Barbuura 7:22 - Yennu Gbouŋ Mɔɔr

²² Gideonn kunkɔnkɔnna kobii ŋantaa na nba peb bi naatuna yoo nba, ki Yennu te ki bi datai na took bi leeb nan bi jukbanjai. Ki bi kunkɔnkɔnna na chiar saan Saretann, ki saa gar saan Bef-sita, ki bia saa baar digbann nba tee Abel Mehola, ki kpia Tabaf na kpaar paak.

Barbuura 7:22 ပူးပေါင်းရင်းမြစ်များ

1 Kpanbara 19:16

ki mɔɔn kpan Nimsi bija Jehu yur paak, ki u sii tee Israel teeb kpanbar, ki mɔɔn kpan Safat bija Elaisa yur paak, wunba nyii Abel Mehola na, ki u sii tee n sɔkinii ki gaara.

1 Kpanbara 4:12

Ki Ahilud bija Baana mun dia Taanak nan Megido nan yent nba kur kpia Bef Sann, ki li kpia Saretann doo nba be Jesreel niigaŋ po, ki saan saa baar Abel Mehola doo, nan Jokmeam doo.

2 Barkperii 20:23

Ki Amonn teeb nan Moab teeb na lek Edom kunkɔnkɔnna na, ki kpiib, ki saa boontib, ki li poor po, ki bi tan ŋmat leeb paak nan kɔnbiir.

Yaŋ 83:9

Teentib nan faa din tun biaŋinba ki tur Midiann teeb, nan faa bia din tun biaŋinba ki tur Sisera nan Jabinn, Kisonn mɔkir ni na,

Aisaya 19:2

Yennu yet a, “N saa kɔnn Ijipt teeb nan bi leeb, ki kɔnn nirɔ nan u ninja, ki kɔnn nirɔ nan u lɔɔ. Digbana nba kpia leer saa kɔn nan leeb, ki kpanbara nba kpia leeb saa kɔn yiikoo paak.

Aisaya 9:3

Yennu, a turib kpinkpamjaanna, ki te ki bi mɔk parpeenn. Bi kpamm faa tun linba na paake, nan niib nba tuu jaan bi jeet ki kpamm, koo ki chentir mɔkint nba ki bi fat ki kpamm biaŋinba na,

Aisaya 9:4

kimaan a kɔnn bi yɔkit nba tuu yɔɔk bi paak nawa, ki bia jint gbann nba tuu boob bi sai ni na. A nyann digbann nba tuu diin ki ŋmaŋit a niib nawa, nan faa din nyann Midiann jab sianyoo biaŋinba na.

Esekiel 38:21

N saa jeen Gog nan mukisuk booru kur. Min Yabint Yennu-e pak na. U jab na tan saa ŋmant leeb paak nan jukbanjai.

Habakuk 3:14

A peenii na ŋmuu saar u kunkɔnkɔnna saakɔɔ nae, baa tan baarit a bin yatit yoo nba. Bi tee nan wonpaaruk nae, ki ji kpamm nan binba tuu bɔrii ki diin nandamm na.

Hagai 2:22

ki nyann boorganu naan yent kur, ki biir bi yiikoo. N saa biir taantorit nan li ŋmakit-teeb, ki taanii na saa kpo, ki taanjakira na saa kpi bi leeb.

Sekaria 14:13

Li yoo, Yennu saa ŋmat bi dudukit ki kɔɔmm jaŋmaanii bonchiann, ki sɔɔ kur saa ŋmant ki lek u lɔɔ nan kɔnn.

2 Korint teeb 4:7

Ŋaan timm nba mɔk Seyeeŋ mɔkint na tee nan yɔkboba nae, ki li want nan paŋ nba gar paŋ kur tee Yennu yare, li ki tee ti yar kaa.

Joosua 3:16

ki nyun na jit, ki taant poo, ki kpia nan doo nba ki bi yir Adam, ki li kpia Saretann doo na. Ki mɔkir maŋ nyun nba tuu puub ki siik Mɔk-kpeenn ni na jit, ki li te niib na fit somm poot, siaminba naak Jeriko na.

Joosua 6:16

Lintu nba saa pukin munlore na ni, ki mannteeb yaa bin pebir naatuna na, ki Joosua chab u jab na yaak a bii hoot, ki yetib a, “Yennu jii doo na ki teen i nuu niwa.

Joosua 6:20

Ki mannteeb na peb naatuna na, ki jab na nba gbat naatuna na yoo nba, ki bi hoot, ki doo na joonjot na kur baa. Li yoo na ki kunkɔnkɔnna na doo jɔɔr na paak, ki kɔɔ doo na ni ki nyannir.

Joosua 6:4

Mannteeb banlore-e tuu saa gar mɔlor lakir na tɔɔnn, ki sɔɔ kur-ii dia naatunn. Ki daa ŋanlore daar na, fin nan a jab na n somm ki lint doo na taar munlore, ki mannteeb na-ii peeb naatuna na.

1 Samuel 18:19

Tɔn, laa din tan jaŋ nan Sɔɔl n jii u bipoo ki tur Defid na, ki bi ji din kpint ki jiiu tur jɔɔ nba ki bi yiu Adriel, ki u nyii Mehola na.