Barjokit 12:13 - Yennu Gbouŋ Mɔɔr

¹³ Nibiit mɔbona tuu soorib nan baruk nae, ŋaan niŋamm na nyint bi mɔŋ daamii ni.

Barjokit 12:13 ပူးပေါင်းရင်းမြစ်များ

Pinpiik 48:16

Malaka nba nyinnin ninbɔŋ kur ni, teent piisin waas na paak, ki ŋaan n sann nan n baanba Abraham nan Aisak sana-ii be waas na paak, ki ŋaan bii mɔk waas nan yaaboona bonchiann.”

2 Samuel 4:9

Ki Defid jiin Rekab nan u ninja Baana a, “N por Yennu nba fo na, wunba tuu nyintin bonbiir kur ni na, nan n ki loon linba ki i tun na.

1 Kpanbara 2:23

Ŋanne ki Solomonn jii Yennu sann ki sat mɔb a, “Yennu n faa kpin, li-i tee ki n ki te ki Adonija jii u manfoor ki pa waa boi linba po na paaki.

Yaŋ 34:19

Niŋanɔ mɔk daamii bonchiann, ŋaan Yennu-e nyintɔ daamii maŋ kur ni.

Yaŋ 34:20

Yennu-e guu u kpaba, ki nan yennkɔɔwa ki jintiri.

Yaŋ 5:6

A tuu biir faak damm nae, ki bia yisin kpikpiruk nan kpinkpannii damm.

Yaŋ 59:12

Yanbɔmm be bi para ni, ki bi mɔmaan kur tee biit. Ŋaant ki bi moindib, kimaan bi sat mɔtont ki bia fa fai.

Yaŋ 59:13

A boontib nan a wutoor, ki boontib fas fas, ki sɔɔ kur n bann tingbouŋ na kur po nan fin Yennu-e dia Israel teeb, ki a paŋ bia yat be tingbouŋ na kur po.

Yaŋ 64:8

Yennu saa biirib, kimaan bi mɔbonbiit na paak, ki binba kur saa lab saa pak bi yura,

Barjokit 10:8

Niib nba mɔk yame gaan kpaanii, ki niib nba piak jatii saa la biiru.

Barjokit 11:8

Yennu tuu nyinn niŋamm daamii nie, ŋaan ki lin baa nibiit na paak.

Barjokit 15:2

Yandaanɔ-i pak yoo nba, bannu tuu chat nakine, ŋaan jatuk ŋarin tuu fu fuute.

Barjokit 18:21

Linba ki a piak saa fit tinn koo ki nyinn manfoor, li paak, see ki a gaar a mɔbona paauk.

Barjokit 21:23

Fi-i loon faa daa kɔɔ daamii ni, fan soor a mɔŋ nan maan nba ki a piak.

Barjokit 6:2

A tiɔŋ mɔbonae soorani-i? Ki a mɔsona na tee baruk ki turani-i?

Banntɔɔ 7:18

A nyik marima na kur. Li-i tee ki a baakit Yennu, a saa nyann binbeŋa.

Daniel 6:24

Ŋanne kpanbar na te ki bi soor jab nba kur bo pak ki biir Daniel na, nan bi poob nan bi waas, ki lub bootuk nba gbee nan yanbɔra na ni. Baa siik ki saa per tiŋ na, ki yanbɔra na tabintib ki kɔnn bi kpaba kur.

Matiu 27:25

Ki niib na jiin a “Nn, u sɔn n jii timm nan ti waas yura paak.”

2 Piita 2:9

Ti Yomdaanɔ Yennu mi biaŋinba ki u saa fat niib nba tiinɔ, ki nyinnib mukisuk ni, ŋaan dat biitdamm tuba mɔkmɔk nan daar nba ki u tan saa bu bi buut.