Barbuura 5:14 - Yennu Gbouŋ Mɔɔr

¹⁴ Bi siab nyii Efraim booru yent ni, linba din tuu tee Amalek yent na. Ki Benjaminn booru ni jab wei pukin, ki kunkɔnkɔnna saakab nyii Makir, ki binba dia saakab patii na nyii Sebulunn booru ni.

Barbuura 5:14 ပူးပေါင်းရင်းမြစ်များ

Pinpiik 35:22

Jakɔb nba daa din be tiŋ maŋ ni na, ki Rubenn dɔɔ nan Bilha, wunba tee u baa ŋaapoob na yenɔ. Jakɔb din gbat li po, ki u wutoor doo bonchiann. Tɔn, Jakɔb din mɔk bonjai piik nan banlee-e.

Pinpiik 35:23

Lea bonjai din tee Rubenn, wunba tee Jakɔb bikperik na, nan Simeonn, nan Liifai, nan Juda, nan Isakar, nan Sebulunn.

Pinpiik 35:24

Ki Rachel bonjai tee Joosef nan Benjaminn.

Yaŋ 68:27

Benjaminn boorue saa liit, ŋamme ki yab; ki Juda saakab nan bi booru saa wei bi poor, ki Sebulunn nan Naftali saakab saa wei paan.

Hosea 5:8

Pebint tɔb naatunn na, ki lin gbat Gibea nan Rama, ki ŋaan tɔb mɔnii-ii be Betel, dobiiuk na ni, ki te Benjaminn teeb na n saan tɔb.

Barbuura 12:15

Ki Abdonn, wunba tee Hilel bija maŋ kpo, ki bi piiu Piratonn, ki li be Efraim yent ni, kunkona tiŋ nba din tee Amalek teeb yar na ni.

Barbuura 3:13

Ki bat Eglonn taan Amor teeb nan Amalek teeb po, ki bi kɔn nyann Israel jab, ki fat Jeriko, doo nba mɔk kaatii na.

Barbuura 3:27

Waa saa baar Efraim, yent nba mɔk kunkona na ni, ki u peb naatunn, ki yiin Israel jab a bin teen siir nan tɔb, ki liit bi tɔɔnn, ki sik namm kunkona na paak,

Barbuura 4:10

Ki Barak yiin Naftali booru nan Sebulunn booru, ki kunkɔnkɔnna tusaa piik wei u poor, ki Deboora saan nanɔ.

Barbuura 4:14

Ki Deboora yet Barak a, “Ii saa, Yennu be a tɔɔnn. Dinna daar nba na, u te ki a kɔn nyann Siserawa.” Ki Barak jii u kunkɔnkɔnna tusaa piik ki sik namm Tabor kunkonn.

Barbuura 5:13

Ki binba tuun toonŋana baar bi tɔɔndamm boor. Ki Yennu niib na baar u boor, ki teen siir nan kunkɔnn.