Barbuura 6:19 - Yennu Gbouŋ Mɔɔr

¹⁹ Ki Gideonn kɔɔ u ŋaak ni, ki kpii bupaŋ ki ŋaau, ki bia jii yon bɔrik-gbinn ki teen boroboro, ki ki teen datiŋ li ni, ki jii nant na ki kpeen kpanchibuk ni, ki jii kpinnyun na ki teen bobir ni, ki ji jii ki baar nann, ki tur Yennu malaka, tijakper na nyakir.

Barbuura 6:19 ပူးပေါင်းရင်းမြစ်များ

Pinpiik 18:3

ŋaan yet a, “N yomdamm, daa gaar mani, n be nna ki saa sommi.

Pinpiik 18:5

N bia saa turi jeet waan ki yin di ki tukin paŋ, ki lian fit gar. Yaa baar n ŋaak ni na, i turin baakira, li paak, ŋaant man sommi.” Ki bi jiin a, “Ti saka, gaat niipoouk.”

Liifai teeb 2:4

Yenpiinii na-i tee boroboro nba ki bi pur li diiuk niŋ, i daa pukii datiŋ leŋi. Ii ŋaan ki lii kpakii, ki ŋmat yon nan kpanŋanin, koo ki teen lilaat ki mir kpanŋanin.

Matiu 13:33

Ki Yiisa bia yimm barjouk na ki pukin a “Yennu naan tee nan datiŋ nba ki poo tuu jii ki ŋmat nan boroboro yon nba yab, ki lin tan miik ki ji fuut do nae.”

Barbuura 13:20

Muu nba put tanpiiuk paak ki di na, ki Manoa nan u ŋaapoo la Yennu malaka na tɔkin muyeruk na ni ki doo yendɔuŋ ni, ki Manoa ji bann nan jɔɔ na bo tee Yennu malakae. Ki ŋɔɔ nan u ŋaapoo baa ki fabin tiŋ ni. Bi ji din ki la malaka na.

Barbuura 6:18

Chanbaa, a daa saa siari, ki man baar nan jeet piinii ki tan tura.” Ki Yennu yetɔ a, “N saa biar kii be nan faa tan saa jen.”

Barbuura 6:20

Ki malaka na yet Gideonn a, “Paant nant nan boroboro na tanpiiuk na paak, ki kpaar kpinnyun na li paak.” Ki Gideonn tun nna.