋ ki tuun doorik miar ni nae.

Barjokit 12:5

Niŋamme saa dia-a fanu, ŋaan tondamm na ŋarin loon bin kpannae.

Barjokit 14:1

Poob nba mɔk yame maa ŋei, ŋaan poojata ŋarin bet ŋeie.

Barjokit 14:30

Pardɔɔnn teen gbanant laafiae, ŋaan funfunn ŋarin tee nan dindiik nae.

Barjokit 18:22

Wunba kɔɔn poo, u la bonŋanne; li want nan Yennu ŋan ki turɔ.

Barjokit 21:19

Fi-i be muuk nie sɔ nan fii be nan poo nba tee bartooruk ki bia mɔk bunburimii.

Barjokit 21:9

Fi-i dɔɔ ŋaak yur paake sɔ nan fin nan poo bartooruk n taan diiuk.

Barjokit 30:23

nan pooyoonn nba tuu tan kun jɔɔ na, nan daabpook nba tuu tan fat u daabnaa sɔrɔ na.

Barjokit 31:29

U sɔrɔ yet a, “Poob bonchianne tee pooŋamm, ŋaan fine mantik ŋan ki gar bi kur.”

Habakuk 3:16

Ki n gbia linba na kura ki jekir, ki n mɔgbana jekir nan jaŋmaanii, ki n gbanant baŋ, ki n taa ji jekir. N saa guur soon nnae, ki saa tuu yoo nba ki Yennu tan saa dat binba lekint na tuba.

1 Korint teeb 11:11

Ŋaan ti Yomdaanɔ boor ŋarin, jɔɔ-i bonni kaa, poo mun bo sii kaa, ki poo-i munii kaa, jɔɔ sii kaa;

1 Korint teeb 11:7

Li ki tee jɔɔ n yir siari, kimaan u naan Yennu-e ki bia tee Yenpaku; ŋaan poo ŋarin tee jɔɔ pakue.

RUF labaar 3:11

Ruf, a daa biir a pare. Faa loon biaŋinba kur, n saa tuma. Doo na niib kur mi nan a tee niŋanɔe.