Barjokit 12:27 - Yennu Gbouŋ Mɔɔr

²⁷ Fi-i tee gbannyakdaanɔ, a kan ban la linba ki a looni, ŋaan fi-i loon toonn, a saa la gor.

Barjokit 12:27 ပူးပေါင်းရင်းမြစ်များ

Yaŋ 37:16

Niŋanɔ mɔkint-i waar, ŋaan li chee nɔɔnbiit damm kur mɔkint nba yab.

Barjokit 10:4

Fi-i tiin gbannyakir, namue saa soora, ŋaan toontumue saa te ki a mɔkit.

Barjokit 12:26

Niŋanɔe tee u yɔɔk ŋmakit-tɔɔ, ŋaan sɔnu nba ki nibiit tɔk na, bi tuu tan bote.

Barjokit 13:4

Gbannyakdaanɔ-i lekii loon bonsiar biaŋinba, ŋaan u kan ban la li bont. Wunba loon toonne saa la linba kur ki u loon.

Barjokit 15:16

Fi-i tee yentinnɔ ŋaan tee nandaanɔe ŋan ki gar fi-i tee mɔkitɔɔ ŋaan kii be daamii ni.

Barjokit 16:8

Fi-i mɔk barmɔnii mɔkint waaminna, li ŋan gar fi-i mɔk fobit mɔkint saama.

Barjokit 23:2

Fi-i mɔk lammeeuk, ŋaan fan soor a mɔŋ.

Barjokit 26:14

Gbannyakdamm dɔɔ bi dɔɔnii paake yoo kur. Bi tee nan gana nba jɔɔn tammɔi paak yoo kur biaŋinba nae.

Barjokit 26:15

Nisiab tiin gbannyakir nan bin jii jeet gbaa ki kɔɔn bi mɔi ni.